ଆଇପିଏଲ ୨୦୨୬ର ୫୫ତମ ମ୍ୟାଚ୍ ପଞ୍ଜାବ କିଙ୍ଗସ୍ ଏବଂ ଦିଲ୍ଲୀ କ୍ୟାପିଟାଲ୍ସ ମଧ୍ୟରେ ଗତକାଲି ଖେଳାଯାଇଥିଲା । ଯେଉଁଥିରେ ଦିଲ୍ଲୀ କ୍ୟାପିଟାଲ୍ସକୁ ଦମଦାର ବିଜୟ ମିଳିଛି । ମ୍ୟାଚ୍ ଜିତି ଦିଲ୍ଲୀ ପଏଣ୍ଟ ଟେବୁଲକୁ ସମ୍ପୂର୍ଣ୍ଣ ବଦଳାଦେଇଛି । ପଞ୍ଜାବ କିଙ୍ଗସ୍ ପ୍ରଥମେ ବ୍ୟାଟିଂ କରି ୨୧୦ ରନ କରିଥିଲା । ଜବାବରେ, ଦିଲ୍ଲୀ କ୍ୟାପିଟାଲ୍ସ ୧୯ତମ ଓଭରରେ ୩ ୱିକେଟରେ ମ୍ୟାଚ୍ ଜିତିଥିଲା ।

ଏହି ବିଜୟ ସହିତ, ଦିଲ୍ଲୀ କ୍ୟାପିଟାଲ୍ସ ତାର ଟ୍ରଫି ଜିତିବାର ଆଶାକୁ ଉଜ୍ଜୀବିତ ରଖିଛି । ଏହା ବ୍ୟତୀତ ପଞ୍ଜାବକୁ ପରାସ୍ତ କରି, ଦିଲ୍ଲୀ ଚେନ୍ନାଇ ସୁପର କିଙ୍ଗସ୍ ଏବଂ ରାଜସ୍ଥାନ ରୟାଲ୍ସକୁ ମଧ୍ୟ ଯଥେଷ୍ଟ ସାହାଯ୍ୟ କରିଛି । ବର୍ତ୍ତମାନ, ୮ଟି ଦଳ ପ୍ଲେଅଫ୍ ଦୌଡ଼ରେ ଅଛନ୍ତି । ସେପଟେ ଗତକାଲି ରୟାଲ ଚ୍ୟାଲେଞ୍ଜର୍ସ ବାଙ୍ଗଲୋରଠାରୁ ମ୍ୟାଚ୍ ହାରି ମୁମ୍ବାଇ ଇଣ୍ଡିଆନ୍ସ ଏଥର ଟୁର୍ଣ୍ଣାମେଣ୍ଟରୁ ବାହାରି ଯାଇଛି ।

• ମ୍ୟାଚ୍ ମଝିରେ ଧିମେଇଲା ପଞ୍ଜାବ

ଧର୍ମଶାଳାରେ ଏହା ସିଜିନର ପ୍ରଥମ ମ୍ୟାଚ୍ ଥିଲା, ଯାହା ପଞ୍ଜାବ କିଙ୍ଗସର ଦ୍ୱିତୀୟ ଘରୋଇ ପଡ଼ିଆ ବୋଲି କୁହାଯାଏ । ପଞ୍ଜାବ ଏକ ଭଲ ଆରମ୍ଭ କରିଥିଲା ସତ, କିନ୍ତୁ ମ୍ୟାଚ୍ ମଝିରେ ଧିମେଇଥିଲା । ଓପନର ପ୍ରିୟାଂଶ ଆର୍ଯ୍ୟ ପ୍ରଥମ ବଲରେ ଛକା ମାରି ମାତ୍ର ୨.୪ ଓଭରରେ ୫୦ ରନ ସ୍କୋର କରିଥିଲେ । ପ୍ରିୟାଂଶ ପାୱାରପ୍ଲେ ମଧ୍ୟରେ ମାତ୍ର ୨୪ ବଲରେ ଅର୍ଦ୍ଧଶତକ (୫୬) ହାସଲ କରି ଦଳକୁ ଏକ ଭଲ ଆରମ୍ଭ ଦେଇଥିଲେ । କିନ୍ତୁ ଏହା ପରେ ଇନିଂସର ଗତି ହଠାତ୍ ଧୀର ହୋଇଗଲା ।

2⃣ points in the bag ✅

Picture perfect victory at a picturesque venue 🖼️@DelhiCapitals continue to fight in #TATAIPL 2026 💙

Scorecard ▶️ https://t.co/wHhflKIvCR#KhelBindaas | #PBKSvDC pic.twitter.com/Lv8HuWeRhe

— IndianPremierLeague (@IPL) May 11, 2026

ପ୍ରିୟାଂଶଙ୍କ ପରେ, ଅଧିନାୟକ ଶ୍ରେୟସ ଆୟର (ଅପରାଜିତ ୫୯) ମଧ୍ୟ ଅର୍ଦ୍ଧଶତକ ହାସଲ କରିଥିଲେ, ଯେତେବେଳେ କୁପର କନୋଲି (୩୮) ରନ୍ କରିଥିଲେ । ଶେଷରେ, ସୂର୍ଯ୍ୟାଂଶ ସେଡଗେ ମାତ୍ର ୮ ବଲରେ ୨୧ ରନ କରିଥିଲେ । ମଧ୍ୟମ ଗତିର ଅଲରାଉଣ୍ଡର ମାଧବ ତିୱାରୀ ଏବଂ ମିଚେଲ ଷ୍ଟାର୍କ ଦୁଇଟି ଲେଖାଏଁ ୱିକେଟ ନେଇଥିଲେ ।

