ମହିଳା T20 ବିଶ୍ୱକପ୍ ୨୦୨୬ରେ ଗତକାଲି ସୁପରସଣ୍ଡେରେ ଭାରତ ଏବଂ ପାକିସ୍ତାନ ମୁହାଁମୁହିଁ ହୋଇଥିଲେ । ଭାରତ ଟୁର୍ଣ୍ଣାମେଣ୍ଟର ଆରମ୍ଭ ଦମଦାମ ଢଙ୍ଗରେ ଆରମ୍ଭ କରି ପାରମ୍ପରିକ ପ୍ରତିଦ୍ଵନ୍ଦ୍ଵୀ ପାକିସ୍ତାନକୁ ୬୪ ରନରେ ପରାସ୍ତ କରିଛି । ଏହି ମ୍ୟାଚରେ ପାକିସ୍ତାନ ଦଳ ନିରାଶଜନକ ପ୍ରଦର୍ଶନ କରିଛନ୍ତି । ପାକିସ୍ତାନର କୌଣସି ଖେଳାଳି ଅର୍ଦ୍ଧଶତକ ବି କରିପାରିନଥିବା ବେଳେ ଦଳ ୧୭ ଓଭରରେ ଅଲଆଉଟ୍ ହୋଇଯାଇଥିଲା । ପରାଜୟ ପରେ ପାକିସ୍ତାନୀ ଅଧିନାୟିକା ଫାତିମା ସନା ମିଡିଆ ଆଗରେ ଏକ ଗୁରୁତ୍ୱପୂର୍ଣ୍ଣ ବୟାନ ଦେଇଛନ୍ତି ।

• ପାକିସ୍ତାନୀ ଅଧିନାୟକଙ୍କ ବଡ଼ ବୟାନ

ପରାଜୟ ପରେ ପାକିସ୍ତାନୀ ଅଧିନାୟିକା ଫାତିମା ତାଙ୍କ ଫିଲ୍ଡିଂ ପ୍ରତି ଅସନ୍ତୋଷ ପ୍ରକାଶ କରିଥିଲେ। ସେ ଏହି ପରାଜୟର କାରଣ ପାକିସ୍ତାନର ଖରାପ ଫିଲ୍ଡିଂ ବୋଲି କହିଥିଲେ । ମ୍ୟାଚ୍ ପରେ ସନା କହିଥିଲେ, "ମୁଁ ଭାବୁଛି ଏହା ବ୍ୟାଟିଂ ଦୃଷ୍ଟିକୋଣରୁ ବହୁତ ନିରାଶଜନକ ଥିଲା । ବିଶ୍ୱକପ୍ ପାଇଁ ଆମକୁ ପରବର୍ତ୍ତୀ ମ୍ୟାଚ୍‌ଗୁଡ଼ିକରେ ଭଲ ପ୍ରଦର୍ଶନ କରିବାକୁ ପଡ଼ିବ। ମୁଁ ଭାବୁଛି ଶେଷ ୧୫ ଓଭର ପର୍ଯ୍ୟନ୍ତ ଆମର ପ୍ରଦର୍ଶନ ଭଲ ଥିଲା । ଏହା ପରେ ଆମେ କିଛି ଅତିରିକ୍ତ ରନ୍ ଦେଇଥିଲୁ । ଗୋଟିଏ ସମୟରେ ଆମର ଜଣେ କ୍ଷେତ୍ରରକ୍ଷକ (ଫିଲ୍ଡର) ଆସିଥିଲେ, ଯାହା ଆମକୁ ସହଯୋଗ କରିଥିଲା । ଆମେ ପରବର୍ତ୍ତୀ ମ୍ୟାଚ୍‌ଗୁଡ଼ିକରେ ଏହି ଜିନିଷଗୁଡ଼ିକରେ ଉନ୍ନତି ଆଣିବାକୁ ନିହାତି ଚେଷ୍ଟା କରିବୁ।"

• ବୋଲିଂ-ଫିଲ୍ଡିଂକୁ ନେଇ ଏମିତି କହିଲେ

ସେ ଆହୁରି ମଧ୍ୟ କହିଛନ୍ତି, "ମୁଁ ଭାବୁଛି ଆମକୁ ପରବର୍ତ୍ତୀ ମ୍ୟାଚ୍‌ରେ ଆମର ବୋଲିଂ ଏବଂ ଫିଲ୍ଡିଂ ଉଭୟରେ ଉନ୍ନତି ଆଣିବାକୁ ପଡ଼ିବ, କାରଣ ଭୁଲ୍ ଫିଲ୍ଡିଂ ଆମକୁ ସମ୍ପୂର୍ଣ୍ଣ ମ୍ୟାଚ୍ ପାଇଁ କ୍ଷତି ପହଞ୍ଚାଇପାରେ । ଆମେ ଆମର ଯୋଜନାକୁ ସଫଳ କରିବା ଏବଂ ଆମେ ଯାହା ଆଲୋଚନା କରିଥିଲୁ ତାହା ଉପରେ ଅଟଳ ରହିବାକୁ ଚେଷ୍ଟା କରୁଥିଲୁ।"

ପଢନ୍ତୁ ଏହି ଖବର: କ୍ରିକେଟ ମୈଦାନରେ ଅଜବ ଦୃଶ୍ୟ; ଝଗଡ଼ା କଲେ କ୍ରିକେଟର, ଅଟକାଇଲେ ଶିବମ ଦୁବେ

• ଚିତପଟାଙ୍ଗ ମାରିଲା ପାକିସ୍ତାନ

ପ୍ରଥମେ ବ୍ୟାଟିଂ କରି ଭାରତ ୨୦ ଓଭରରେ ୬ ୱିକେଟ୍ ହରାଇ ୧୭୦ ରନ୍ କରିଥିଲା । ଓପନର୍ ସ୍ମୃତି ମନ୍ଧାନା ୪୪ ବଲରୁ ସର୍ବାଧିକ ୬୮ ରନ୍ କରିଥିଲେ । ସେହିପରି ଅଧିନାୟିକା ହରମନପ୍ରୀତ କୌର ମଧ୍ୟ ୩୫ ବଲରୁ ୩୬ ରନ୍ କରିଥିଲେ । ରିଚା ଘୋଷ ୧୭ ବଲରୁ ୩୪ ରନ୍ କରିଥିଲେ । ଟାର୍ଗେଟର ପିଛା କରି ପାକିସ୍ତାନ ୧୭ ଓଭରରେ ୧୦୬ ରନ୍ କରି ଅଲ୍ ଆଉଟ୍ ହୋଇ ଟି୨୦ ବିଶ୍ୱକପର ପ୍ରଥମ ମ୍ୟାଚ୍ ହାରି ଯାଇଥିଲା ।