ରବିବାର IPL ୨୦୨୬ର ଫାଇନାଲ ମ୍ୟାଚ୍‌ ଖେଳାଯିବ । ମୁହାଁମୁହିଁ ହେବେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଏବଂ ଗୁଜରାଟ ଟାଇଟନ୍ସ । ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଏହି ହାଇଭୋଲଟେଜ୍ ମ୍ୟାଚ୍ ଖେଳାଯିବ । ତେବେ ଏହି ଫାଇନାଲ ଫାଇଟ୍‌ ପୂର୍ବରୁ RCB ପ୍ରଶଂସକମାନଙ୍କୁ ଏକ ବଡ଼ ଝଟକା ଲାଗିଛି ।
ଶୁକ୍ରବାର ବେଙ୍ଗାଲୁରୁ ପୋଲିସ ଏକ ପରାମର୍ଶ ଜାରି କରି ଲୋକଙ୍କୁ RCBର ବିଜୟକୁ ପାଳନ କରିବା ପାଇଁ ବାଣ ନ ଫୁଟାଇବାକୁ କିମ୍ବା ରାସ୍ତାରେ ବହୁ ସଂଖ୍ୟାରେ ଏକାଠି ନ ହେବାକୁ ଅନୁରୋଧ କରିଛି । ଗତ ବର୍ଷ RCB ବିଜୟ ପରେ ଜୁନ୍‌ ୪ରେ ଅନୁଷ୍ଠିତ ହୋଇଥିବା ବିଜୟ ଉତ୍ସବରେ ବେଙ୍ଗାଲୁରୁର ଏମ ଚିନ୍ନାସ୍ୱାମୀ ଷ୍ଟାଡିୟମ୍ ବାହାରେ ଦଳାଚକଟା ହୋଇଥିଲା । ଯାହା ଫଳରେ ୧୧ ଜଣଙ୍କର ମୃତ୍ୟୁ ହୋଇଥିଲା ।

IPL ୨୦୨୬ ଫାଇନାଲ୍ ମେ' ୩୧ ତାରିଖ, ରବିବାର ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଖେଳାଯିବ। ଟାଇଟଲ୍ ମୁକାବିଲାରେ ରୟାଲ୍ ଚ୍ୟାଲେଞ୍ଜର୍ସ ବାଙ୍ଗାଲୋର ଏବଂ ଗୁଜରାଟ ଟାଇଟାନ୍ସ ମୁହାଁମୁହିଁ ହେବେ । ବେଙ୍ଗାଲୁରୁ ୨୦୨୫ ସିଜିନ୍‌ର ଚାମ୍ପିୟନ୍ ଥିଲା ଏବଂ ଗୁଜରାଟ ୨୦୨୨ ସିଜିନ୍‌ର ଚାମ୍ପିୟନ୍ ହୋଇଥିଲା । ଉଭୟ ଦଳ ପାଖରେ ଏବେ ଦ୍ୱିତୀୟ ଥର ପାଇଁ ଚାମ୍ପିୟନ୍ ହେବାର ଏକ ବଡ଼ ସୁଯୋଗ ରହିଛି ।

ದೊಡ್ಡ ಪಂದ್ಯ. ಅದಕ್ಕಿಂತಲೂ ದೊಡ್ಡ ಜವಾಬ್ದಾರಿ.

​ಬೆಂಗಳೂರು ತನ್ನ ತಂಡವನ್ನು ಬೆಂಬಲಿಸಲು ಒಂದಾಗುತ್ತಿರುವಾಗ, ಪ್ರತಿಯೊಬ್ಬರೂ ಜವಾಬ್ದಾರಿಯಿಂದ ಮತ್ತು ಸಹ ನಾಗರಿಕರಿಗೆ ಗೌರವ ನೀಡುತ್ತಾ ಸಂಭ್ರಮಿಸಬೇಕಾಗಿ ಬೆಂಗಳೂರು ನಗರ ಪೊಲೀಸ್ ವಿನಂತಿಸುತ್ತದೆ.
ನಮ್ಮ ನಗರವನ್ನು ಸುರಕ್ಷಿತವಾಗಿ, ಶಾಂತಿಯುತವಾಗಿ ಮತ್ತು ಹೆಮ್ಮೆಯಿಂದ ಇಡುವ ಆಚರಣೆಯೇ… pic.twitter.com/r6CV4IN0EE

— ಬೆಂಗಳೂರು ನಗರ ಪೊಲೀಸ್‌ BengaluruCityPolice (@BlrCityPolice) May 30, 2026

RCB ପ୍ରଶଂସକଙ୍କୁ ଝଟକା

ଫାଇନାଲ ମ୍ୟାଚ୍ ଫଳାଫଳ ପରେ ସାର୍ବଜନୀନ ସ୍ଥାନରେ ଉତ୍ସବ ପାଳନ ନ କରିବାକୁ ବେଙ୍ଗାଲୁରୁ ପୋଲିସ ଏକ ପରାମର୍ଶ ଜାରି କରିଛି । ସେହିପରି ରାସ୍ତାରେ LED ଲଗାଇବା ସମ୍ପର୍କରେ ମଧ୍ୟ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ପୋଲିସ କହିଛି ଯେ ସମ୍ପୃକ୍ତ କର୍ତ୍ତୃପକ୍ଷଙ୍କ ପୂର୍ବ ଅନୁମତି ବିନା LED ଲଗାଯାଇ ପାରିବ ନାହିଁ । ସେହିପରି ପୂର୍ବରୁ ଯେଉଁଠାରେ LED ଲଗାଯାଇଛି ସେଠାରେ ମଧ୍ୟ ଲାଇଭ୍‌ ମ୍ୟାଚ୍‌ ପ୍ରସାରଣ କରିବାକୁ ଅନୁମତି ଦିଆଯିବ ନାହିଁ ।

ଅଧିକ ପଢ଼ନ୍ତୁ: ଗିଲ୍ ଛଡ଼ାଇ ନେଲେ IPLର ଫାଇନାଲ୍ ଟିକେଟ୍, କିନ୍ତୁ ବୈଭବଙ୍କ ପାଇଁ ହେଲା ଅଧିକ ତାଳିମାଡ଼

ସେହିପରି ସମ୍ଭାବ୍ୟ ଝଗଡ଼ା ଏଡାଇବା ପାଇଁ ସାର୍ବଜନୀନ ସ୍ଥାନରେ ମଦ୍ୟପାନ ନ କରିବାକୁ ମଧ୍ୟ ପରାମର୍ଶ ଦିଆଯାଇଛି । ସେପଟେ ଲୋକ ଯେପରି କୌଣସି ଆପତ୍ତିଜନକ ପୋଷ୍ଟ ସୋସିଆଲ ମିଡିଆରେ ପୋଷ୍ଟ କରିବେ ନାହିଁ ତା'ଉପରେ ମଧ୍ୟ ସାଇବର ପୋଲିସ ନଜର ରଖିବ । ଲୋକମାନେ ଏହି ନିର୍ଦ୍ଦେଶକୁ ମାନିବେ ବୋଲି ବେଙ୍ଗାଲୁରୁ ପୋଲିସ ଆଶା ପ୍ରକାଶ କରିଛି ।