Asia Cup Final / 'ଅପରେସନ୍ ହ୍ବାଇଟ୍ ବଲ' ସଫଳ, ପାକିସ୍ତାନକୁ ହରାଇ ନବମ ଥର ଏସିଆ କପ୍ ଜିତିଲା ଭାରତ
Key Points
ନବମ ଥର ପାଇଁ ଭାରତ ଏସିଆ କପ ଚାମ୍ପିଅନ । ଅପରେସନ ସିନ୍ଦୂର ପରେ ଟିମ୍ ଇଣ୍ଡିଆ ବି ନେଲା ବଦଲା । ରୋମାଞ୍ଚକର ଓ ସଂଘର୍ଷପୂର୍ଣ୍ଣ ମ୍ୟାଚ୍ରେ ବାଜି ମାରିଲା ଭାରତ ।
ଅପରେସନ ସିନ୍ଦୂର ପରେ ଟିମ୍ ଇଣ୍ଡିଆ ବି ନେଲା ବଦଲା । ଏସିଆ କପ୍ ୨୦୨୫ର ଫାଇନାଲର ରୋମାଞ୍ଚକର ଓ ସଂଘର୍ଷପୂର୍ଣ୍ଣ ମ୍ୟାଚ୍ରେ ବାଜି ମାରିଲା ଭାରତ । ତିଲକ ବର୍ମାଙ୍କ ସ୍ମରଣୀୟ ଅର୍ଦ୍ଧଶତକୀୟ ଇନିଂସ ଓ ଶିବମ ଦୁବେଙ୍କ ଆକ୍ରମଣାତ୍ମକ ସାହସିକ ବ୍ୟାଟିଂ ବଳରେ ଭାରତ ଚିର ପ୍ରତିଦ୍ଵନ୍ଦ୍ଵୀ ପାକିସ୍ତାନକୁ ୫ ଓ୍ଵିକେଟ୍ରେ ହରାଇ ଏସିଆ କପ୍ ୨୦୨୫ର ବିଜୟ ମୁକୁଟ ପିନ୍ଧିଛି ।
ଏହି ବିଜୟ ସହ ଭାରତ ନବମ ଥର ଟାଇଟଲ୍ ଜିତିଥିବା ବେଳେ ପାକିସ୍ତାନର ଟ୍ରଫି ସ୍ଵପ୍ନ ଧୂଳିସାତ ହୋଇଛି । ଚାମ୍ପିଅନ ହେବା ସହ ଭାରତୀୟବାସୀଙ୍କୁ ପୂଜା ଭେଟି ଦେଇଛନ୍ତି ସୂର୍ଯ୍ୟବାହିନୀ ।
ଅଧିକ ପଢ଼ନ୍ତୁ: ବିସିସିଆଇର ନୂଆ ଅଧ୍ୟକ୍ଷ ହେଲେ ମିଥୁନ୍, ରୋଜର ବିନ୍ନିଙ୍କ ପରେ ସମ୍ଭାଳିବେ ପଦ
ରବିବାର ଦୁବାଇ ଷ୍ଟାଡିୟମରେ ଖେଳାଯାଇଥିବା ମ୍ୟାଚରେ ଟସ୍ ଜିତି ବୋଲିଂ ନିଷ୍ପତ୍ତି ନେଇଥିଲା ଭାରତ । ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୨୦ ଓଭରରେ ପାକିସ୍ତାନ ୧୪୬ ରନ୍ କରିଥିଲା । ପାକିସ୍ତାନ ପକ୍ଷରୁ ସାହିବଜାଦ ଫରହାନ୍ ସର୍ବାଧିକ ୫୭ ରନ୍ କରିଥିଲେ । ସେହିପରି ଭାରତ ପକ୍ଷରୁ କୁଲଦୀପ ଯାଦବ ୪ଟି ଓ୍ବିକେଟ ନେଇଥିବା ବେଳେ ବରୁଣ ଚକ୍ରବର୍ତ୍ତୀ, ଯଶପ୍ରୀତ ବୁମ୍ରା ଓ ଅକ୍ଷର ପଟେଲ ଦୁଇଟି ଲେଖାଏଁ ଓ୍ବିକେଟ ନେଇଥିଲେ ।
📱 Get Argus News App
✨𝗖. 𝗛. 𝗔. 𝗠. 𝗣. 𝗜. 𝗢. 𝗡. 𝗦 🏆
— BCCI (@BCCI) September 28, 2025
A dominant performance capped by an unbeaten campaign 💪
Congratulations to #TeamIndia on winning #AsiaCup2025 🇮🇳 🥳
Scorecard ▶️ https://t.co/0VXKuKPkE2#Final pic.twitter.com/n9fYeHfByB
୧୪୭ ରନର ବିଜୟ ଲକ୍ଷ୍ୟ ପଡ଼ିଆକୁ ଆସିଥିବା ଭାରତ ଆରମ୍ଭରୁ ଓ୍ବିକେଟ ହରାଇ ଥିଲା । ମାତ୍ର ୨୦ ରନରେ ୩ଟି ଓ୍ବିକେଟ ହରାଇଥିଲା ଭାରତ । କିନ୍ତୁ ଏହା ପରେ ତିଳକ ବର୍ମା ଓ ସଞ୍ଜୁ ସାମସନ ଦମଦାର ପାର୍ଟନରସିପ୍ କରି ଭାରତକୁ ବିଜୟ ଆଡକୁ ନେଇଥିଲେ । ସଞ୍ଜୁ ଆଉଟ ହେବା ପରେ ପାଳି ସମ୍ଭାଳିଥିଲେ ଶିବମ ଦୁବେ ଓ ତିଳକ ବର୍ମା । ଶେଷରେ ତିଳକଙ୍କ ଦମଦାର ଅର୍ଦ୍ଧଶତକ ଓ ଦୁବେଙ୍କ ଆକ୍ରମଣାତ୍ମକ ବ୍ୟାଟିଂ ବଳରେ ଭାରତ ୧୯.୪ ଓଭରରେ ଏହି ଲକ୍ଷ୍ୟ ହାସଲ କରିଥିଲା । ଭାରତ ପକ୍ଷରୁ ତିଳକ ବର୍ମା ଅପରାଜିତ ୬୯ ରନ୍ କରିଥିବା ବେଳେ ଦୁବେ ୩୩ ରନ ଦମଦାର ଇନିଂସ ଖେଳିଛନ୍ତି । ଏଥିସହ ଆଉ ୧୪ ଦିନରେ ପାକିସ୍ତାନକୁ ତୃତୀୟ ଥର ହରାଇଛି ଭାରତ । ଏହା ପୂର୍ବରୁ ଭାରତ ୨୦୨୩, ୨୦୧୮, ୨୦୧୬, ୨୦୧୦, ୧୯୯୫, ୧୯୯୦, ୧୯୮୮, ୧୯୮୪ରେ ଏସିଆ କପ୍ ଜିତିଥିଲା ।
Related Topics
Explore more stories