ମୁମ୍ବାଇ: ବିରାଟ କୋହଲି ନମ୍ବର ୧ । ରୋହିତ ଶର୍ମାଙ୍କୁ ପଛରେ ବିଶ୍ଵର ୧ ନମ୍ବର ଦିନିକିଆ ବ୍ୟାଟର୍ ହୋଇଛନ୍ତି ବିରାଟ କୋହଲି । ସାଥୀ ଖେଳାଳି ରୋହିତ ଶର୍ମା ୧ ନମ୍ବରରୁ ତୃତୀୟ ସ୍ଥାନକୁ ଖସିଥିବା ବେଳେ ବିରାଟ ପ୍ରଥମ ସ୍ଥାନକୁ ଉନ୍ନୀତ ହୋଇଛନ୍ତି ।

ନ୍ୟୁଜିଲାଣ୍ଡ ବିପକ୍ଷ ପ୍ରଥମ ଦିନିକିଆକୁ ଭାରତ ୪ ୱିକେଟ୍‌ରେ ଜିତିନେବା ସହ ବିରାଟଙ୍କୁ ଏହି ସଫଳତା ମିଳିଛି । ନ୍ୟୁଜିଲାଣ୍ଡ ବିପକ୍ଷରେ ବିରାଟ ୯୧ ବଲ୍‌ରେ ୯୩ ରନ୍ ସ୍କୋର୍ କରିଥିଲେ । ଏଥିସହ କ୍ରିକେଟ୍ କିମ୍ବଦନ୍ତୀ ସଚିନ ତେନ୍ଦୁଲକରଙ୍କ ସ୍କୋର୍‌ର ନିକଟତର ହୋଇଛନ୍ତି କୋହଲି ।

ଏଥିସହ ପଢ଼ନ୍ତୁ: ଯାତ୍ରୀ ପରିବହନରେ ଭୁବନେଶ୍ଵର ବିମାନବନ୍ଦରର ସର୍ବକାଳୀନ ରେକର୍ଡ

ଅନ୍ତର୍ଜାତୀୟ ମ୍ୟାଚ୍‌ରେ ସଚିନ ତେନ୍ଦୁଲକର ସର୍ବାଧିକ ସ୍କୋର୍ କରିଛନ୍ତି । ୩୪ ହଜାର ୩୫୭ ରନ୍ ସହ ସଚିନ ତେନ୍ଦୁଲକର ଶୀର୍ଷରେ ଅଛନ୍ତି । ସେହିଭଳି ୨୮ ହଜାର ୬୮ ରନ୍ ସହି ବିରାଟ କୋହଲି ଦ୍ଵିତୀୟ ସ୍ଥାନରେ ଅଛନ୍ତି । ଶ୍ରୀଲଙ୍କାର କୁମାର ସାଙ୍ଗାକାରା ୨୮ ହଜାର ୧୬ ରନ୍ ସହ ତୃତୀୟ ଏବଂ ଅଷ୍ଟ୍ରେଲିଆର ରିଙ୍କିଂ ପଣ୍ଟିଂ ୨୭ ହଜାର ୪୮୩ ରନ୍ ଚତୁର୍ଥ ସ୍ଥାନରେ ଅଛନ୍ତି ।

𝗡𝘂𝗺𝗯𝗲𝗿 𝗢𝗡𝗘 👑

Congratulations to Virat Kohli - the Number One Batter in ICC Men's ODI Rankings 👏👏#TeamIndia | @imVkohli pic.twitter.com/yTWjSQlNb7
— BCCI (@BCCI) January 14, 2026

୩୭ ବର୍ଷୀୟ ବିରାଟ କୋହଲି ୪ ବର୍ଷ ପରେ ପୁଣି ଥରେ ଦିନିକିଆ କ୍ରିକେଟ୍‌ରେ ବିଶ୍ଵର ପ୍ରଥମ ବ୍ୟାଟର୍ ହୋଇଛନ୍ତି । ପ୍ରଥମଥର କୋହଲି ୨୦୧୩ ଅକ୍ଟୋବରରେ ଟପ୍ ରାଙ୍କିଂକୁ ଆସିବାରେ ସଫଳ ହୋଇଥିଲେ । ୮୨୫ ଦିନ ଧରି ଶୀର୍ଷ ସ୍ଥାନ ବଜାୟ ରଖିଥିଲେ ।

ଏଥିସହ ପଢ଼ନ୍ତୁ: ଘର ଚଳାଇବାକୁ ଟଙ୍କା ଧାର ଆଣିଥିଲେ, ଶୁଝି ନପାରି ସମ୍ପର୍କୀୟଙ୍କ ହାତକୁ ଶିଶୁ କନ୍ୟାକୁ ଟେକିଦେଲେ

ଜୁଲାଇ ୨୦୨୧ ପରେ ବିରାଟ କୋହଲି ପୁଣି ଥରେ ଦିନିକିଆରେ ୧ ନମ୍ବର ବ୍ୟାଟର୍ ହୋଇଛନ୍ତି । ୧୪୦୩ ଦିନ ପରେ ପୁଣି ଶୀର୍ଷ ସ୍ଥାନ ଅଧିକାର କରିଛନ୍ତି ବିରାଟ । ଅଷ୍ଟ୍ରେଲିଆରେ ଦିନିକିଆ ସିରିଜ୍ ପରେ କୋହଲି ଖେଳିଥିବା ୫ ପାଳିରେ ଯଥାକ୍ରମେ ଅପରାଜିତ ୭୪ ରନ୍, ୧୩୫ ରନ୍, ୧୦୨ ରନ୍‍ ଅପରାଜିତ ୬୫ ରନ୍ ଓ ୮୩ ରନ୍ ସ୍କୋର୍ କରିଛନ୍ତି ।

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV