Vaibhav Sooryavanshi Debut / ଇଂଲଣ୍ଡ ବିପକ୍ଷରେ ଭାରତର ବଡ଼ ପରୀକ୍ଷା ! ବୈଭବ ସୂର୍ଯ୍ୟବଂଶୀ କରିବେ କି ଡେବ୍ୟୁ ?

ଆଜିଠୁ ଇଂଲଣ୍ଡ ବିପକ୍ଷରେ ଆରମ୍ଭ ହେବ ୫ ମ୍ୟାଚ୍‌ ବିଶିଷ୍ଟ ଟି-୨୦ ସିରିଜ୍‌ । ବୁଧବାର ଏହି ସିରିଜ୍‌ର ପ୍ରଥମ ମ୍ୟାଚ୍‌ ଖେଳାଯିବ । ଟିମ୍ ଇଣ୍ଡିଆ ପାଇଁ ଇଂଲଣ୍ଡ ଗସ୍ତର ଆରମ୍ଭ କେବଳ ଏକ ନୂତନ ଟି-୨୦ ସିରିଜ୍ ନୁହେଁ, ବରଂ ନିଜକୁ ପ୍ରମାଣିତ କରିବାର ଏକ ପ୍ରମୁଖ ସୁଯୋଗ । ଆର୍ୟାଲ୍ୟାଣ୍ଡ ବିପକ୍ଷରେ ୨-୦ ସିରିଜ୍ ପରାଜୟ ଅଧିନାୟକ ଶ୍ରେୟସ ଆୟର ଏବଂ ଟିମ୍ ମ୍ୟାନେଜମେଣ୍ଟଙ୍କ ରଣନୀତି ଉପରେ ପ୍ରଶ୍ନ ଉଠାଇଛି ।

ପାଞ୍ଚ ମ୍ୟାଚ୍ ବିଶିଷ୍ଟ ଟି-୨୦ ସିରିଜର ପ୍ରଥମ ମ୍ୟାଚ୍ ଆଜି ଚେଷ୍ଟର-ଲେ-ଷ୍ଟ୍ରିଟର ରିଭରସାଇଡ୍ ଗ୍ରାଉଣ୍ଡରେ ଖେଳାଯିବ । ଆଉ ଏହି ମ୍ୟାଚ୍‌ରେ ସମସ୍ତଙ୍କ ନଜର ଗୋଟିଏ ନିଷ୍ପତ୍ତି ଉପରେ ରହିଛି: କ'ଣ ୧୫ ବର୍ଷୀୟ ବୈଭବ ସୂର୍ଯ୍ୟବଂଶୀ ଡେବ୍ୟୁ କରିବେ ? ଆର୍ୟାଲାଣ୍ଡ ସିରିଜ୍‌ରେ ଦଳରେ ଥିଲେ ମଧ୍ୟ ବୈଭବଙ୍କୁ ପ୍ଲେଇଂ ୧୧ରେ ସାମିଲ କରାଯାଇନଥିଲା । କିନ୍ତୁ ଆର୍ୟାଲାଣ୍ଡରେ ଦଳର କ୍ରମାଗତ ବିଫଳତା ପରେ ଏବେ ଇଂଲଣ୍ଡ ବିପକ୍ଷରେ ସୂର୍ଯ୍ୟବଂଶୀ ଡେବ୍ୟୁ କରିପାରନ୍ତି ବୋଲି ଚର୍ଚ୍ଚା ହେଉଛି ।

ଅଧିକ ପଢ଼ନ୍ତୁ: ଇଂଲଣ୍ଡ ଗସ୍ତରେ ଡେବ୍ୟୁ କରିବେ କି ବୈଭବ ସୂର୍ଯ୍ୟବଂଶୀ ? ଶ୍ରେୟସ ଆୟର ଦେଲେ ବଡ଼ ବୟାନ

