ନୂଆଦିଲ୍ଲୀ: ରାଷ୍ଟ୍ରୀୟ ରାଜଧାନୀ ଦିଲ୍ଲୀ ପାଇଁ ବଡ଼ ଯୋଜନା । ଦିଲ୍ଲୀରେ ନିର୍ମାଣ କରାଯିବ 'ସ୍ପୋର୍ଟ୍ସ ସିଟି' । ଏନେଇ ବଡ଼ ଧରଣର ଯୋଜନା କରିଛି ଖେଳ ମନ୍ତ୍ରଣାଳୟ । ଖେଳ ମନ୍ତ୍ରଣାଳୟର ସୂତ୍ର ଅନୁସାରେ, ଦିଲ୍ଲୀର ପ୍ରସିଦ୍ଧ ଜବାହରଲାଲ ନେହେରୁ ଷ୍ଟାଡିୟମ୍‌କୁ ଭାଙ୍ଗି ଦିଆଯିବ । ସେହି ସ୍ଥାନରେ ନିର୍ମାଣ ହେବ 'ସ୍ପୋର୍ଟ୍ସ ସିଟି' ।

ଜବାହରଲାଲ ନେହେରୁ ଷ୍ଟାଡିୟମ୍‌ ଥିବା ସ୍ଥାନରେ ନୂତନ 'ସ୍ପୋର୍ଟ୍ସ ସିଟି' ୧୦୨ ଏକର ଅଞ୍ଚଳରେ ନିର୍ମାଣ କରାଯିବ । ଏହା କତାର ଓ ଅଷ୍ଟ୍ରେଲିଆ ଭଳି ଦେଶରେ ବ୍ୟବହାର କରାଯାଇଥିବା ଆଧୁନିକ ଖେଳ ମଡେଲ୍‌ ଢାଞ୍ଚାରେ ହେବ । ଏହାର ଉଦ୍ଦେଶ୍ୟ ଦିଲ୍ଲୀରେ ଅନ୍ତର୍ଜାତୀୟ ମାନର ଏକ ଅତ୍ୟାଧୁନିକ ଖେଳ ଭିତ୍ତିଭୂମି ତିଆରି କରିବା ।

ଏଥିସହ ପଢ଼ନ୍ତୁ: ଦୁର୍ବଳ ଦଳ ସହ ଜିତି ପାଣ୍ଡ୍ୟାଙ୍କ ମଜାକ ଉଡ଼ାଇଲେ ପାକିସ୍ତାନୀ ଖେଳାଳି ! ଭାଇରାଲ ହେଲା ପୋଷ୍ଟ

ମିଳିଥିବା ସୂଚନା ଅନୁସାରେ, ବର୍ତ୍ତମାନ ଜବାହରଲାଲ ନେହେରୁ ଷ୍ଟାଡିୟମ୍ ଯେଉଁ ଜମିରେ ରହିଛି, ତାକୁ ସମ୍ପୂର୍ଣ୍ଣ ଭାବେ ବିକଶିତ କରାଯିବ । ନୂଆ 'ସ୍ପୋର୍ଟ୍ସ ସିଟି' ପ୍ରାୟ ୧୦୨ ଏକର ଜମିରେ ପରିବ୍ୟାପ୍ତ ହେବ । ଯାହାକି ଦେଶର ଏକ ପ୍ରମୁଖ ଖେଳ ସୁବିଧା ଥିବା ସ୍ଥାନ ମଧ୍ୟରୁ ଅନ୍ୟତମ ହେବ ।

ନୂଆ 'ସ୍ପୋର୍ଟ୍ସ ସିଟି'କୁ ବିଶ୍ଵସ୍ତରୀୟ କରିବା ଲାଗି ଖେଳ ମନ୍ତ୍ରଣାଳୟ ଟିମ୍ କତାର ଓ ଅଷ୍ଟ୍ରେଲିଆରେ ଥିବା ସ୍ପୋର୍ଟ୍ସ ମଡେଲ୍‌ର ଅନୁଧ୍ୟାନ କରୁଛି । ଉକ୍ତ ଅନ୍ତର୍ଜାତୀୟ ମଡେଲ୍‌କୁ ଦେଖି ଡିଜାଇନ୍ ସହ ବିଭିନ୍ନ ବ୍ୟବସ୍ଥାକୁ ଚୂଡ଼ାନ୍ତ ରୂପ ଦିଆଯିବ ।

ଏଥିସହ ପଢ଼ନ୍ତୁ: ଶାହାରୁଖ ଖାନ୍‌ ବଞ୍ଚାଇଥିଲେ ପୂଜାରାଙ୍କ କ୍ୟାରିୟର, ଚେତେଶ୍ବରଙ୍କ ପତ୍ନୀ କଲେ ବଡ଼ ଖୁଲାସା

୧୯୮୨ ଏସିଆନ୍ ଗେମ୍ସ ପାଇଁ ଦିଲ୍ଲୀରେ ନିର୍ମାଣ ହୋଇଥିଲା ଜବାହରଲାଲ ନେହେରୁ ଷ୍ଟାଡିୟମ୍ । ୨୦୧୦ ରାଜ୍ୟଗୋଷ୍ଠୀ କ୍ରୀଡ଼ା ପାଇଁ ଏହି ଷ୍ଟାଡିୟମ୍‌ର ନବୀକରଣ କରାଯାଇଥିଲା । ଜବାହରଲାଲ ନେହେରୁ ଷ୍ଟାଡିୟମ୍ ଦୀର୍ଘ ସମୟ ପର୍ଯ୍ୟନ୍ତ କ୍ରୀଡ଼ା କ୍ଷେତ୍ରରେ ଭାରତ ପାଇଁ ଏକ ବହୁମୁଖୀ ବିକଳ୍ପ ଥିଲା । ପ୍ରାୟ ୬୦ ହଜାର ଦର୍ଶକ ଥିବା ଜବାହରଲାଲ ନେହେରୁ ଷ୍ଟାଡିୟମ୍‌ରେ ବଡ଼ ବଡ଼ ଆଥଲେଟିକ୍ ଇଭେଣ୍ଟ ସହ ଫୁଟବଲ୍ ମ୍ୟାଚ୍, ରାଷ୍ଟ୍ରୀୟ ସମାରୋହ ଆୟୋଜନ କରାଯାଇଛି ।

ସୂଚନା ଅନୁସାରେ, ଜବାହରଲାଲ ନେହେରୁ ଷ୍ଟାଡିୟମ୍‌କୁ ଭାଙ୍ଗି ଦିଆଯିବ । ସେଥିପାଇଁ ଏବେ ଷ୍ଟାଡିୟମ୍‌ ପରିସରରେ ଥିବା ନ୍ଯାସନାଲ ଆଣ୍ଟି-ଡୋପିଂ ଏଜେନ୍ସ ଏବଂ ନ୍ଯାସନାଲ୍ ଡୋପ୍ ଟେଷ୍ଟିଂ ଲାବୋରେଟୋରିକୁ ଅନ୍ୟତ୍ର ସ୍ଥାନାନ୍ତର କରାଯିବ । ଭାରତ ୨୦୩୬ ଅଲିମ୍ପିକ ଗେମ୍ସ ଆୟୋଜନ ପାଇଁ ଅଣ୍ଟା ଭିଡ଼ିଥିବା ବେଳେ ଏହି ପ୍ରକଳ୍ପ ବେଶ୍ ମହତ୍ତ୍ଵ ରଖୁଛି ।