ଆଫଗାନିସ୍ତାନ ବିପକ୍ଷରେ ହେବାକୁ ଥିବା ଏକମାତ୍ର ଟେଷ୍ଟ ଏବଂ ତିନି ମ୍ୟାଚ୍‌ ବିଶିଷ୍ଟ ଦିନିକିଆ ସିରିଜ୍‌ ପାଇଁ ମଙ୍ଗଳବାର ଦଳ ଘୋଷଣା କରିଛି ବିସିସିଆଇ । ଟେଷ୍ଟ ଓ ODI ସିରିଜ୍‌ ପାଇଁ ୧୫ ଜଣିଆ ଦଳ ଘୋଷଣା କରିଛି । ଉଭୟ ଫର୍ମାଟରେ ଶୁବମନ ଗିଲ୍‌ଙ୍କୁ ଅଧିନାୟକ ଦାୟିତ୍ବ ଦିଆଯାଇଛି । ତେବେ ଚଳିତ IPL ୨୦୨୬ରେ ଗୁଜରାଟ ଟାଇଟାନ୍ସ ପାଇଁ ଖେଳୁଥିବା ୧୧ ଜଣ ଖେଳାଳିଙ୍କୁ ଭାରତୀୟ ଦଳରେ ସାମିଲ କରାଯାଇଛି ।

ଏକଥା ଆମେ କହୁ ନାହୁଁ ବରଂ ଗୁଜରାଟ ଟାଇଟନ୍ସ ନିଜେ ସୋସିଆଲ ମିଡିଆରେ ଏକ ପୋଷ୍ଟ ସେୟାର କରିଛି । ଯେଉଁଥିରେ ଲେଖାଅଛି କି ଆଫଗାନିସ୍ତାନ ସିରିଜ୍‌ ପାଇଁ ଘୋଷଣା ହୋଇଥିବା ଦଳରେ ଗୁଜରାଟ ଟାଇଟନ୍ସର ୧୧ ଜଣ ଖେଳାଳି ଅଛନ୍ତି ।

GT at the heart of Captain Gill's Team India for the ODI & Test Series 🆚 Afghanistan! 🇮🇳 pic.twitter.com/yOaBX3qMRV

— Gujarat Titans (@gujarat_titans) May 19, 2026

ଟେଷ୍ଟ ଦଳରେ ସାତ ଜଣ ଗୁଜରାଟ ଟାଇଟନ୍ସର ଖେଳାଳି ଅଛନ୍ତି । ସେମାନେ ହେଲେ ଶୁବମନ ଗିଲ୍ (ଅଧିନାୟକ), ସାଇ ସୁଦର୍ଶନ, ୱାଶିଂଟନ୍ ସୁନ୍ଦର, ମହମ୍ମଦ ସିରାଜ, ପ୍ରସିଦ୍ଧ କ୍ରିଷ୍ଣା, ମାନବ ସୁଥାର ଏବଂ ଗୁରନୁର ବ୍ରାର

ଗୁଜରାଟର ତିନିଜଣ ଖେଳାଳି ODI ଦଳରେ ଅଛନ୍ତି: ଶୁବମନ ଗିଲ୍ (ଅଧିନାୟକ), ୱାଶିଂଟନ୍ ସୁନ୍ଦର ଏବଂ ଗୁରୁନୁର ବ୍ର।ର୍

ଅଧିକ ପଢ଼ନ୍ତୁ: କିଏ ଏହି ମାନବ ସୁଥାର ? ୧୧ ଓ୍ବିକେଟ୍‌ ନେଇ ଟିମ୍‌ ଇଣ୍ଡିଆରେ ମାରିଲେ ଏଣ୍ଟ୍ରି

ଏକମାତ୍ର ଟେଷ୍ଟ ପାଇଁ ଭାରତୀୟ ଦଳ:

ଶୁବମନ ଗିଲ୍‌ (ଅଧିନାୟକ), ଯଶସ୍ୱୀ ଜୟସ୍ବାଲ, କେଏଲ ରାହୁଲ (ଉପ-ଅଧିନାୟକ), ସାଇ ସୁଦର୍ଶନ, ଋଷଭ ପନ୍ତ, ଦେବଦତ୍ତ ପାଡିକ୍କଲ, ନୀତୀଶ କୁମାର ରେଡ୍ଡୀ, ୱାଶିଂଟନ୍ ସୁନ୍ଦର, କୁଲଦୀପ ଯାଦବ, ମହମ୍ମଦ ସିରାଜ, ପ୍ରସାଦ କ୍ରିଷ୍ଣା, ମନବ ସୁଥାର, ଗୁରୁନୁର ବ୍ରାର୍‌

ODI ସିରିଜ୍ ପାଇଁ ଭାରତୀୟ ଦଳ:

ଶୁବମନ ଗିଲ୍‌ (ଅଧିନାୟକ), ରୋହିତ ଶର୍ମା, ବିରାଟ କୋହଲି, ଶ୍ରେୟାସ ଆୟର (ଉପ-ଅଧିନାୟକ), କେ.ଏଲ୍ ରାହୁଲ, ଇଶାନ କିଶନ, ହାର୍ଦ୍ଦିକ ପାଣ୍ଡ୍ୟା, ନୀତୀଶ କୁମାର ରେଡ୍ଡୀ, ୱାଶିଂଟନ୍ ସୁନ୍ଦର, କୁଲଦୀପ ଯାଦବ, ଅର୍ଶଦୀପ ସିଂ, ପ୍ରସିଦ୍ଧ କ୍ରିଷ୍ଣା, ପ୍ରିନ୍ସ ଯାଦବ, ଗୁରୁନୁର ବ୍ରାର୍‌ ଓ ହର୍ଷ ଦୁବେ

ଟେଷ୍ଟ ଏବଂ ODI ସିରିଜ୍ ସୂଚୀ

ଭାରତ ଏବଂ ଆଫଗାନିସ୍ତାନ ମଧ୍ୟରେ ପ୍ରଥମ ଟେଷ୍ଟ୍ ନ୍ୟୁ ଚଣ୍ଡିଗଡ଼ରେ ଖେଳାଯିବ । ଜୁନ୍‌ ୬ରେ ଏହି ମ୍ୟାଚ୍ ଖେଳାଯିବ । ସେହିପରି ODI ସିରିଜ୍ ଜୁନ୍ ୧୪ ତାରିଖରୁ ଆରମ୍ଭ ହେବ । ପ୍ରଥମ ମ୍ୟାଚ୍ ଧର୍ମଶାଳାର ହିମାଚଳ ପ୍ରଦେଶ କ୍ରିକେଟ୍ ଆସୋସିଏସନ୍ ଷ୍ଟାଡିୟମରେ ଖେଳାଯିବ । ଦ୍ୱିତୀୟ ଦିନିକିଆ ୧୭ ଜୁନରେ ଲକ୍ଷ୍ନୌର ଏକାନା କ୍ରିକେଟ୍ ଷ୍ଟାଡିୟମରେ ଅନୁଷ୍ଠିତ ହେବ । ସେହିପରି ସିରିଜର ତୃତୀୟ ଏବଂ ଶେଷ ମ୍ୟାଚ୍ ଚେନ୍ନାଇର ଏମଏ ଚିଦାମ୍ବରମ୍ ଷ୍ଟାଡିୟମରେ ଖେଳାଯିବ ।