ଲର୍ଡ୍ସର ଐତିହାସିକ କ୍ରିକେଟ୍‌ ଗ୍ରାଉଣ୍ଡରେ ପୁଣି ଲେଖାଗଲା ଭାରତୀୟ କ୍ରିକେଟ୍‌ର ଏକ ନୂଆ ଇତିହାସ । ଯେଉଁ ମଇଦାନରେ ସଚିନ ତେନ୍ଦୁଲକର, ବିରାଟ କୋହଲି ଓ ମିତାଲି ରାଜ୍‌ଙ୍କ ପରି ଲିଜେଣ୍ଡମାନେ ମଧ୍ୟ ଏହି କିର୍ତ୍ତୀ ହାସଲ କରିପାରିନଥିଲେ, ସେଠାରେ ଭାରତୀୟ ଅଧିନାୟିକା ହରମନପ୍ରୀତ କୌର ଇତିହାସ ରଚିଛନ୍ତି । ଲର୍ଡ୍ସରେ ଟେଷ୍ଟ, ଦିନିକିଆ ଓ ଟି-୨୦—ତିନୋଟି ଫର୍ମାଟରେ ଅର୍ଦ୍ଧଶତକ ହାସଲ କରିବାରେ ସେ ପ୍ରଥମ ଭାରତୀୟ କ୍ରିକେଟର ହୋଇ ଏକ ସ୍ୱର୍ଣ୍ଣିମ ଅଧ୍ୟାୟ ଲେଖିଛନ୍ତି ।

ଲର୍ଡସରେ ଭାରତ ଏବଂ ଇଂଲଣ୍ଡ ମଧ୍ୟରେ ଏକ ଟେଷ୍ଟ ମ୍ୟାଚ୍ ଖେଳାଯାଉଛି । ଏହି ଐତିହାସିକ ଟେଷ୍ଟ ମ୍ୟାଚ୍‌ରେ ଇତିହାସ ସୃଷ୍ଟି କରିଛନ୍ତି ହରମନପ୍ରୀତ କୌର । ସେ ପ୍ରଥମ ଇନିଂସରେ ୫୮ ରନ କରିଥିଲେ, ଲର୍ଡସରେ ତିନୋଟି ଫର୍ମାଟରେ ଅର୍ଦ୍ଧଶତକ ହାସଲ କରିଥିବା ପ୍ରଥମ ଭାରତୀୟ କ୍ରିକେଟର ହୋଇଛନ୍ତି ।

Focus and elegance 🫡

Captain Harmanpreet Kaur with her 2️⃣nd Test FIFTY to boost #TeamIndia👏

Updates ▶️ https://t.co/O1rEau8j8n#ENGvIND | @ImHarmanpreet pic.twitter.com/UCLvjcl2SA

— BCCI Women (@BCCIWomen) July 10, 2026

ଏପର୍ଯ୍ୟନ୍ତ ପୁରୁଷ କିମ୍ବା ମହିଳା କ୍ରିକେଟରେ କୌଣସି ଭାରତୀୟ କ୍ରିକେଟର ଲର୍ଡସରେ ସମସ୍ତ ଫର୍ମାଟରେ ଅର୍ଦ୍ଧଶତକ ହାସଲ କରି ନଥିଲେ । ହରମନପ୍ରୀତ ବିରାଟ କୋହଲି, ସଚିନ ତେନ୍ଦୁଲକର ଏବଂ ମିତାଲି ରାଜଙ୍କ ଭଳି କିମ୍ବଦନ୍ତୀଙ୍କୁ ପଛରେ ପକାଇ ଇତିହାସ ସୃଷ୍ଟି କରିଛନ୍ତି ।

ପୂର୍ବରୁ, ହରମନପ୍ରୀତ କୌର ଏକଦିବସୀୟ ଏବଂ ଟି-୨୦ ଫର୍ମାଟରେ ଲର୍ଡସରେ ଅର୍ଦ୍ଧଶତକ ହାସଲ କରିଥିଲେ । ବର୍ତ୍ତମାନ, ସେ ଟେଷ୍ଟ ମ୍ୟାଚ୍‌ରେ ଲର୍ଡସରେ ଅର୍ଦ୍ଧଶତକ ହାସଲ କରି ନିଜ ନାମରେ ଏକ ଐତିହାସିକ ସଫଳତା ହାସଲ କରିଛନ୍ତି ।

ଅଧିକ ପଢ଼ନ୍ତୁ: ଟିମ୍ ଇଣ୍ଡିଆରୁ ବାଦ୍ ପଡ଼ିବା ପରେ କାନ୍ଦି ପକାଇଲେ ବୈଭବ ସୂର୍ଯ୍ୟବଂଶୀ ! ଭାଇରାଲ୍ ହେଲା VIDEO

ପ୍ରଥମ ଇନିଂସରେ ଭାରତୀୟ ଦଳ ୧୦୧ ସ୍କୋରରେ ତିନୋଟି ୱିକେଟ ହରାଇଥିବା ବେଳେ ଅଧିନାୟକ ହରମନପ୍ରୀତ ବ୍ୟାଟିଂ କରିବାକୁ ଆସିଥିଲେ । ସେ ସ୍ମୃତି ମନ୍ଧାନାଙ୍କ ସହ ଏକ ଗୁରୁତ୍ୱପୂର୍ଣ୍ଣ ୮୯ ରନର ଭାଗୀଦାରି କରିଥିଲେ । ଟିମ୍ ଇଣ୍ଡିଆ ୩୭ ରନରେ ପ୍ରଥମ ଦୁଇଟି ୱିକେଟ୍ ହରାଇଥିଲା । କିନ୍ତୁ ସ୍ମୃତି ମନ୍ଧାନା, ହରମନପ୍ରୀତ କୌର ଏବଂ ଦୀପ୍ତି ଶର୍ମାଙ୍କ ଅର୍ଦ୍ଧଶତକ ଯୋଗୁଁ ଟିମ୍ ଇଣ୍ଡିଆ ପ୍ରଥମ ଇନିଂସରେ ୨୮୫ ରନ୍ କରିଥିଲା । ସ୍ମୃତି ମନ୍ଧାନା ୮୩ ରନ୍ କରି ତାଙ୍କର ୧୮ତମ ଅନ୍ତର୍ଜାତୀୟ ଶତକରୁ ବଞ୍ଚିତ ହୋଇଥିଲେ ।