ବିଶ୍ବର ଅଧିକାଂଶ ଦେଶ ନିଜସ୍ବ କ୍ରିକେଟ୍‌ ଲିଗ୍‌ ଆୟୋଜିତ କରିଥାନ୍ତି । ଆଉ ବିଶ୍ବର ସବୁଠୁ ବଡ଼ କ୍ରିକେଟ୍‌ ଲିଗ୍ ହେଉଛି ଇଣ୍ଡିଆନ୍ ପ୍ରିମିୟର ଲିଗ୍‌ (IPL) । ଏହା ପରେ ଦ୍ବିତୀୟ ବଡ଼ କ୍ରିକେଟ୍‌ ଲିଗ୍ ହେଉଛି ବିଗ୍‌ ବାସ୍‌ । ଏହି ଲିଗ୍ ଅଷ୍ଟ୍ରେଲିଆ କ୍ରିକେଟ୍‌ ବୋର୍ଡ ଆୟୋଜିତ କରେ । ତେବେ BBLର ୧୬ତମ ସିଜିନ୍‌ ଡିସେମ୍ବର ମାସରେ ଅନୁଷ୍ଠିତ ହେବ । ତେବେ ୧୬ତମ ସିଜିନ୍‌ର ପ୍ରଥମ ମ୍ୟାଚ୍‌ ଭାରତରେ ଖେଳାଯିବ । ରିପୋର୍ଟ ଅନୁଯାୟୀ, ଭାରତୀୟ କ୍ରିକେଟ୍ ନିୟନ୍ତ୍ରଣ ବୋର୍ଡ (BCCI) ଏହି ପଦକ୍ଷେପକୁ ଅନୁମୋଦନ କରିଛି । ବର୍ତ୍ତମାନର ରିପୋର୍ଟ ଅନୁଯାୟୀ, ବିଗ୍ ବାସ୍ ଲିଗ୍ ୨୦୨୬ର ଉଦଘାଟନୀ ମ୍ୟାଚ୍ ଭାରତରେ ଖେଳାଯିବ ।

ଭାରତରେ BBL କେବେ ଏବଂ କେଉଁଠାରେ ଖେଳାଯିବ ?

ରିପୋର୍ଟ ଅନୁଯାୟୀ, ବିଗ୍ ବ୍ୟାସ୍ ଲିଗ୍ ୨୦୨୬-୨୭ର ପ୍ରଥମ ମ୍ୟାଚ୍ ଚେନ୍ନାଇର ଏମ୍.ଏ. ଚିଦାମ୍ବରମ୍ ଷ୍ଟାଡିୟମରେ ଖେଳାଯିବା ପାଇଁ ସ୍ଥିର କରାଯାଇଛି । BCCI ଏହାକୁ ଅନୁମୋଦନ କରିଛି । ଏହା ପ୍ରଥମ ଥର ଅଷ୍ଟ୍ରେଲିଆ ବାହାରେ BBL ମ୍ୟାଚ୍ ଅନୁଷ୍ଠିତ ହେବ । ରିପୋର୍ଟ ଅନୁଯାୟୀ, ଲିଗ୍‌ର ୧୬ତମ ସଂସ୍କରଣ ଡିସେମ୍ବର ଦ୍ୱିତୀୟ ସପ୍ତାହରେ ଆରମ୍ଭ ହେବାର ଆଶା କରାଯାଉଛି । ତେବେ BBL ପକ୍ଷରୁ ଏପର୍ଯ୍ୟନ୍ତ ଆନୁଷ୍ଠାନିକ କାର୍ଯ୍ୟସୂଚୀ ଘୋଷଣା କରାଯାଇ ନାହିଁ ।

ଅଧିକ ପଢ଼ନ୍ତୁ: ଉପ-ଅଧିନାୟକ ପଦରୁ ହଟିଲେ ଋଷଭ ପନ୍ତ, କେଏଲ ରାହୁଲଙ୍କୁ ମିଳିଲା ଗୁରୁ ଦାୟିତ୍ବ

ବିଶ୍ୱରେ ଭାରତରେ ସର୍ବାଧିକ କ୍ରିକେଟ ପ୍ରଶଂସକ ଅଛନ୍ତି । ଏହାକୁ ଦୃଷ୍ଟିରେ ରଖି କ୍ରିକେଟ ଅଷ୍ଟ୍ରେଲିଆ ଭାରତରେ BBL କରିବାକୁ ନିଷ୍ପତ୍ତି ନେଇଛି । ଯଦି BBLର ଉଦଘାଟନୀ ମ୍ୟାଚ୍ ଚେନ୍ନାଇରେ ଅନୁଷ୍ଠିତ ହୁଏ, ତେବେ ଉଦଘାଟନୀ ସମାରୋହ ମଧ୍ୟ ସେଠାରେ ଅନୁଷ୍ଠିତ ହୋଇପାରେ ।

ଏକ ୫ ଜଣିଆ କ୍ରିକେଟ ଅଷ୍ଟ୍ରେଲିଆ ଦଳ ଚେନ୍ନାଇ ଗସ୍ତ କରିଥିଲା

ରିପୋର୍ଟ ଅନୁଯାୟୀ, IPL ୨୦୨୬ରେ ଚେନ୍ନାଇରେ ହୋଇଥିବା ଶେଷ ମ୍ୟାଚ୍‌ ସମୟରେ ୫ ଜଣିଆ କ୍ରିକେଟ ଅଷ୍ଟ୍ରେଲିଆ ଦଳ ଯାଞ୍ଚ ପାଇଁ ଚେନ୍ନାଇରେ ଥିଲେ । BCCI ସଭାପତି ମିଥୁନ ମନହାସ ମଧ୍ୟ ଉପସ୍ଥିତ ଥିଲେ ଏବଂ ସଦସ୍ୟମାନଙ୍କ ସହିତ ସାକ୍ଷାତ କରିଥିଲେ । କ୍ରିକେଟ ଅଷ୍ଟ୍ରେଲିଆ ପୂର୍ବରୁ ଭାରତରେ ଗୋଟିଏରୁ ଅଧିକ ମ୍ୟାଚ୍ ଆୟୋଜନ କରିବା ବିଷୟରେ ବିଚାର କରୁଥିଲା, କିନ୍ତୁ ବର୍ତ୍ତମାନ ଆଗାମୀ ସଂସ୍କରଣର କେବଳ ପ୍ରଥମ ମ୍ୟାଚ୍ ଭାରତରେ ଅନୁଷ୍ଠିତ ହେବ ।