ଭାରତ-ଇଂଲଣ୍ଡ ମଧ୍ୟରେ ପାଞ୍ଚ ମ୍ୟାଚ୍‌ ବିଶିଷ୍ଟ ଟି-୨୦ ସିରିଜ୍‌ ଖେଳାଯାଉଛି । ମଙ୍ଗଳବାର ଏହି ସିରିଜ୍‌ର ତୃତୀୟ ମ୍ୟାଚ୍‌ ଖେଳାଯିବ । ଏହି ସିରିଜ୍‌ରେ ଅଭିଷେକ ଶର୍ମା ମଧ୍ୟ ଟିମ୍‌ ଇଣ୍ଡିଆରେ ରହିଛନ୍ତି । ଏପର୍ଯ୍ୟନ୍ତ ଖେଳାଯାଇଥିବା ଦୁଇଟି ମ୍ୟାଚରେ ସେ ଚମତ୍କାର ବ୍ୟାଟିଂ କରିଛନ୍ତି ଏବଂ ଅର୍ଦ୍ଧଶତକ ହାସଲ କରିଛନ୍ତି । ତେବେ ଇଂଲଣ୍ଡ ଗସ୍ତ ମଧ୍ୟରେ ଦିଲ୍ଲୀ ହାଇକୋର୍ଟର ଦ୍ବାରସ୍ଥ ହୋଇଛନ୍ତି ଅଭିଷେକ । ସେ ତାଙ୍କ ଅଧିକାରକୁ ସୁରକ୍ଷା ଦେବା ପାଇଁ ଦିଲ୍ଲୀ ହାଇକୋର୍ଟର ଦ୍ୱାରସ୍ଥ ହୋଇଛନ୍ତି ।

ଅଭିଷେକ ଶର୍ମା ଦିଲ୍ଲୀ ହାଇକୋର୍ଟରେ ଏକ ସତ୍ୟପାଠ ଦାଖଲ କରିଛନ୍ତି, ଯେଉଁଥିରେ କୁହାଯାଇଛି ଯେ ତାଙ୍କ ନାମ ଏବଂ ଫଟୋ ତାଙ୍କ ସମ୍ମତି ବିନା ଏଆଇ-ସମ୍ବନ୍ଧୀୟ କାର୍ଯ୍ୟକଳାପରେ ବ୍ୟବହାର କରାଯିବା ଉଚିତ୍ ନୁହେଁ । ଏଆଇ ସହିତ ସୃଷ୍ଟି ହୋଇଥିବା ତାଙ୍କର ଫଟୋର ଅପବ୍ୟବହାର କରାଯାଉଛି ।

ଅଧିକ ପଢ଼ନ୍ତୁ: BCCI ନିଷ୍ପତ୍ତିକୁ ନେଇ ରାହାଣେଙ୍କ ଅସନ୍ତୋଷ! ସଞ୍ଜୁ ସାମସନଙ୍କ ପ୍ରସଙ୍ଗରେ ବଡ଼ ବୟାନ

ସେ କୋର୍ଟରେ ତାଙ୍କ ଫଟୋର ଲିଙ୍କ ମଧ୍ୟ ଦାଖଲ କରିଛନ୍ତି । ଅଭିଷେକ ଦାବି କରିଛନ୍ତି ଯେ ଏଆଇ ବ୍ୟବହାର କରି ତାଙ୍କ ମୁହଁ ଏବଂ ନାମର ଅପବ୍ୟବହାର କରାଯାଉଛି । ସେ ଏହାକୁ ବନ୍ଦ କରିବାକୁ କୋର୍ଟକୁ ଅନୁରୋଧ କରିଛନ୍ତି ।

ତାଙ୍କ ଆବେଦନ ସମ୍ପର୍କରେ, ହାଇକୋର୍ଟ କହିଛନ୍ତି ଯେ ଅନଲାଇନ୍ ଜଗତରେ ବ୍ୟକ୍ତିଗତ ଅଧିକାର ଏବଂ ମାନହାନି ମଧ୍ୟରେ ବହୁତ ଦ୍ୱନ୍ଦ୍ୱ ରହିଛି । ଏହା ବ୍ୟତୀତ, ଦିଲ୍ଲୀ ହାଇକୋର୍ଟର ବିଚାରପତି ଜ୍ୟୋତି ସିଂହ ଅଭିଷେକଙ୍କ ଓକିଲଙ୍କୁ ଅଧିକ ସ୍ପଷ୍ଟ ପ୍ରମାଣ (ସ୍କ୍ରିନସଟ୍) ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି । ଅଭିଷେକ ଶର୍ମା ବର୍ତ୍ତମାନ ଉତ୍କୃଷ୍ଟ ଫର୍ମରେ ଅଛନ୍ତି ଏବଂ ଇଂଲଣ୍ଡ ବିପକ୍ଷ ଟି-୨୦ ସିରିଜରେ ଭାରତ ପାଇଁ ଇନିଂସ ଓପନ କରୁଛନ୍ତି । ସେ ଦୁଇଟି ମ୍ୟାଚ୍‌ରେ ଚମତ୍କାର ବ୍ୟାଟିଂ କରିଛନ୍ତି ।

ଅଭିଷେକ ପ୍ରଥମ ମ୍ୟାଚ୍‌ରେ ୫୯ ରନ୍‌ର ଏକ ଧମାକାଦାର ଇନିଂସ ଖେଳିଥିଲେ ଏବଂ ଦ୍ୱିତୀୟ ମ୍ୟାଚ୍‌ରେ ମଧ୍ୟ ୪୩ ରନ୍ କରିଥିଲେ । ଏବେ ସମସ୍ତଙ୍କ ନଜର ୭ ଜୁଲାଇରେ ତୃତୀୟ ମ୍ୟାଚ୍‌ରେ ଅଭିଷେକଙ୍କ ଉପରେ ରହିଛି ।