India Vs New Zealand T20 / ନମନ ଧୀରଙ୍କ ଗୋଟିଏ ଭୁଲ୍ ପାଇଁ ହାରିଲା ଟିମ୍ ଇଣ୍ଡିଆ; ଶେଷ ଟି୨୦ ଜିତିଲା ନ୍ୟୁଜିଲାଣ୍ଡ

ହାମିଲଟନ୍: ନ୍ୟୁଜିଲାଣ୍ଡ ବିପକ୍ଷ ପଞ୍ଚମ ତଥା ଅନ୍ତିମ ଟି-୨୦ ମ୍ୟାଚ୍‌ରେ ଭାରତ ୭ ୱିକେଟ୍‌ରେ ହାରିଛି । ହାମିଲଟନ୍‌ର ସେଡନ୍ ପାର୍କରେ ଖେଳାଯାଇଥିବା ଏହି ମ୍ୟାଚ୍‌ରେ ଭାରତ ପ୍ରଥମେ ବ୍ୟାଟିଂ କରି ୧୯୨ ରନ୍‌ର ଲକ୍ଷ୍ୟ ଧାର୍ଯ୍ୟ କରିଥିଲା । ଜବାବରେ ନ୍ୟୁଜିଲାଣ୍ଡ ମାତ୍ର ୧୮ ଓଭରରେ ୩ ୱିକେଟ୍ ହରାଇ ୧୯୫ ରନ୍ ସଂଗ୍ରହ କରି ବିଜୟ ହାସଲ କରିଥିଲା । ଭାରତର ଏହି ପରାଜୟ ପଛରେ ନମନ ଧୀରଙ୍କ ଏକ କ୍ୟାଚ୍ ଛାଡ଼ିବା ମୁଖ୍ୟ କାରଣ ବୋଲି କୁହାଯାଉଛି ।

• ନମନ ଧୀରଙ୍କ ଗୋଟିଏ ଭୁଲ୍ ପଡ଼ିଲା ମହଙ୍ଗା

୧୯୨ ରନ୍‌ର ଲକ୍ଷ୍ୟ ପିଛା କରୁଥିବା ନ୍ୟୁଜିଲାଣ୍ଡକୁ ଦ୍ୱିତୀୟ ଓଭରରେ ହିଁ ପ୍ରଥମ ଝଟକା ଲାଗିଥିଲା । ଫିନ୍ ଆଲେନ୍ ମାତ୍ର ୨ ରନ୍ କରି ଆଉଟ୍ ହୋଇଥିଲେ । ଏହାପରେ ଚତୁର୍ଥ ଓଭରରେ ଟିମ୍ ସିଫର୍ଟଙ୍କୁ ଆଉଟ୍ କରିବାର ସୁଯୋଗ ମିଳିଥିଲା । କିନ୍ତୁ ଅର୍ଶଦୀପ ସିଂହଙ୍କ ଓଭରର ତୃତୀୟ ବଲ୍‌ରେ ୧୩ ରନ୍ କରି ଖେଳୁଥିବା ସିଫର୍ଟଙ୍କ ଏକ ସହଜ କ୍ୟାଚ୍ ନମନ ଧୀର ଛାଡ଼ି ଦେଇଥିଲେ ।

ଏହି ଜୀବନଦାନର ପୂରା ଫାଇଦା ଉଠାଇଥିଲେ ସିଫର୍ଟ । ଏହାପରେ ସେ ଭାରତୀୟ ବୋଲରଙ୍କ ଉପରେ ଆକ୍ରମଣ କରି ୫୦ ବଲ୍‌ରୁ ୯୩ ରନ୍‌ର ଧୂଆଁଧାର ଇନିଂସ ଖେଳିଥିଲେ । ତାଙ୍କ ଇନିଂସରେ ୧୧ଟି ଚୌକା ଓ ୫ଟି ଛକା ସାମିଲ ଥିଲା । ଅନ୍ୟପଟେ ଗ୍ଲେନ୍ ଫିଲିପ୍ସ ମଧ୍ୟ ଚମତ୍କାର ବ୍ୟାଟିଂ କରି ୩୮ ବଲ୍‌ରୁ ଅପରାଜିତ ୬୫ ରନ୍ କରିଥିଲେ । ଉଭୟଙ୍କ ଦମ୍‌ଦାର ବ୍ୟାଟିଂ ବଳରେ ନ୍ୟୁଜିଲାଣ୍ଡ ୧୮ ଓଭରରେ ମ୍ୟାଚ୍ ଜିତି ନେଇଥିଲା ।

