Yashasvi Jaiswal / ଜୟସୱାଲଙ୍କୁ ପଚାରୁନି ଦଳ, ଟିମରୁ ବାଦ୍ ପଡ଼ିବା ପରେ ପ୍ରଶ୍ନ ଉଠାଇଲେ ପୂର୍ବତନ କ୍ରିକେଟର

ମୁମ୍ବାଇ:ଇଂଲଣ୍ଡ ବିପକ୍ଷରେ ତିନି ମ୍ୟାଚ୍ ବିଶିଷ୍ଟ ଏକଦିବସୀୟ ସିରିଜ୍ ପାଇଁ ରବିବାର ଭାରତୀୟ ଦଳ ଘୋଷଣା ହୋଇଛି । ଘୋଷଣାର କିଛି ଘଣ୍ଟା ପୂର୍ବରୁ ଚେପକରେ ଆଫଗାନିସ୍ତାନ ବିପକ୍ଷରେ ତୃତୀୟ ଏକଦିବସୀୟରେ ଶତକ ହାସଲ କରିଥିବା ଜୟସୱାଲଙ୍କୁ ସାମିଲ କରାଯାଇନାହିଁ । ଚେନ୍ନାଇରେ ଭ୍ରମଣକାରୀ ଦଳ ବିପକ୍ଷରେ ଟିମ୍ ଇଣ୍ଡିଆ କ୍ଲିନ୍ ସୁଇପ୍ କରିଥିଲା ​​ଏବଂ ସେହି ମ୍ୟାଚରେ ଜୟସୱାଲ ୧୧୦ ରନ୍ କରି ଅପରାଜିତ ରହିଥିଲେ । ତାଙ୍କୁ ଇଂଲକ୍ଷ ବିପକ୍ଷ ସିରିଜ୍ ପାଇଁ ସାମିଲ କରାଯାଇନଥିବାରୁ ପ୍ରଶ୍ନ ଉଠାଇଲେ ପୂର୍ବତନ କ୍ରିକେଟର ଆକାଶ ଚୋପ୍ରା ।

ଯଶସ୍ୱୀ ଜୟସ୍ୱାଲ ୨୦୨୩ରେ ୱେଷ୍ଟଇଣ୍ଡିଜ୍ ବିପକ୍ଷରେ ତାଙ୍କର ଟେଷ୍ଟ ଡେବ୍ୟୁ କରିଥିଲେ । ରେଡ୍-ବଲ୍ ଡେବ୍ୟୁ ପରଠାରୁ ସେ ରନ କରିଆସୁଛନ୍ତି, କିନ୍ତୁ ସେ ୫୦ ଓଭର ଫର୍ମାଟରେ ନିଜକୁ ପ୍ରତିଷ୍ଠିତ କରିପାରି ନାହାଁନ୍ତି । ଜୟସୱାଲ ଗତ ବର୍ଷ ନାଗପୁରରେ ଇଂଲଣ୍ଡ ବିପକ୍ଷରେ ଟିମ୍ ଇଣ୍ଡିଆ ପାଇଁ ତାଙ୍କର ପ୍ରଥମ ଦିନିକିଆ ଖେଳିଥିଲେ। ସେବେଠାରୁ, ସେ ୬ଟି ମ୍ୟାଚରେ ୭୧.୨୫ ହାରରେ ୨୮୫ ରନ୍ କରିଛନ୍ତି। ତଥାପି ସେ ଦିନିକିଆ ସେଟଅପ୍ ପାଇଁ ଉପଲବ୍ଧ ନାହାନ୍ତି । ଭାଷ୍ୟକାର ତଥା କମେଣ୍ଟେଟର ଆକାଶ ଚୋପ୍ରା ବାମହାତୀ ବ୍ୟାଟସମ୍ୟାନଙ୍କ ଟିମ୍ ଇଣ୍ଡିଆରେ ସ୍ଥାନ ନ ମିଳିବା ଉପରେ ପ୍ରଶ୍ନ ଉଠାଇଛନ୍ତି ।

