ଧର୍ମଶାଳା: ୯୨ ରନ୍‌ରେ ହାରିଲା ଗୁଜରାଟ ଟାଇଟନ୍ସ । ଆଇପିଏଲ୍ ଫାଇନାଲ୍‌କୁ ଗଲା ଆରସିବି । ଧର୍ମଶାଳାରେ ମଙ୍ଗଳବାର ଆଇପିଏଲ୍-୨୦୨୬ର ପ୍ରଥମ କ୍ଵାଲିଫାୟର୍ ମ୍ୟାଚ୍ ଖେଳା ଯାଇଥିଲା । ଯେଉଁ ମ୍ୟାଚ୍‌କୁ ରୟାଲ୍ ଚ୍ୟାଲେଞ୍ଜର୍ସ ବେଙ୍ଗାଳୁରୁ ୯୨ ରନ୍‌ରେ ଜିତି ନେଇ ଫାଇନାଲ୍‌କୁ ଯାଇଛି ।

ଗୁଜରାଟ ଟାଇଟନ୍ସ ହାରିବା ପରେ ଦଳର ଅଧିନାୟକ ଶୁବମନ ଗିଲ୍ ହାରିବାର କାରଣ କହିଛନ୍ତି । ଖରାପ ଫିଲ୍ଡିଂ ଓ ଚାପରେ କରିଥିବା ଭୁଲ୍‌ ଦଳ ଉପରେ ଭାରି ପଡ଼ିଲା । ଯେଉଁଥିପାଇଁ ଆମେ ହାରିଗଲୁ ବୋଲି କହିଛନ୍ତି ଗିଲ୍ ।

ଏଥିସହ ପଢ଼ନ୍ତୁ: ୯୨ ରନ୍‌ରେ ଗୁଜରାଟ ଟାଇଟନ୍ସକୁ ହରାଇ ଫାଇନାଲ୍‌ରେ RCB, କମାଲ୍ କଲେ ବିରାଟ 

ଗୁଜରାଟ ପାଇଁ ଏଲିମିନେଟର ଆଶା

ଗୁଜରାଟ ଟାଇଟନ୍ସକୁ ହରାଇ ରୟାଲ୍ ଚ୍ୟାଲେଞ୍ଜର୍ସ ବେଙ୍ଗାଳୁରୁ ସିଧାସଳଖ ଫାଇନାଲ୍‌କୁ ଯାଇଛି । ତେବେ ଗୁଜରାଟ ଟାଇଟନ୍ସ ଫାଇନାଲ୍ ଖେଳିବା ଆଶା ମଉଳି ନାହିଁ । ଆଜି ଖେଳାଯିବାକୁ ଥିବା ଏଲିମିନେଟର ମୁକାବିଲାର ବିଜେତା ସହ ଫାଇନାଲ୍ ପାଇଁ ଗୁଜରାଟ ଟାଇଟନ୍ସ ଲଢ଼ିବ ।

ଆଜି ସନରାଇଜର୍ସ ହାଇଦ୍ରାବାଦ ସହ ରାଜସ୍ଥାନ ରୟାଲ୍ସ ଏଲିମିନେଟର୍ ମ୍ୟାଚ୍ ଖେଳିବ । ବିଜୟୀ ଦଳ ଶୁକ୍ରବାର କ୍ଵାଲିଫାୟର-୨ରେ ଗୁଜରାଟ ଟାଇଟନ୍ସକୁ ଭେଟିବ । କ୍ଵାଲିଫାୟର-୨ରେ ବିଜୟୀ ଦଳ ଫାଇନାଲ୍‌ରେ ଆରସିବି ସହ ମୁହାଁମୁହିଁ ହେବ । ଏଭଳି ସ୍ଥିତିରେ କ୍ଵାଲିଫାୟର-୨ରେ ଗୁଜରାଟ ଜିତିଲେ ଫାଇନାଲ୍‌ରେ ଆରିସିବି ସହ ଫାଇଟ୍ କରିବାର ସମ୍ଭାବନା ରହିଛି ।

କାହାକୁ ଦାୟୀ କଲେ ଗିଲ୍ ?