🏮SIMPLE RULE CATCH DROP, MATCH DROP 🤯 - Tim seifert was batting at 13 runs when Naman Dhir dropped easy catch on Arshdeep Singh bowl - after that tim scored 93 runs it means he scored 80 runs extra for new Zealand If that catch had taken successfully then india could have win this match but unfortunately shreyas iyer also unable to defend it

— VK (@Aur_vicky) November 1, 2026

• ଶ୍ରେୟସ ଓ ଈଶାନଙ୍କ ଅର୍ଦ୍ଧଶତକ ବେକାର

ଏହା ପୂର୍ବରୁ ଟସ୍ ହାରି ପ୍ରଥମେ ବ୍ୟାଟିଂ କରିଥିବା ଭାରତ ୨୦ ଓଭରରେ ୮ ୱିକେଟ୍ ହରାଇ ୧୯୧ ରନ୍ କରିଥିଲା । ଭାରତ ପକ୍ଷରୁ ଶ୍ରେୟସ ଆୟର ମାତ୍ର ୨୩ ବଲ୍‌ରୁ ୫୦ ରନ୍ କରିଥିବା ବେଳେ ଈଶାନ କିଶନ ୩୨ ବଲ୍‌ରୁ ୬୧ ରନ୍‌ର ଆକର୍ଷଣୀୟ ଇନିଂସ ଖେଳିଥିଲେ । ଉଭୟଙ୍କ ମଧ୍ୟରେ ତୃତୀୟ ୱିକେଟ୍‌ ପାଇଁ ୯୩ ରନ୍‌ର ଗୁରୁତ୍ୱପୂର୍ଣ୍ଣ ଭାଗୀଦାରି ହୋଇଥିଲା।ନ୍ୟୁଜିଲାଣ୍ଡ ପକ୍ଷରୁ ଆଡାମ ମିଲ୍ନେ ସବୁଠାରୁ ସଫଳ ବୋଲର ରହିଥିଲେ । ସେ ୪ ଓଭରରେ ମାତ୍ର ୧୯ ରନ୍ ଦେଇ ୪ଟି ୱିକେଟ୍ ନେଇଥିଲେ । ନାଥନ ସ୍ମିଥ୍ ଓ ବ୍ଲେୟାର ଟିକନର ୨ଟି ଲେଖାଏଁ ୱିକେଟ୍ ହାସଲ କରିଥିଲେ ।

ପଢନ୍ତୁ ଏହି ଖବର: ଟସ୍‌ ଜିତିଲା ନ୍ୟୁଜିଲାଣ୍ଡ...ପ୍ରଥମେ ବ୍ୟାଟିଂ କରିବ ଭାରତ, ଆଜି ବି ବୈଭବଙ୍କୁ ମିଳିଲାନି ସୁଯୋଗ

• ୩-୨ରେ ସିରିଜ୍ ଜିତିଲା ଭାରତ

ଯଦିଓ ଅନ୍ତିମ ମ୍ୟାଚ୍‌ରେ ଭାରତ ପରାଜୟର ସାମ୍ନା କରିଛି, ତଥାପି ପ୍ରଥମ ତିନୋଟି ମ୍ୟାଚ୍‌ରେ କ୍ରମାଗତ ବିଜୟ ହାସଲ କରି ଭାରତ ପୂର୍ବରୁ ହିଁ ସିରିଜ୍ କବ୍‌ଜା କରିସାରିଥିଲା । ଫଳରେ ପାଞ୍ଚ ମ୍ୟାଚ୍‌ ବିଶିଷ୍ଟ ଟି-୨୦ ସିରିଜ୍‌କୁ ଭାରତ ୩-୨ରେ ଜିତି ନେଇଛି ।