ତେବେ ଇଂଲଣ୍ଡ ଗସ୍ତ ପୂର୍ବରୁ ସବୁଠାରୁ ଅଧିକ ଚର୍ଚ୍ଚାରେ ଅଛନ୍ତି ୧୫ ବର୍ଷୀୟ ବୈଭବ ସୂର୍ଯ୍ୟବଂଶୀ । ବୈଭବଙ୍କୁ ନେଇ କ୍ରିକେଟ୍ ପ୍ରେମୀଙ୍କ ମଧ୍ୟରେ ପ୍ରବଳ ଉତ୍ସାହ ରହିଛି । ତଥାପି, ଦଳ ପରିଚାଳନା ଏପର୍ଯ୍ୟନ୍ତ ତାଙ୍କୁ ସୁଯୋଗ ଦେବାକୁ ଅନିଚ୍ଛୁକ ରହିଛି। ଅଧିନାୟକ ଶ୍ରେୟାସ ଆୟର ବୈଭବ ସୂର୍ଯ୍ୟବଂଶୀଙ୍କ ଅଂଶଗ୍ରହଣ ଉପରେ ସସପେନ୍ସ ବଜାୟ ରଖିଛନ୍ତି। ସେ କହିଛନ୍ତି, "ବର୍ତ୍ତମାନ କିଛି କହିବା କଷ୍ଟକର। ଆମେ କେଉଁ ପ୍ଲେଇଂ ଇଲେଭେନ ଏବଂ କେଉଁ କମ୍ବିନେସନରେ ଖେଳିବୁ ତାହା ସମ୍ପୂର୍ଣ୍ଣ ଭାବରେ ଦଳର ଆଭ୍ୟନ୍ତରୀଣ ବ୍ୟାପାର । ଆମେ ଆମର ରଣନୀତି ପୂର୍ବରୁ ସାର୍ବଜନୀନ କରିପାରିବୁ ନାହିଁ । ତେବେ ଆୟର ବୈଭବଙ୍କ ପ୍ରଶଂସା କରି କହିଥିଲେ ଯେ, ସେ ଜଣେ ଅତ୍ୟନ୍ତ ପ୍ରତିଭାଶାଳୀ ଖେଳାଳି । ଯେତେବେଳେ ତାଙ୍କୁ ସୁଯୋଗ ମିଳିବ, ସେ ନିଶ୍ଚିତ ଭାବେ ଭଲ ପ୍ରଦର୍ଶନ କରିବେ ।

ସେପଟେ ଶ୍ରେୟସ ଆୟରଙ୍କ ଟି-୨୦ ଅଧିନାୟକତ୍ୱ ଡେବ୍ୟୁ ବିଫଳ ହୋଇଥିଲା । ଟିମ୍ ଇଣ୍ଡିଆ ଉଭୟ ମ୍ୟାଚ୍ ଆୟରଲ୍ୟାଣ୍ଡ ବିପକ୍ଷରେ ହାରିଥିଲା। ଦ୍ୱିତୀୟ ଟି-୨୦ରେ ସଞ୍ଜୁ ସାମସନ ଏବଂ ଅଭିଷେକ ଶର୍ମା ବିନା ସ୍କୋରରେ ପାଭିଲିୟନ ଫେରିଥିଲେ, ଯେତେବେଳେ ଇଶାନ କିଶାନ ଏବଂ ଅଧିନାୟକ ଶ୍ରେୟାସ ଆୟର ମଧ୍ୟ ବଡ଼ ସ୍କୋର କରିପାରି ନଥିଲେ ।

ଆର୍ୟାଲାଣ୍ଡ ବିପକ୍ଷ ସିରିଜ୍ ପରାଜୟ ପରେ ସହାୟକ ପ୍ରଶିକ୍ଷକ ସ୍ୱୀକାର କରିଥିଲେ ଯେ ଦଳ ବେଲଫାଷ୍ଟର ପରିସ୍ଥିତି ସହିତ ଖାପ ଖୁଆଇବାରେ ବିଫଳ ହୋଇଥିଲା । ସେ ବିଶ୍ୱାସ କରିଥିଲେ ଯେ ଭାରତ ବଡ଼ ସଟ୍ ଖେଳିବା ଏବଂ ଶୀଘ୍ର ସ୍କୋର କରିବାରେ ଏତେ ଅଭ୍ୟସ୍ତ ହୋଇଯାଇଥିଲା ଯେ ପରିସ୍ଥିତି ପରିବର୍ତ୍ତନ ହେଲେ ସେମାନେ ସେମାନଙ୍କର ରଣନୀତି ପରିବର୍ତ୍ତନ କରିବାରେ ବିଫଳ ହୋଇଥିଲେ ।