ମୁମ୍ବାଇ: ଭାରତର ପ୍ରସିଦ୍ଧ କ୍ରିକେଟର ବିରାଟ କୋହଲିଙ୍କ ଇନଷ୍ଟାଗ୍ରାମ ଆକାଉଣ୍ଟ ହଠାତ୍ ଉଡ଼ି ଯାଇଛି । ଯାହାକୁ ନେଇ ବିରାଟଙ୍କ ପ୍ରଶଂସକ ଚକିତ ହୋଇ ଯାଇଛନ୍ତି । ତେବେ ବିରାଟ ନିଜେ ଆକାଉଣ୍ଟକୁ ଡିଲିଟ୍ କରି ଦେଇଛନ୍ତି ନା କୌଣସି କାରଣରୁ ନିଲମ୍ବିତ ହୋଇଛି ?

ବିରାଟ କୋହଲିଙ୍କ ଇନଷ୍ଟାଗ୍ରାମ ଆକାଉଣ୍ଟରେ ୨୭୦ ମିଲିୟନ୍ ଅର୍ଥାତ୍ ୨୭ କୋଟି ଫଲୋୟର୍ସ ରହିଛନ୍ତି । ବିରାଟଙ୍କ ଭେରିଫାଏଡ୍ ଆକାଉଣ୍ଟ ସର୍ଚ୍ଚ କଲେ ଆସୁଛି ପ୍ରୋଫାଇଲ୍ ଉପଲବ୍ଧ ନାହିଁ । ଯାହାକୁ ନେଇ ସୋସିଆଲ୍ ମିଡିଆରେ ନାନା ଚର୍ଚ୍ଚା ଆରମ୍ଭ ହୋଇଛି ।

ଏଥିସହ ପଢ଼ନ୍ତୁ: ଅଷ୍ଟମ ଶ୍ରେଣୀ ଛାତ୍ରଙ୍କ ବ୍ୟାଗରୁ ବନ୍ଧୁକ ଜବତ; କେଉଁଠୁ ଆସିଲା, ପୋଲିସର ତନାଘନା

କୋହଲି ଇନଷ୍ଟାଗ୍ରାମରେ ଦୀର୍ଘ ଦିନରୁ ସକ୍ରିୟ ଅଛନ୍ତି । କ୍ରିକେଟ୍ ଅପଡେଟ୍‌ରୁ ନେଇ ବ୍ରାଣ୍ଡ କୋଲାବରସେନ କରୁଛନ୍ତି । ଏଭଳି ସମୟରେ ହଠାତ୍ ବିରାଟଙ୍କ ଇନଷ୍ଟା ଆକାଉଣ୍ଟ ହଟିଯିବା ସମସ୍ତଙ୍କୁ ଚକିତ କରିଛି।

ବିରାଟଙ୍କ ଇନଷ୍ଟା ଆକାଉଣ୍ଟ ହଟିବା ପରେ ସୋସିଆଲ୍ ମିଡିଆରେ ପ୍ରଂଶସକ ଅନୁଷ୍କା ଶର୍ମାଙ୍କ ଇନଷ୍ଟା ପୋଷ୍ଟରେ କମେଣ୍ଟ କରି ପ୍ରଶ୍ନ ପଚାରିବା ଆରମ୍ଭ କରିଛନ୍ତି । ଲେଖିଛନ୍ତି, ଭାଇ କୁଆଡ଼େ ଗଲେ, ଆକାଉଣ୍ଟର କ'ଣ ହେଲା ?

ଏଥିସହ ପଢ଼ନ୍ତୁ: ବାଂଲାଦେଶ ସହ ହାତ ମିଳାଇଲା ପାକିସ୍ତାନ; ବିଶ୍ଵକପ୍‌ରେ ଭାରତ ବିପକ୍ଷରେ ଖେଳିବନି ମ୍ୟାଚ୍ !

ତେବେ କୋହଲିଙ୍କ ଆକାଉଣ୍ଟ ଗାଏବକୁ ନେଇ ସସପେନ୍ସ ଥିବା ବେଳେ ଇନଷ୍ଟାରେ ଭାଇରାଲ୍ ହେଉଛି ମିସିଂ ପେଙ୍ଗୁଇନ୍ । ପୋଷ୍ଟରେ ଲେଖା ଯାଇଛି, ୨୦୨୬ ରହସ୍ୟମୟ ଗାଏବ ହେବାର ବର୍ଷ ହେବାକୁ ଯାଉଛି । ଯେଉଁଠି କୋହଲି ଓ ପେଙ୍ଗୁଇନ୍ କାହାକୁ ନଜଣାଇ ୱାକ୍ ଆଉଟ୍ କରୁଛନ୍ତି ।

ଏହି ଖବର ଲେଖା ହେବା ବେଳକୁ ବିରାଟ କୋହଲିଙ୍କ ଇନଷ୍ଟାଗ୍ରାମ ଆକାଉଣ୍ଟ ପୁଣି ସକ୍ରିୟ ରହିଛି । ପୂର୍ବ ପୋଷ୍ଟ ସବୁ ଦେଖା ଯାଉଛି । ତେବେ କେଉଁ କାରଣରୁ କିଛି ସମୟ ପାଇଁ ଆକାଉଣ୍ଟ ଗାଏବ ରହିଥିଲା ସେନେଇ ସ୍ପଷ୍ଟ ସୂଚନା ମିଳିନାହିଁ ।