ଜୁନ୍‌ ୧୨ରୁ ଆରମ୍ଭ ହୋଇସାରିଛି ଆଇସିସି ମହିଳା ଟି-୨୦ ବିଶ୍ବକପ୍‌ । ମହିଳା ଟି-୨୦ ବିଶ୍ବକପ୍‌ରେ ରବିବାର ଖେଳାଯିବ ମହାମୁକାବିଲା । ମୁହାଁମୁହିଁ ହେବେ ଦୁଇ ପାରମ୍ପାରିକ ପ୍ରତିଦ୍ବନ୍ଦୀ ଭାରତ-ପାକିସ୍ତାନ । ହରମନପ୍ରୀତ କୌରଙ୍କ ନେତୃତ୍ବାଧୀନ ଭାରତୀୟ ଦଳ ଏହି ମ୍ୟାଚ୍‌ରେ ବିଜୟଲାଭ କରି ବିଶ୍ବକପ୍‌ ଅଭିଯାନ ଆରମ୍ଭ କରିବାକୁ ଚେଷ୍ଟା କରିବ । ଭାରତୀୟ ମହିଳା ଦଳ ଏପର୍ଯ୍ୟନ୍ତ ଟି-୨୦ ବିଶ୍ବକପ୍‌ ଜିତିନାହିଁ । ତେଣୁ ଚଳିତ ଥର ଟି-୨୦ ବିଶ୍ବକପ୍‌ ଜିତି ଇତିହାସ ରଚିବାକୁ ଚେଷ୍ଟା କରିବ ଭାରତ ।

କେତେବେଳେ ଆରମ୍ଭ ହେବ ମ୍ୟାଚ୍ ?

ଭାରତ ଏବଂ ପାକିସ୍ତାନର ମହିଳା ଦଳ ମଧ୍ୟରେ ମ୍ୟାଚ୍ ଜୁନ୍ ୧୪ ତାରିଖରେ ବର୍ମିଂହାମର ଏଜବାଷ୍ଟନ୍ କ୍ରିକେଟ୍ ଗ୍ରାଉଣ୍ଡରେ ଖେଳାଯିବ । ମ୍ୟାଚ୍ ଭାରତୀୟ ସମୟ ସନ୍ଧ୍ୟା ୭:୦୦ ଟାରେ ଆରମ୍ଭ ହେବ । ତେବେ ଏହି ମହାମୁକାବିଲା ପାଇଁ ସନ୍ଧ୍ୟା ୬:୩୦ ରେ ଟସ୍‌ ପଡ଼ିବ । ଏହି ମ୍ୟାଚ୍‌ରେ ପାକିସ୍ତାନକୁ ପରାସ୍ତ କରି ଟିମ୍ ଇଣ୍ଡିଆ ଟୁର୍ଣ୍ଣାମେଣ୍ଟରେ ବିଜୟୀ ଆରମ୍ଭ କରିବାକୁ ଚେଷ୍ଟା କରିବ ।

ଅଧିକ ପଢ଼ନ୍ତୁ: ଭାରତ ଜିତିଲା ପ୍ରଥମ ODI, ଫିକା ପଡ଼ିଲା ଗୁରବାଜ୍‌ଙ୍କ ଶତକ...ହିରୋ ସାଜିଲେ ଗିଲ୍‌-ରାହୁଲ

ମହିଳା ଟି-୨୦ ବିଶ୍ୱକପ୍ ଇତିହାସରେ ଭାରତ ଏବଂ ପାକିସ୍ତାନ ପରସ୍ପର ସହ ଆଠ ଥର ସାମ୍ନାସାମ୍ନା ହୋଇଛନ୍ତି । ସେଥିମଧ୍ୟରୁ ଭାରତ ଛଅଟି ମ୍ୟାଚ୍‌ ଜିତିଥିବା ବେଳେ ପାକିସ୍ତାନ କେବଳ ଦୁଇଟି ମ୍ୟାଚ୍‌ରେ ବିଜୟଲାଭ କରିଛି । ୨୦୨୪ ଟି-୨୦ ବିଶ୍ୱକପ୍‌ରେ ଭାରତ ପାକିସ୍ତାନକୁ ୬ ଓ୍ବିକେଟ୍‌ରେ ପରାସ୍ତ କରିଥିଲା ।

