ନା ବର୍ଷା, ନା ଝଡ଼… ତଥାପି ଅଟକିଗଲା ଭାରତ-ଇଂଲଣ୍ଡ ପଞ୍ଚମ ଟି-୨୦ର ଟସ୍‌ । ମ୍ୟାଚ୍‌ ଆରମ୍ଭ ପୂର୍ବରୁ ଏକ ଅଜବ ଘଟଣା ସାମ୍ନାକୁ ଆସିଛି । ଟିମ୍‌ ଇଣ୍ଡିଆ ଖେଳାଳିମାନେ ଟ୍ରାଫିକ୍‌ ଜାମ୍‌ରେ ଫସିଯିବାରୁ ସମୟରେ ରୋଜ୍ ବାଉଲ୍‌ ଷ୍ଟାଡିୟମ୍‌ରେ ପହଞ୍ଚିପାରିନଥିଲେ । ଯାହାଫଳରେ ଧାର୍ଯ୍ୟ ସମୟରେ ହୋଇପାରିଲା ନାହିଁ ଟସ୍‌ ଏବଂ ମ୍ୟାଚ୍‌ ଆରମ୍ଭ ସମୟରେ ମଧ୍ୟ ପରିବର୍ତ୍ତନ କରାଯାଇଛି ।

ଅଧିକ ପଢ଼ନ୍ତୁ: ପଞ୍ଚମ ଟି-୨୦ରେ ଦଳକୁ ଫେରିବେ ସଞ୍ଜୁ ସାମସନ୍ ? ବୈଭବ ନୁହଁନ୍ତି, ଏହି ଖେଳାଳି ପଡ଼ିପାରନ୍ତି ବାଦ୍‌

ଭାରତ ଏବଂ ଇଂଲଣ୍ଡ ମଧ୍ୟରେ ପଞ୍ଚମ ଟି-୨୦ ମ୍ୟାଚ୍ ସାଉଥାମ୍ପଟନ୍‌ରେ ଖେଳାଯିବାର କାର୍ଯ୍ୟକ୍ରମ ରହିଛି । ଟସ୍ ଭାରତୀୟ ସନ୍ଧ୍ୟା ୬:୩୦ରେ ହେବାର ଥିଲା । କିନ୍ତୁ ବର୍ଷା କିମ୍ବା ଝଡ଼ ନ ଥିଲେ ମଧ୍ୟ ଟସ୍ ଠିକ୍ ସମୟରେ ହୋଇନଥିଲା । ଆଉ ଏହାର ପଛର କାରଣ ଜାଣିଲେ ଆପଣ ବି ଆଶ୍ଚର୍ଯ୍ୟ ହୋଇଯିବେ । ଟ୍ରାଫିକ୍‌ ଜାମ୍‌ରେ ଟିମ୍‌ ଇଣ୍ଡିଆ ଫସିଯାଇଥିଲା । ଯାହା ଫଳରେ ଖେଳାଳିମାନେ ସମୟ ମଧ୍ୟରେ ରୋଜ୍ ବାଉଲ୍ ଷ୍ଟାଡିୟମରେ ପହଞ୍ଚିପାରିଲେ ନାହିଁ ।

ଭାରତୀୟ ଦଳ ନିର୍ଦ୍ଧାରିତ ହୋଇଥିବା ଟସ୍ ସମୟର କିଛି ସମୟ ପରେ ଷ୍ଟାଡିୟମରେ ପହଞ୍ଚିଥିଲା । ଯାହାଫଳରେ ଟସ୍ ସମୟ ପରିବର୍ତ୍ତନ କରାଯାଇଥିଲା । ପଞ୍ଚମ ଟି-୨୦ ମ୍ୟାଚ୍ ପାଇଁ ଟସ୍ ସନ୍ଧ୍ୟା ୭:୧୫ ରେ ହେବ, ମ୍ୟାଚ୍ ଅଧ ଘଣ୍ଟା ବିଳମ୍ବରେ ସନ୍ଧ୍ୟା ୭:୩୦ ରେ ଆରମ୍ଭ ହେବ ।