• ଶତକ ମାରିବା ପରେ ବି ମିଳୁନି ସ୍ଥାନ

ଭାରତୀୟ ଦଳରେ ସ୍ଥାନ ନ ପାଇବା ପରେ, ଆକାଶ ଚୋପ୍ରା ତାଙ୍କ ୟୁଟ୍ୟୁବ୍ ଚ୍ୟାନେଲରେ ଜୟସୱାଲଙ୍କ ବିଷୟରେ କହିଥିଲେ, "ସେ କିଛି ମ୍ୟାଚ୍ ଖେଳିଛନ୍ତି, ଦୁଇଟି ଶତକ ମାରିଛନ୍ତି । ସେ ଦକ୍ଷିଣ ଆଫ୍ରିକା ବିପକ୍ଷରେ ଏକ ଶତକ ମାରିଥିଲେ, ପରବର୍ତ୍ତୀ ସିରିଜରେ ବାଦ ପଡ଼ିଥିଲେ । ସେ ଆଫଗାନିସ୍ତାନ ବିପକ୍ଷ ସିରିଜର ଶେଷ ମ୍ୟାଚରେ ଏକ ଶତକ ମାରିଥିଲେ, ପରବର୍ତ୍ତୀ ସିରିଜରେ ବାଦ ପଡ଼ିଥିଲେ। ଆପଣ ନିଶ୍ଚିତ ଭାବରେ ନିଜକୁ ପ୍ରଶ୍ନ କରିବେ 'ମୁଁ ଆଉ କଣ କରିପାରିବି'। କିନ୍ତୁ ଜୟସୱାଲଙ୍କ ସହ କିଛି ଏପରି ଘଟିଛି ।"

• 'ଯଶସ୍ଵୀ ଆଉ କଣ ବା କରିବେ ?'

"ଶୁଭମନ ଗିଲ ରୋହିତ ଶର୍ମାଙ୍କ ସହ ଅଛନ୍ତି । ଇଶାନ କିଷାନ ଅଛନ୍ତି । ସେ ଜଣେ କିପର, ଜଣେ ମଧ୍ୟକ୍ରମ ବ୍ୟାଟସମ୍ୟାନ, ଜଣେ ବ୍ୟାକଅପ୍ କିପର । ସେ ଏପରି ଖେଳାଳି ଯିଏ ସବୁଠି ଫିଟ୍ ହୋଇପାରିବେ। ଏହାପରେ ବି ଇଶାନ ଯଦି ଯଶସ୍ୱୀ ସେଠାରେ ନାହାନ୍ତି, ତେବେ ଆପଣଙ୍କୁ ତାଙ୍କ ବିଷୟରେ ଅନୁଭବ କରିବାକୁ ପଡ଼ିବ। ସେ ଦଳରେ ସାମିଲ ହେବାକୁ ଆଉ କ'ଣ କରିପାରିବେ । ସେ ରନ କରୁଛନ୍ତି, କିନ୍ତୁ ତାଙ୍କ ନାମ ଏପର୍ଯ୍ୟନ୍ତ ଆସୁନାହିଁ।" "ଯଶସ୍ୱୀ ଗତ ସିରିଜରେ କେବଳ କୋହଲି ଆହତ ହେବା ସମୟରେ ଆସିଥିଲେ, ନଚେତ୍ ତାଙ୍କ ଆସିବାର କୌଣସି ସମ୍ଭାବନା ନଥିଲା ।"

ପଢନ୍ତୁ ଏହି ଖବର: 'ସରି ସଞ୍ଜୟ'; କାହିଁକି ବୈଭବଙ୍କୁ ନେଇ ମାଞ୍ଜେରକରଙ୍କୁ କ୍ଷମା ମାଗିଲେ ସୁନୀଲ ଗାଭାସ୍କର ?

• ନିଜକୁ ଅନେକ ଥର ପ୍ରମାଣିତ କରିଛନ୍ତି ଜୟସୱାଲ

ଆଫଗାନିସ୍ତାନ ବିପକ୍ଷ ODI ସିରିଜ ପାଇଁ ବିରାଟ କୋହଲିଙ୍କୁ ଦଳରେ ସାମିଲ କରାଯାଇଥିଲା । ତଥାପି ଏହା ତାଙ୍କ ଫିଟନେସ ଉପରେ ନିର୍ଭର କରାଯାଇଥିଲା । କାରଣ RCBର ଟାଇଟଲ ବିଜୟ ବେଳେ କୋହଲିଙ୍କ ହାମଷ୍ଟ୍ରିଙ୍ଗ୍ ଆଘାତ ହୋଇଥିଲା । ମ୍ୟାଚ୍ ବେଳେ କୋହଲି ସୁସ୍ଥ ହୋଇପାରି ନଥିଲେ, ଯାହା ଫଳରେ ଚୟନକର୍ତ୍ତାମାନେ ଜୟସୱାଲଙ୍କୁ ସୁଯୋଗ ଦେଇଥିଲେ । ଜୟସୱାଲ ଲକ୍ଷ୍ନୌ ODIରେ ବିଫଳ ହୋଇଥିଲେ ସତ, କିନ୍ତୁ ସେ ଚେନ୍ନାଇରେ ଶତକ ହାସଲ କରି ନିଜର ଯୋଗ୍ୟତା ପ୍ରମାଣିତ କରିଥିଲେ ।