ଓ୍ଵେଲିଂଟନ୍‌ରେ ଭାରତ-ନ୍ୟୁଜିଲାଣ୍ଡ ତୃତୀୟ ଟି-୨୦ । ଦମ୍‌ଦାର ଶତକ ମାରିଲେ ଅଭିଷେକ ଶର୍ମା । ମାତ୍ର ୩୫ ବଲ୍‌ରେ ଶତକ ମାରିଲେ ଅଭିଷେକ ଶର୍ମା । ଏହାରି ସହିତ ଟି-ଟ୍ଵେଣ୍ଟି କ୍ରିକେଟ୍‌ରେ ଅଭିଷେକଙ୍କ ୪ର୍ଥ ଶତକ ହାସଲ କରିଛନ୍ତି । ୱେଲିଂଟନର ହେନରୀ ଷ୍ଟାଡିୟମରେ ଟିମ ଇଣ୍ଡିଆ ୧୯୯ ରନ୍‌ର ପିଛା କରୁଛି । ପ୍ରଥମେ ଟସ୍ ଜିତି ଭାରତ ବୋଲିଂ କରିଥିଲା । ଅଭିଷେକ ମାତ୍ର ୧୫ ବଲ୍‌ରେ ଅର୍ଦ୍ଧଶତକ ହାସଲ କରିଥିବାବେଳେ ୩୫ ବଲ୍‌ରେ ଶତକ ମାରିଛନ୍ତି । 

ଅଭିଷେକ ଆଜିର ଶତକ ମାରିବା ପରେ ସାରା ବିଶ୍ଵରେ ଟି୨୦ ଅନ୍ତର୍ଜାତୀୟ ମ୍ୟାଚ୍‌ରେ ସର୍ବାଧିକ ସେଞ୍ଚୁରୀ ମାରିବାରେ ୬ଷ୍ଠ ବ୍ଯାଟର ହୋଇଛନ୍ତି । ଖାଲି ସେତିକି ନୁହେଁ, ଅଭିଷେକ ଆଉ ଏକ ରେକର୍ଡ ମଧ୍ୟ ହାସଲ କରିଛନ୍ତି । ଟି୨୦ ଅନ୍ତର୍ଜାତୀୟ କ୍ରିକେଟରେ ସର୍ବାଧିକ ଶତକ ମାରିବାରେ ସେ ଭାରତୀୟ କ୍ରିକେଟର ସୂର୍ଯ୍ୟକୁମାର ଯାଦବଙ୍କ ସମକକ୍ଷ ହୋଇଛନ୍ତି । ଏହି ଫର୍ମାଟରେ ସର୍ବାଧିକ ୫-୫ ଶତକ ମାରି ଗ୍ଲେନ୍ ମ୍ୟାକ୍ସୱେଲ୍ ଓ ରୋହିତ ଶର୍ମା ନମ୍ବର-୧ ସ୍ଥାନରେ ଅଛନ୍ତି ।

Abhishek Sharma with a 3️⃣5️⃣ -ball 𝗛𝗨𝗡𝗗𝗥𝗘𝗗! 💯🔥 One of the most incredible knocks to bring up his 4️⃣th T20I ton! 🤯 Updates ▶️ https://t.co/zf4CnZQ8CD #TeamIndia | #NZvIND | @OfficialAbhi04 https://t.co/oHBBm9WmlN

— BCCI (@BCCI) October 27, 2026

• ୧୧୩ ରନ୍‌ରେ ଆଉଟ୍‌

ଅଭିଷେକ ଶର୍ମା ଏହି ମ୍ୟାଚ୍‌ରେ ୩୮ ବଲ୍‌ରେ ମୋଟ ୧୧୩ ରନ୍‌ ମାରି ଆଉଟ୍ ହୋଇଛନ୍ତି । ଏହି ପାଳିରେ ଅଭିଷେକ ମୋଟ ୯ଟି ଚୌକା ଓ ୧୧ଟି ଛକା ମାରି କ୍ରୀଡାପ୍ରେମୀଙ୍କୁ ଖୁସି କରିଦେଇଥିଲେ । ଷ୍ଟାଡିୟମରେ ହୋଇଥିଲା ଚୌକା ଛକା ବର୍ଷା । ଷ୍ଟାଡିୟମରେ ଉପସ୍ଥିତ ଥିବା ଦର୍ଶକ ଅଭିଷେକଙ୍କ ଦମଦାର ପ୍ରଦର୍ଶନକୁ ବେଶ ଉପଭୋଗ କରିଥିଲେ । ଆଜିର ସେଞ୍ଚୁରୀ ଅଭିଷେକଙ୍କ ଟି୨୦ ଅନ୍ତର୍ଜାତୀୟ କ୍ରିକେଟରେ ଦ୍ଵିତୀୟ ଦ୍ରୁତତମ ଶତକ । ଗତମାସ ଆଫଗାନିସ୍ତାନ ବିପକ୍ଷ ମ୍ୟାଚ୍‌ରେ ସେ ଦିଲ୍ଲୀରେ ମାତ୍ର ୩୦ ବଲ୍‌ରେ ଶତକ ହାସଲ କରି କିମ୍ବଦନ୍ତୀ ବ୍ୟାଟ୍ସମ୍ୟାନ୍ ରୋହିତ ଶର୍ମାଙ୍କ ରେକର୍ଡ ଭାଙ୍ଗିଥିଲେ ।

ଏଥି ସହ ପଢନ୍ତୁ:  ଭାରତ-ନ୍ୟୁଜିଲାଣ୍ଡ ତୃତୀୟ T20: ଟସ୍ ଜିତିଲା ଭାରତ, ପ୍ରଥମେ ବ୍ୟାଟିଂ କରିବ ନ୍ୟୁଜିଲାଣ୍ଡ

ଟି୨୦ ଅନ୍ତର୍ଜାତୀୟରେ ସର୍ବାଧିକ ଶତକ
ଗ୍ଲେନ୍ ମ୍ୟାକ୍ସୱେଲ- ୫
ରୋହିତ ଶର୍ମା- ୫
ସୂର୍ଯ୍ୟକୁମାର ଯାଦବ- ୪
କରନବୀର ସିଂହ- ୪
ଫିଲ୍ ସାଲ୍ଟ- ୪
ଅଭିଷେକ ଶର୍ମା- ୪

• ବୈଭବ ସୂର୍ଯ୍ୟବଂଶୀଙ୍କ ସହ ପାର୍ଟନରସିପ୍‌

୧୯୯ ରନ୍‌କୁ ଟାର୍ଗେଟ୍ କରି ଅଭିଷେକ ଶର୍ମା ଓ ବୈଭବ ସୂର୍ଯ୍ୟବଂଶୀ ବ୍ୟାଟିଂ ପାଇଁ ମୈଦାନକୁ ଓହ୍ଲାଇଥିଲେ । ଉଭୟ ମାତ୍ର ୭.୧ ଓଭରରେ ୧୩୩ ରନ୍ ହାସଲ କରିଥିଲେ । ବୈଭବ ୧୯ ବଲ୍‌ରେ ୪୫ ରନ୍‌ କରି ଆଉଟ୍ ହୋଇଥିଲେ । ଭାରତ ପାୱାରପ୍ଲେରେ ୬ ଓଭରରେ ୧୧୮ ରନ୍‌ ହାସଲ କରିନେଇଥିଲା । ସଞ୍ଜୁ ସାମସନ୍‌ ଏହି ମୁକାବିଲାରେ ନମ୍ବର-୩ରେ ବ୍ୟାଟିଂ କରିବାକୁ ଆସିଥିଲେ ।