ସୋସିଆଲ ମିଡିଆର ଛୋଟ ଭିଡିଓକୁ ନେଇ ବେଳେବେଳେ ବଡ଼ ବିତର୍କ ସୃଷ୍ଟି ହୁଏ । ଟ୍ରାଭେଲ୍ ଇନଫ୍ଲୁଏନ୍ସର ଗାରେଟ୍ ଗୀଙ୍କ କ୍ଷେତ୍ରରେ ଠିକ୍‌ ଏମିତି କିଛି ଘଟିଛି । ଯାହାଙ୍କର ଗୋଟିଏ ଭିଡିଓ ତାଙ୍କ ୩ ମିଲିୟନରୁ ଅଧିକ ଇନଷ୍ଟାଗ୍ରାମ୍ ଫଲୋଅର୍ସଙ୍କ ମଧ୍ୟରେ ବିବାଦ ସୃଷ୍ଟି କରିଛି । ଭିଡିଓରେ, ସେ ତାଙ୍କ ସାତ ବର୍ଷର ପୁଅକୁ ଏକ ବିପଦପୂର୍ଣ୍ଣ ଘାଟିରୁ ହ୍ରଦକୁ ଫିଙ୍ଗି ଦେଉଥିବାର ଦେଖିବାକୁ ମିଳିଛି । ଯାହାକୁ ଦେଖି ଲୋକେ ସ୍ତବ୍ଧ ।

ଭିଡିଓରେ, ଗାରେଟ୍ ଗୀ ତାଙ୍କ ପୁଅ 'କାଲି'କୁ ଏକ ପାହାଡ଼ର ଗୋଟିଏ ପାଖକୁ ନେଉଛନ୍ତି। ପିଲାଟି ଡରିଲା ଭଳି ଦେଖାଯାଉଥିଲା । ଭୟରେ ଡେଇଁବାକୁ ବି ଅମଙ୍ଗ ହେଉଥିବା ଜଣାପଡ଼ୁଛି । କିନ୍ତୁ କିଛି ଶୁଣିନଥିଲେ ତାଙ୍କ ପିତା । ହଠାତ ପୁଅକୁ ଉଠାଇ ପାଣିକୁ ଫିଙ୍ଗି ଦେଲେ। ସୌଭାଗ୍ୟବସତଃ ପିଲାଟି କିଛି କ୍ଷତି ହୋଇନାହିଁ । ସେ ସୁରକ୍ଷିତ ଭାବରେ ପାଣିରୁ ବାହାରି, ଭିଡିଓରେ ସ୍ମାଇଲ୍ କରୁଥିବା ଦେଖାଯାଇଛି ।

ଏହାସହ ପଢ଼ନ୍ତୂ:- ଶ୍ୱଶୁର ଘର ସମ୍ପତ୍ତିରୁ ବୋହୁ ମାଗିପାରିବ କି ହକ୍ ?

ସବୁଠାରୁ ବଡ଼ କଥା ହେଲା, ଗାରେଟ୍‌ ଗୀଙ୍କ ଏହି ଭିଡିଓ ଅନଲାଇନ୍ ଦର୍ଶକଙ୍କୁ ଭାଗ ଭାଗ କରିଦେଇଛି । କିଛି ୟୁଜର ଏହାକୁ ବେପରୁଆ ଏବଂ ବିପଦ୍‌ଜନକ ବୋଲି କହିଥିବା ବେଳେ ଆଉ କିଛି ଏହାକୁ ପିଲାଙ୍କ ଆତ୍ମବିଶ୍ୱାସ ବୃଦ୍ଧି କରିବାର ଏକ ଅନନ୍ୟ ଉପାୟ ବୋଲି କହିଛନ୍ତି ।

ଗ୍ୟାରେଟ୍ ଭିଡିଓର କ୍ୟାପସନରେ ସ୍ପଷ୍ଟ କରିଛନ୍ତି ଯେ ଏହା ଅଭିଭାବକଙ୍କ ପାଇଁ ପରାମର୍ଶ ନୁହେଁ ଏବଂ ସବୁ ପିଲାଙ୍କ ପାଇଁ ମଧ୍ୟ ଉଦ୍ଦିଷ୍ଟ ନୁହେଁ। ସେ ଅହୁରି ଲେଖିଛନ୍ତି, ଏହି ଭିଡିଓରେ ପ୍ରଥମେ ସୁରକ୍ଷାକୁ ପ୍ରାଥମିକତା ଦିଆଯାଇଛି । ଦ୍ୱିତୀୟରେ ଏହା ପିଲାମାନଙ୍କୁ କଠିନ କାମ କରିବା ପାଇଁ ସାହସ ଦେବା ଉଦେଶ୍ୟରେ କରାଯାଇଛି । ତୃତୀୟରେ ଏହା କେବଳ ମଜା ପାଇଁ ।

ସେ ଆହୁରି ବ୍ୟାଖ୍ୟା କରିଛନ୍ତି ଯେ ସେ ତାଙ୍କ ପୁଅକୁ ସେହିଠାରେ ହିଁ ଫିଙ୍ଗିଛନ୍ତି, ଯେଉଁଠାରେ ସେ ଜାଣିଥିଲେ ଯେ ସେ ସୁରକ୍ଷିତ ରହିବ। ସେ ଯୁକ୍ତି ବାଢ଼ିଛନ୍ତି ଯେ ବେଳେବେଳେ ପିଲାଙ୍କୁ ସାହସିକ ପଦକ୍ଷେପ ନେବାକୁ ଶିଖାଇବା ପାଇଁ ଟିକିଏ ଚାପ ପ୍ରୟୋଗ କରିବା ଆବଶ୍ୟକ।

ଏହି ଭିଡିଓଟି ଗ୍ୟାରେଟ୍‌ଙ୍କ ପତ୍ନୀ ଜେସିକା ଗୀଙ୍କ ଦ୍ୱାରା ଉତ୍ତୋଳନ କରାଯାଇଥିଲା, ଯିଏ ତାଙ୍କ ଟ୍ରାଭେଲ ଡକ୍ୟୁମେଣ୍ଟେସନ୍‌ରେ ପ୍ରମୁଖ ଭାବରେ ସ୍ଥାନ ପାଇଥାନ୍ତି। ପୁରା ପରିବାର ହାୱାଇରେ ରୁହନ୍ତି ଏବଂ ତିନିଟି ପିଲାଙ୍କ ପିତାମାତା। ଭିଡିଓଟି ଭାଇରାଲ ହେବା ପରେ ଏହା ୟୁଜରଙ୍କ ମଧ୍ୟ ଅସନ୍ତୋଷ ସୃଷ୍ଟି ହୋଇଥିଲା । ହେଲେ ଗ୍ୟାରେଟ୍ କହିଥିଲେ ଯେ ସେ ଜଣେ ଦାୟିତ୍ୱବାନ ପିତା ଏବଂ ତାଙ୍କ ପିଲାମାନଙ୍କୁ ସୀମା ଭିତରେ ନିରାପଦରେ ଚ୍ୟାଲେଞ୍ଜର ସମ୍ମୁଖୀନ ହେବାକୁ ସେ ଶିଖାନ୍ତି। ସେ ଆହୁରି ମଧ୍ୟ କହିଛନ୍ତି ଯେ ପିଲାମାନଙ୍କ ମଧ୍ୟରେ ସାହସିକତା ସୃଷ୍ଟି କରିବା, ବେଳେବେଳେ ବିରୋଧାଭାସ ସୃଷ୍ଟି କରିପାରେ, କିନ୍ତୁ ତାଙ୍କର ଲକ୍ଷ୍ୟ ସବୁବେଳେ କିଛି ନୂଆ ଶିଖିବା ପାଇଁ ରହିଛି ।

View this post on Instagram

A post shared by Garrett Gee (@garrettgee)