India in Semi Final / ଏସିଆନ ଗେମ୍ସରେ କେମିତି ସିଧା ସେମିଫାଇନାଲରେ ପହଞ୍ଚିଲା ଟିମ୍ ଇଣ୍ଡିଆ ?

ଟୋକିଓ: ଜାପାନରେ ଅନୁଷ୍ଠିତ ହେଉଥିବା ଏସିଆନ ଗେମ୍ସ ୨୦୨୬ରେ ବର୍ଷା ଯୋଗୁଁ ଅନେକ ମ୍ୟାଚ୍ ରଦ୍ଦ ହେଲାଣି । ତେବେ କ୍ରିକେଟ୍ ଟୁର୍ଣ୍ଣାମେଣ୍ଟର ଆଜି ଦ୍ଵିତୀୟ କ୍ଵାର୍ଟର ଫାଇନାଲ ମୁକାବିଲାରେ ମଧ୍ୟ କିଛି ଏପରି ସ୍ଥିତି ଦେଖିବାକୁ ମିଳିଛି । ଟିମ୍ ଇଣ୍ଡିଆ ଓ ଆଫଗାନିସ୍ତାନ ମଧ୍ୟରେ ଅନୁଷ୍ଠିତ ହୋଇଥିବା ଦ୍ଵିତୀୟ କ୍ଵାର୍ଟର ଫାଇନାଲ ମ୍ୟାଚ୍‌ରେ ବର୍ଷା ସାଜିଥିଲା ବାଧକ । ପାଗ ଖରାପ ଯୋଗୁଁ ଟସ୍ ମଧ୍ୟ ପଡ଼ିପାରିନଥିଲା । ଶେଷରେ ଗୋଟିଏ ବି ବଲ୍ ଖେଳାଯାଇନଥିଲା ଓ ମ୍ୟାଚ୍‌କୁ ରଦ୍ଦ କରାଯାଇଥିଲା । ଏହାପରେ ବି ଭାରତୀୟ ପୁରୁଷ କ୍ରିକେଟ୍ ଦଳ ସିଧାସଳଖ ସେମିଫାଇନାଲରେ ପ୍ରବେଶ କରିଛି । ଏବେ କ୍ରୀଡାପ୍ରେମୀ ଏହା ପଛର କାରଣ ଜାଣିବାକୁ ଚାହୁଁଛନ୍ତି ।

• ସେମିଫାଇନାଲରେ ଟିମ୍ ଇଣ୍ଡିଆ

ବର୍ଷା ଯୋଗୁଁ ମ୍ୟାଚ୍ ରଦ୍ଦ ହେବା ପରେ ଟିମ୍ ଇଣ୍ଡିଆ ସିଧାସଳଖ ସେମିଫାଇନାଲରେ ପ୍ରବେଶ କରିଛି । ଏଠାରେ କହିରଖୁଛୁ କି, ଏସିଆନ ଗେମ୍ସର ନିୟମ ମୁତାବକ, ମ୍ୟାଚ୍ ରଦ୍ଦ ହେବା ପରେ ଆଇସିସି ରାକିଙ୍ଗ୍‌ରେ ଭଲ ପ୍ରଦର୍ଶନ କରୁଥିବା ଟିମକୁ ବିଜେତା ଘୋଷଣା କରାଯିବ । ଟିମ୍ ଇଣ୍ଡିଆ ଏବେ ନମ୍ବର-୧ ଟି-୨୦ ଦଳ । ଏଥିଯୋଗୁଁ ଭାରତ ସିଧାସଳଖ ସେମିଫାଇନାଲରେ ପ୍ରବେଶ କରିଛି । ଟିମ୍ ଇଣ୍ଡିଆ ନିକଟରେ ଏବେ ଦ୍ଵିତୀୟ ଥର ଲାଗି ସ୍ଵର୍ଣ୍ଣ ପଦକ ଜିତିବାର ସୁଯୋଗ ରହିଛି ।

🚨 Match Abandoned 🚨

The #INDvAFG Asian Games 2026 Quarter-Final has been called off due to rain. #TeamIndia advance to the semi-final by virtue of higher seeding. #AsianGames

