ଭାରତୀୟ ଦଳ ଜୁଲାଇ ୧୧ ତାରିଖରେ ଇଂଲଣ୍ଡ ବିପକ୍ଷରେ ପଞ୍ଚମ ତଥା ଶେଷ ମ୍ୟାଚ୍ ଖେଳୁଛି । ଏହି ମ୍ୟାଚ୍‌ରେ ଟସ୍‌ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଛି ଟିମ୍ ଇଣ୍ଡିଆ । ତେବେ ସବୁଠୁ ଗୁରୁତ୍ବପୂର୍ଣ୍ଣ କଥା ହେଉଛି ଦୁଇଟି ମ୍ୟାଚ୍‌ରେ ଫ୍ଲପ୍‌ ହେବା ପରେ ଯୁବ ବିସ୍ଫୋରକ ବ୍ୟାଟ୍ସମ୍ୟାନ୍‌ ବୈଭବ ସୂର୍ଯ୍ୟବଂଶୀଙ୍କୁ ପ୍ଲେଇଂ ଇଲେଭନରୁ ବାଦ୍ ଦିଆଯାଇଛି । ବୈଭବଙ୍କ ସ୍ଥାନରେ ସଞ୍ଜୁଙ୍କୁ ସୁଯୋଗ ମିଳିଛି । ସେହିପରି ଓ୍ବାଶିଂଟନ ସୁନ୍ଦରଙ୍କ ସ୍ଥାନରେ ସୂର୍ଯ୍ୟାଂଶ ସେଗେଡଙ୍କୁ ମଧ୍ୟ ସୁଯୋଗ ମିଳିଛି ।

Presenting #TeamIndia's Playing XI for the 5️⃣th and final T20I 🙌

Updates ▶️ https://t.co/7mo5osv0MW#ENGvIND pic.twitter.com/uSVKJB5raY

— BCCI (@BCCI) July 11, 2026

ଭ୍ରମଣକାରୀ ଦଳ ସିରିଜରେ ହରାଇବା ପାଇଁ ଆଉ କିଛି ବାକି ନାହିଁ । ଇଂଲଣ୍ଡ ଦଳ ୩-୦ରେ ସିରିଜ୍‌କୁ ନିଜ ନାମରେ କରିସାରିଛି । ଏପରି ପରିସ୍ଥିତିରେ ଟିମ୍ ମ୍ୟାନେଜମେଣ୍ଟ ପ୍ଲେଇଂ ଇଲେଭେନରେ ପରିବର୍ତ୍ତନ କରି ସଞ୍ଜୁ ସାମସନଙ୍କୁ ସୁଯୋଗ ଦେଇଛନ୍ତି । ଏହି ମ୍ୟାଚ୍‌ ଜିତି ସମ୍ମାନ ରଖିବାକୁ ଚେଷ୍ଟା କରିବ ଭାରତ ।

ଭାରତ ଏବଂ ଇଂଲଣ୍ଡ ଏପର୍ଯ୍ୟନ୍ତ ୩୪ ଟି ଟି-20 ଆନ୍ତର୍ଜାତୀୟ ମ୍ୟାଚ୍ ଖେଳିଛନ୍ତି । ଏଥିମଧ୍ୟରୁ ଭାରତ ୧୮ଟି ମ୍ୟାଚ୍ ଜିତିଥିବା ବେଳେ ଇଂଲଣ୍ଡ ଦଳ ୧୫ଟି ମ୍ୟାଚ୍‌ ନିଜ ନାମରେ କରିଛି । ଗୋଟିଏ ମ୍ୟାଚ୍‌ ଡ୍ର' ରହିଥିଲା ।

ଅଧିକ ପଢ଼ନ୍ତୁ: ଟ୍ରାଫିକ୍‌ ଜାମ୍‌ରେ ଫସିଗଲା ଟିମ୍ ଇଣ୍ଡିଆ, ଠିକ୍‌ ସମୟରେ ଷ୍ଟାଡିୟମ୍‌ରେ ପହଞ୍ଚିପାରିଲେନି ଭାରତୀୟ ଖେଳାଳି

ସେପଟେ ଆଜିର ଭାରତ ଏବଂ ଇଂଲଣ୍ଡ ମଧ୍ୟରେ ପଞ୍ଚମ ଟି-୨୦ ମ୍ୟାଚ୍ ଭାରତୀୟ ସନ୍ଧ୍ୟା ୭ଟାରେ ଆରମ୍ଭ ହେବାର ଥିଲା । ଟସ୍ ଭାରତୀୟ ସନ୍ଧ୍ୟା ୬:୩୦ରେ ହେବାର ଥିଲା । କିନ୍ତୁ ବର୍ଷା କିମ୍ବା ଝଡ଼ ନ ଥିଲେ ମଧ୍ୟ ଟସ୍ ଠିକ୍ ସମୟରେ ହୋଇନଥିଲା । ଆଉ ଏହାର ପଛର କାରଣ ଜାଣିଲେ ଆପଣ ବି ଆଶ୍ଚର୍ଯ୍ୟ ହୋଇଯିବେ । ଟ୍ରାଫିକ୍‌ ଜାମ୍‌ରେ ଟିମ୍‌ ଇଣ୍ଡିଆ ଫସିଯାଇଥିଲା । ଯାହା ଫଳରେ ଖେଳାଳିମାନେ ସମୟ ମଧ୍ୟରେ ରୋଜ୍ ବାଉଲ୍ ଷ୍ଟାଡିୟମରେ ପହଞ୍ଚିପାରିଲେ ନାହିଁ ।

ଟିମ୍ ଇଣ୍ଡିଆର ଚୁଡ଼ାନ୍ତ ଏକାଦଶ: ଅଭିଷେକ ଶର୍ମା, ସଞ୍ଜୁ ସାମସନ, ଇଶାନ କିଶାନ, ଶ୍ରେୟସ ଆୟର, ତିଲକ ବର୍ମା, ଶିବମ ଦୁବେ, ସୂର୍ଯ୍ୟାଂସ ସେଡଗେ, ଅକ୍ସର ପଟେଲ, ଅର୍ଶଦୀପ ସିଂହ, ପ୍ରିନ୍ସ ଯାଦବ ଓ ପ୍ରସିଦ୍ଧ କ୍ରିଷ୍ଣା