Asia Cup / ଅଭିଷେକ ଶର୍ମାଙ୍କ ୭୫ ରନ୍ର ବିସ୍ଫୋରକ ଇନିଂସ, ୧୬୯ ରନ୍ର ପିଛା କରୁଛି ବାଂଲାଦେଶ
Key Points
ପ୍ରଥମେ ଟସ୍ ଜିତି ବାଂଲାଦେଶ ବୋଲିଂ ନିଷ୍ପତ୍ତି ନେଇଥିଲା । ଆରମ୍ଭରୁ ଉତ୍ସାହଜନକ ଥିଲା ଭାରତର ବ୍ୟାଟିଂ । ଭାରତ ୨୦ ଓଭରରେ ୬ ୱିକେଟ୍ ହରାଇ ୧୬୮ ରନ୍ କରିଛି ।
ଦୁବାଇ: ଏସିଆ କପ୍ର ସୁପର୍-୪ ମୁକାବିଲାରେ ବୁଧବାର ଭାରତ-ବାଂଲାଦେଶକୁ ଭେଟିଛି । ପ୍ରଥମେ ଟସ୍ ଜିତି ବାଂଲାଦେଶ ବୋଲିଂ ନିଷ୍ପତ୍ତି ନେଇଥିଲା । ଆରମ୍ଭରୁ ଉତ୍ସାହଜନକ ଥିଲା ଭାରତର ବ୍ୟାଟିଂ । ଅଭିଷେକ ଶର୍ମା ଓ ଶୁବମନ ଗିଲ୍ଙ୍କ ଯୋଡ଼ି ବାଂଲା ବୋଲକୁ ପ୍ରହାର କରୁଥିଲେ । ଭାରତ ୨୦ ଓଭରରେ ୬ ୱିକେଟ୍ ହରାଇ ୧୬୮ ରନ୍ କରିଛି । ବାଂଲାଦେଶ ଆଗରେ ରଖିଛି ୧୬୯ ରନ୍ର ବିଜୟ ଲକ୍ଷ୍ୟ ।
୬.୨ ଓଭରରେ ଭାରତର ଦଳୀୟ ସ୍କୋର୍ ୭୭ ରନ୍ ହୋଇଥିବା ବେଳେ ରିଷଦ ହୋସେନଙ୍କ ବଲ୍ରେ କ୍ୟାଚ୍ ଆଉଟ୍ ଆଉଥିଲେ ଶୁବମନ ଗିଲ୍ । ଗିଲ୍ ୧୯ ବଲ୍ରେ ୨୯ ରନ୍ କରି ଆଉଟ୍ ହୋଇଥିଲେ । ଏହା ପରେ ବ୍ୟାଟିଂ ପାଇଁ ଆସିଥିବା ଶିବମ ଦୁବେ କ୍ରିଜ୍ରେ ଅଧିକ ସମୟ ତିଷ୍ଠି ନଥିଲେ । ମାତ୍ର ୨ ରନ୍ କରି ଦଳୀୟ ସ୍କୋର୍ ୮୩ରେ ପ୍ୟାଭିଲିୟନ୍ ଫେରିଥିଲେ ଦୁବେ ।
ଏଥିସହ ପଢ଼ନ୍ତୁ: ଭୟଙ୍କର ସ୍ଥିତି ! ସରକାରୀ ଦପ୍ତରକୁ ପଥର ମାଡ଼, ପୋଲିସ ଗାଡ଼ି ପୋଡ଼ା ଜଳା..୪ ମୃତ
📱 Get Argus News App
✨ଏହା ପରେ ସୂର୍ଯ୍ୟକୁମାର ଯାଦବ ବ୍ୟାଟିଂ ପାଇଁ ଆସିଥିବା ବେଳେ ୧୧.୧ ଓଭର୍ରେ ଖସିଥିଲା ଭାରତର ତୃତୀୟ ୱିକେଟ୍ । ଭାରତକୁ ମଜଭୁତ ସ୍ଥିତିକୁ ଆଣି ଓପନର୍ ଅଭିଷେକ ଶର୍ମା ରନ୍ ଆଉଟ୍ ହୋଇଥିଲେ । ୩୭ ବଲ୍ରେ ୫ଟି ଛକ୍କା, ୬ଟି ଚଉକା ସହାୟତାରେ ୭୫ ରନ୍ ସ୍କୋର୍ କରିଥିଲେ ଅଭିଷେକ । ଯାହାକି ଭାରତୀୟ ଟିମ୍କୁ ବଳ ଦେଇଥିଲା ।
୧୧.୬ ଓଭରରେ ସୂର୍ଯ୍ୟକୁମାର ଯାଦବ ମାତ୍ର ୫ ରନ୍ କରି କ୍ୟାଚ୍ ଆଉଟ୍ ହୋଇଥିଲେ । ୧୪.୩ ଓଭରରେ ଦଳୀୟ ସ୍କୋର୍ ୧୨୯ ହୋଇଥିବା ବେଳେ ଖସିଥିଲା ତିଲକ ବର୍ମାଙ୍କ ୱିକେଟ୍ । ଏହାପରେ ହାର୍ଦ୍ଦିକ ପାଣ୍ଡ୍ୟା, ବାଂଲା ବୋଲର୍ଙ୍କୁ ପ୍ରହାର କରିବା ବେଳେ ତାଙ୍କ ୱିକେଟ୍ ଖସିଥିଲା । ୩୮ ରନ୍ କରି କ୍ୟାଚ୍ ଆଉଟ୍ ହୋଇଥିଲେ ହାର୍ଦ୍ଦିକ ପାଣ୍ଡ୍ୟା ।
ଏଥିସହ ପଢ଼ନ୍ତୁ: ଦଶମ, ଦ୍ଵାଦଶ ପରୀକ୍ଷା ପାଇଁ CBSE ଜାରି କଲା ସୂଚୀ
ବାଂଲାଦେଶ ପକ୍ଷରୁ ରିଷଦ ହୋସନ୍ ସର୍ବାଧିକ ୨ଟି ୱିକେଟ୍ ନେଇଥିବା ବେଳେ ତଞ୍ଜିମ, ମୁସ୍ତାଫିଜର, ସୈଫୁଦିନ ଗୋଟିଏ ଲେଖାଏଁ ସଫଳତା ପାଇଥିଲେ । ୧୬୯ ରନ୍ର ପିଛା କରୁଥିବା ବାଂଲାଦେଶ ପକ୍ଷରୁ ସୈଫ ହସନ ଏବଂ ତଞ୍ଜିଦ୍ ହସନ ଓପନିଂ କରିଥିଲେ । ୧.୨ ଓଭର୍ରେ ବାଂଲାଦେଶର ଦଳୀୟ ସ୍କୋର ୪ ରନ୍ ହୋଇଥିବା ପ୍ରଥମ ଝଟ୍କା ଲାଗିଛି । ବୁମ୍ରାଙ୍କ ବଲ୍ରେ ଶିବମ ଦୁବେଙ୍କ ଦ୍ଵାରା କ୍ୟାଚ୍ ଆଉଟ୍ ହୋଇଛନ୍ତି ତଞ୍ଜିଦ୍ ହସନ ।
Related Topics
Explore more stories