— BCCI (@BCCI) September 28, 2026

• ଏମିତି ହେଲେ ସିଧା ଫାଇନାଲ୍‌ରେ ଏଣ୍ଟ୍ରି

ଟିମ୍ ଇଣ୍ଡିଆ ଏଯାବତ୍ ଏହି ଟୁର୍ଣ୍ଣାମେଣ୍ଟରେ ଗୋଟିଏ ବି ମ୍ୟାଚ୍ ଖେଳିନାହିଁ । ଆଇସିସି ରାଙ୍କିଙ୍ଗ୍‌ରେ ଉପରେ ଥିବାରୁ ଟିମ୍ ଇଣ୍ଡିଆକୁ ସିଧାସଳଖ କ୍ଵାର୍ଟର ଫାଇନାଲରେ ସ୍ଥାନ ମିଳିଥିଲା । ଏବେ ଦଳ ସେମିଫାଇନାଲରେ ପ୍ରବେଶ କରିସାରିଛି । ଫଳରେ ଚଳିତ ଏସିଆନ ଗେମ୍ସ ୨୦୨୬ରେ ଭାରତୀୟ କ୍ରିକେଟ୍ ଟିମ୍ ସିଧାସଳଖ ସେମିଫାଇନାଲରେ ନିଜର ପ୍ରଥମ ମ୍ୟାଚ୍ ଖେଳିବ । ଏବେ କ୍ରୀଡାପ୍ରେମୀ ଆଶା ରଖିଛନ୍ତି ଯେ ସେମିଫାଇନାଲରେ ବର୍ଷା ନହେଉ । ତେବେ ଯଦି ସେମିଫାଇନାଲରେ ବର୍ଷା ହେଉଛି ତେବେ ଟିମ୍ ଇଣ୍ଡିଆକୁ ସିଧାସଳଖ ଫାଇନାଲରେ ଖେଳିବାକୁ ସୁଯୋଗ ମିଳିବ ।

• ଟୁର୍ଣ୍ଣାମେଣ୍ଟରୁ ବିଦା ହେଲା ଆଫଗାନିସ୍ତାନ

ଏସିଆନ ଗେମ୍ସ ୨୦୨୬ରୁ ଆଫଗାନିସ୍ତାନ ବିଦା ହୋଇସାରିଛି । ଆଫଗାନ୍ ଟିମ୍ ବହୁତ କଷ୍ଟ କରି କ୍ଵାର୍ଟର ଫାଇନାଲରେ ପହଞ୍ଚିଥିଲା । ଏହାପୂର୍ବରୁ ଲିଗ୍ ଷ୍ଟେଜରେ ଦଳ ନେପାଳଠାରୁ ପରାଜିତ ହୋଇଥିଲା । ଏଥିଲାଗି କ୍ଵାର୍ଟର ଫାଇନାଲରେ ଭାରତ ସହ ଆଜି (ସେପ୍ଟେମ୍ବର ୨୮) ମ୍ୟାଚ୍ ଖେଳିଥାନ୍ତା ଆଫଗାନିସ୍ତାନ । କିନ୍ତୁ ବର୍ଷା ଯୋଗୁଁ ଆଫଗାନିସ୍ତାନକୁ ଟିମ୍ ଇଣ୍ଡିଆ ବିପକ୍ଷରେ ଖେଳିବାକୁ ସୁଯୋଗ ମିଳିପାରିନାହିଁ । ଏହାସହିତ ଏସିଆନ୍ ଗେମ୍ସରେ ଆଫଗାନିସ୍ତାନ କ୍ରିକେଟ୍ ଟିମର ଯାତ୍ରା ଶେଷ ହୋଇଛି ।

ପଢନ୍ତୁ ଏହି ଖବର: କୋହଲିଙ୍କ ଐତିହାସିକ ଶତକ, ପ୍ରଥମ ଦିନିକିଆରେ ୱେଷ୍ଟଇଣ୍ଡିଜକୁ ୮ ୱିକେଟ୍‌ରେ ହରାଇଲା ଭାରତ

ଉଭୟ ଟିମର ସ୍କ୍ଵାର୍ଡ ଉପରେ ନଜର ପକାନ୍ତୁ
ଭାରତ: ସଞ୍ଜୁ ସାମସନ୍ (ୱିକେଟ୍ କିପର), ଅଭିଷେକ ଶର୍ମା, ଈଶାନ କିଷନ (ୱିକେଟ୍ କିପର୍), ଶ୍ରେୟାସ ଆୟର (ଅଧିନାୟକ), ତିଲକ ବର୍ମା, ଶିବମ ଦୁବେ, ଅକ୍ଷର ପଟେଲ, ଅର୍ଶଦୀପ ସିଂହ, ରବି ବିଷ୍ଣୋଇ, ଜସପ୍ରୀତ ବୁମରାହ, ୱାଶିଂଟନ ସୁନ୍ଦର, ୟଶ ଠାକୁର, ବୈଭବ ସୂର୍ଯ୍ୟବଂଶୀ, ବିପ୍ରଜ ନିଗମ୍ ।

ଆଫଗାନିସ୍ତାନ: ମହମ୍ମଦ ଅକ୍ରମ, ହସନ୍ ଈସାଖିଲ୍‍, କରିମ୍ ଜନତ୍‍, ଫୈସଲ ଶିନୋଜାଦ, ନଜିବୁଲ୍ଲାହ ଜାଦରାନ, ମହମ୍ମଦ ଈଶାକ୍ (ୱିକେଟ୍ କିପର୍), ଦରବେଶ ରସୁଲି (ଅଧିନାୟକ), ନାଙ୍ଗୋୟାଲିୟା ଖାରୋଟି, ଅବଦୁଲ୍ଲା ଅହମଦଜଇ, ଫରିଦୁନ ଦାଉଦଜଇ, ଅରବ୍ ଗୁଲ୍ ମୌମନ୍ଦ, ଇସମତ୍ ଆଲାମ, ଫରମାନୁଲ୍ଲାହ ସଫି, ଖାଲିଦ୍ ତାନିୱାଲ ଓ ଇମରାନ ମିର୍ ।