• ମ୍ୟାଚ୍ ଜିତାଇଲେ ଅକ୍ଷର ଏବଂ ମିଲର

ପାୱାରପ୍ଲେରେ ଦିଲ୍ଲୀର ପରିସ୍ଥିତି ଆହୁରି ଖରାପ ହୋଇଗଲା, ମାତ୍ର ୩୩ ରନରେ ସମସ୍ତ ୩ ଜଣ ପ୍ରାରମ୍ଭିକ ବ୍ୟାଟସମ୍ୟାନଙ୍କ ୱ୍କିକେଟ୍ ପଡ଼ିଥିଲା । ଏଥିମଧ୍ୟରୁ ଦୁଇଟି ୱିକେଟ୍ ଅର୍ଶଦୀପ ସିଂହ ଏବଂ ଗୋଟିଏ ୱିକେଟ୍ ସିଜିନ୍‌ର ପ୍ରଥମ ମ୍ୟାଚ୍ ଖେଳୁଥିବା ଯଶ ଠାକୁର ନେଇଥିଲେ । କିନ୍ତୁ ତା’ପରେ, ଅଧିନାୟକ ଅକ୍ଷର ପଟେଲ ଯେପରି ମ୍ୟାଚ୍ ଜିତାଇବାର ଦାୟିତ୍ୱ ନେଇଥିଲେ । ସେ ତାଙ୍କର ପୂର୍ବ ୮ ଇନିଂସରେ ମାତ୍ର ୪୪ ରନ କରିଥିବାବେଳେ ଗୋଟିଏ ବି ଛକା ମାରିପାରି ନଥିଲେ । କିନ୍ତୁ ଗତକାଲି ମ୍ୟାଚରେ, ଅକ୍ଷର ଅଧିନାୟକଙ୍କ ଇନିଂସ ଖେଳି କେବଳ ପ୍ରଥମ ଛକା ମାରି ନଥିଲେ, ବରଂ ମାତ୍ର ୩୦ ବଲରେ ବିସ୍ଫୋରକ ୫୬ ରନ କରି ଦଳକୁ ମ୍ୟାଚକୁ ଫେରାଇ ଆଣିଥିଲେ । ଏହି ସମୟରେ, ତାଙ୍କୁ ଡେଭିଡ୍ ମିଲରଙ୍କଠାରୁ ଉତ୍କୃଷ୍ଟ ସମର୍ଥନ ମିଳିଥିଲା । ଦକ୍ଷିଣ ଆଫ୍ରିକାର ଏହି ଅଭିଜ୍ଞ ବ୍ୟାଟସମ୍ୟାନ୍ ୨୮ ବଲରେ ୫୧ ରନ୍ କରି ଦଳକୁ ଲକ୍ଷ୍ୟର ନିକଟତର କରିଥିଲେ ।

• ପଏଣ୍ଟ ଟେବୁଲରେ ବଡ଼ ପରିବର୍ତ୍ତନ

ଏହି ମ୍ୟାଚ୍ ଜିତିବା ପରେ ଦିଲ୍ଲୀ କ୍ୟାପିଟାଲ୍ସ ୧୨ଟି ମ୍ୟାଚରୁ ୧୦ ପଏଣ୍ଟ ହାସଲ କରିଛି, ଯାହା ଦଳର ପ୍ଲେଅଫ୍ ଆଶାକୁ ଉଜ୍ଜୀବିତ ରଖିଛି । ଏହି ମ୍ୟାଚ୍ ହାରିବା ପରେ ପଞ୍ଜାବ କିଙ୍ଗସ ପାଇଁ ଟିକେ ମୁସ୍କିଲ ବଢିଛି । ପଞ୍ଜାବ ଏପର୍ଯ୍ୟନ୍ତ ଟେବୁଲର ଚତୁର୍ଥ ସ୍ଥାନରେ ରହିଛି । ପଞ୍ଜାବର ପରାଜୟ ଟେବୁଲର ଶୀର୍ଷ ସ୍ଥାନକୁ ପରିବର୍ତ୍ତନ କରିନାହିଁ ଏବଂ ଟୁର୍ଣ୍ଣାମେଣ୍ଟରେ RCBର ପ୍ରାଧାନ୍ୟ ଅକ୍ଷୁର୍ଣ୍ଣ ଥିବା ପରି ମନେ ହେଉଛି ।



ପଢନ୍ତୁ ଏହି ଖବର: ମୁମ୍ବାଇ ଇଣ୍ଡିଆନ୍ସକୁ ଅନଫଲୋ କଲେ କି ହାର୍ଦ୍ଦିକ ପାଣ୍ଡ୍ୟା ? ଜଣାପଡ଼ିଲା ସତ

• CSKକୁ ମିଳିଲା ଏହି ଫାଇଦା

ଚେନ୍ନାଇ ସୁପର କିଙ୍ଗସ ପଞ୍ଚମ ସ୍ଥାନରେ ଅଛି, ଯେତେବେଳେ ରାଜସ୍ଥାନ ରୟାଲ୍ସ ଷଷ୍ଠ ସ୍ଥାନରେ ଅଛି । ଯଦି ଗତକାଲି ମ୍ୟାଚରେ ପଞ୍ଜାବ କିଙ୍ଗସ ଜିତିଥାନ୍ତା, ତେବେ ଉଭୟ ଦଳର ଆଗାମୀ ରାସ୍ତା ଆହୁରି କଷ୍ଟକର ହୋଇଥାନ୍ତା । କିନ୍ତୁ ମ୍ୟାଚକୁ ଦିଲ୍ଲୀ ଜିତିଥିବା ବେଳେ ପଞ୍ଜାବର ପରାଜୟ ଉଭୟ ଦଳକୁ ଏକ ଭଲ ସୁଯୋଗ ଦେଇଛି ।