ଆରସିବି ଠାରୁ ହାରିବା ପରେ ଶୁବମନ ଗିଲ୍ କହିଛନ୍ତି, "ମୋତେ ଲାଗୁଛି ଆମେ ୧୨ ଓ ୧୩ ଓଭର୍ ପର୍ଯ୍ୟନ୍ତ ଭଲ ଖେଳୁଥିୁ । ମୋତ ଲାଗୁନି ଆମର ଫିଲ୍ଡିଂ ଭଲ ଥିଲା । ଆମେ କିଛି କ୍ୟାଚ୍ ହାତଛଡ଼ା କରିଛୁ ଓ ଆମ ଫିଲ୍ଡିଂ ସନ୍ତୋଷଜନକ ନଥିଲା ।"

୩୯ ବଲ୍‍, ୯୩ ରନ୍

ଆରସିବି ଅଧିନାୟକ ରଜତ ପାଟିଦାର ଗୁଜରାଟ ଛାଡ଼ିଥିବା ସୁଯୋଗର ଫାଇଦା ଉଠାଇ ମାତ୍ର ୩୯ ବଲ୍‌ରେ ଅପରାଜିତ ୯୩ ରନ୍ କରିଛନ୍ତି । ମ୍ୟାଚ୍‌ର ମଝି ଭାଗରେ ଖରାପ ଫିଲ୍ଡିଂ, ନୋ-ବଲ୍ ଜରିଆରେ ଗୁଜରାଟ ରନ୍ ଦେଇଥିଲା । ଆଉ ଆଇପିଏଲ୍‌ର ପ୍ଲେ-ଅଫ୍ ଇତିହାସରରେ ସବୁଠୁ ବଡ଼ ସ୍କୋର୍ ହୋଇଥିଲା ।

ଏଥିସହ ପଢ଼ନ୍ତୁ: ୧୫ ବର୍ଷରେ ବୈଭବଙ୍କ ବଡ଼ ସ୍ବପ୍ନ, ଟି-୨୦ରେ ୨୦୦ ରନ୍‌ କରିବି...ଗେଲ୍‌ଙ୍କ ରେକର୍ଡ ଭାଙ୍ଗିବି 

ପ୍ରଥମେ ବ୍ୟାଟିଂ କରି ଆରସିବି ୫ ୱିକେଟ୍ ହରାଇ ୨୫୪ ରନ୍ ସ୍କୋର୍ କରିଥିଲା । ଜବାବରେ ଗୁଜରାଟ ଟାଇଟନ୍ସ ୧୯.୩ ଓଭର୍‌ରେ ମାତ୍ର ୧୬୨ ରନ୍ କରିବାରେ ସକ୍ଷମ ହୋଇଥିଲା । ପାଳି ଆରମ୍ଭରୁ ହିଁ ଧ୍ଵସ୍ତ ହୋଇଥିଲା ଗୁଜରାଟ ଟାଇଟନ୍ସର ବ୍ୟାଟିଂ ଲାଇନ୍ ।

୨.୩ ଓଭର୍‌ରେ ପ୍ରଥମେ ଓପନର୍ ସାଇ ସୁଦର୍ଶନ ଆଉଟ୍ ହୋଇଥିଲେ । ୩.୧ ଓଭର୍‌ରେ ମାତ୍ର ୨ ରନ୍ କରି ପ୍ୟାଭିଲିୟନ୍ ଫେରିଥିଲେ ଅଧିନାୟକ ଶୁବମନ ଗିଲ୍ । ଏହାପରେ ଦଳର ଗୋଟିଏ ପରେ ଗୋଟି ୱିକେଟ୍ ଖସିବାରେ ଲାଗିଥିଲା । ଦଳ ପକ୍ଷରୁ ରାହୁଲ ତେୱାଟିଆ ସର୍ବାଧିକ ୬୮ ରନ୍ ସ୍କୋର୍ କରି ପାଳି ସମ୍ଭାଳି ଥିଲେ ।