ଗତ କିଛି ବର୍ଷ ଧରି ଭାରତୀୟ ମହିଳା ଦଳ ଇଂଲଣ୍ଡ ଏବଂ ଅଷ୍ଟ୍ରେଲିଆରେ T-20 ସିରିଜ୍ ଜିତି ନିଜର ଶକ୍ତି ପ୍ରଦର୍ଶନ କରିଛି । ମହିଳା ପ୍ରିମିୟର ଲିଗ୍ (WPL) ରେ ବିଶ୍ୱକପ୍ ବିଜୟ ଏବଂ ଭାରତୀୟ ଅଧିନାୟକଙ୍କ ଟ୍ରଫି ଭଳି ଫଳାଫଳ ଦଳକୁ ବିଶ୍ୱ କ୍ରିକେଟର ସବୁଠାରୁ ଶକ୍ତିଶାଳୀ ଦଳ ମଧ୍ୟରୁ ଗୋଟିଏ ଭାବରେ ପ୍ରତିଷ୍ଠିତ କରିଛି । ତଥାପି, ଟୁର୍ଣ୍ଣାମେଣ୍ଟ ପୂର୍ବରୁ ଦକ୍ଷିଣ ଆଫ୍ରିକା ଏବଂ ଇଂଲଣ୍ଡ ବିପକ୍ଷରେ ସିରିଜ୍ ପରାଜୟ ଦଳର ପ୍ରସ୍ତୁତି ଉପରେ ପ୍ରଶ୍ନ ଉଠାଇଛି ।

ମହିଳା ଟି-୨୦ ବିଶ୍ବକପ୍‌ରେ ଭାରତକୁ ଗ୍ରୁପ୍‌ A ରେ ରଖାଯାଇଛି । ଏହି ଗ୍ରୁପ୍‌ରେ ଭାରତ ବ୍ୟତୀତ ପାକିସ୍ତାନ, ନେଦରଲାଣ୍ଡ, ସାଉଥ ଆଫ୍ରିକା, ବାଂଲାଦେଶ ଓ ଅଷ୍ଟ୍ରେଲିଆ ଭଳି ଦଳ ରହିଛି । ସେମିଫାଇନାଲ ପାଇଁ ଦୌଡ଼ କଷ୍ଟକର ହେବ, କାରଣ ଅନେକ ପ୍ରମୁଖ ଖେଳାଳି ଫର୍ମ ପାଇଁ ସଂଘର୍ଷ କରୁଛନ୍ତି ଏବଂ କିଛି ପ୍ରମୁଖ ଅଲରାଉଣ୍ଡର ଆହତ ଯୋଗୁଁ ପ୍ରଭାବିତ ହୋଇଛନ୍ତି ।

ଟି-୨୦ ବିଶ୍ବକପ୍‌ ପାଇଁ ଭାରତୀୟ ମହିଳା ଦଳ: ଶେଫାଳି ବର୍ମା, ସ୍ମୃତି ମନ୍ଧାନା, ୟସ୍ତିକା ଭାଟିଆ, ଜେମିମା ରୋଡ୍ରିଗ୍ସ, ହରମନପ୍ରୀତ କୌର (ଅଧିନାୟକ), ରିଚା ଘୋଷ, ଭାରତୀ ଫୁଲମାଲି, ଦୀପ୍ତି ଶର୍ମା, ରାଧା ଯାଦବ, ଅରୁନ୍ଧତୀ ରେଡ୍ଡୀ, ଶ୍ରେୟଙ୍କା ପାଟିଲ, ଶ୍ରୀ ଚରଣୀ, କ୍ରାନ୍ତି ଗୌଡ଼, ରେଣୁକା ଠାକୁର ଏବଂ ନନ୍ଦିନୀ ଶର୍ମା

ଟି-୨୦ ବିଶ୍ବକପ୍‌ରେ ଭାରତର କାର୍ଯ୍ୟସୂଚୀ:

୧୪ ଜୁନ୍‌: ଭାରତ ବନାମ ପାକିସ୍ତାନ
୧୭ ଜୁନ୍‌: ଭାରତ ବନାମ ନେଦରଲାଣ୍ଡ
୨୧ ଜୁନ୍‌: ଭାରତ ବନାମ ଦକ୍ଷିଣ ଆଫ୍ରିକା
୨୫ ଜୁନ୍‌: ଭାରତ ବନାମ ବାଂଲାଦେଶ
୨୮ ଜୁନ୍: ଭାରତ ବନାମ ଅଷ୍ଟ୍ରେଲିଆ