ମୁମ୍ବାଇ: ଆଇପିଏଲ୍-୨୦୨୬ ପୂର୍ବରୁ ବଡ଼ ଡିଲ୍ । ୨ ଦଳ ମଧ୍ୟରେ ପ୍ଲେୟାର୍ ଏକ୍ସଚେଞ୍ଜ ! ଖେଳାଳି ଦେଣନେଣ କରିଛନ୍ତି ଚେନ୍ନାଇ ସୁପର୍ କିଙ୍ଗ୍ସ (CSK) ଏବଂ ରାଜସ୍ଥାନ ରୟାଲ୍ସ (RR) । ଚେନ୍ନାଇର ଷ୍ଟାର ଖେଳାଳି ରବୀନ୍ଦ୍ର ଜାଡ଼େଜା ରାଜସ୍ଥାନ ରୟାଲ୍ସ ସହ ପୁଣି ଥରେ ଯୋଡ଼ି ହୋଇଛନ୍ତି ।

୧୪ କୋଟି ମୂଲ୍ୟରେ ରବୀନ୍ଦ୍ର ଜାଡ଼େଜା ରାଜସ୍ଥାନ ରୟାଲ୍ସ ପାଇଁ ଆଗାମୀ ଆଇପିଏଲ୍ ସଂସ୍କରଣରେ ଖେଳିବେ । ସେହିଭଳି ରାଜସ୍ଥାନ ରୟାଲ୍ସର ଅଧିନାୟକ ସଞ୍ଜୁ ସାମସନ ଚେନ୍ନାଇ ସୁପର୍ କିଙ୍ଗ୍ସକୁ ଯାଇଛନ୍ତି । ସଞ୍ଜୁ ସାମସନଙ୍କୁ ୧୮ କୋଟିରେ ନେଇଛି ଚେନ୍ନାଇ । ଦୁଇ ଦଳ ଭିତରେ ଏହି ଡିଲ୍ ପାଇଁ ଦୀର୍ଘ ଦିନରୁ ଆଲୋଚନା ଚାଲିଥିଲା ।

ଏଥିସହ ପଢ଼ନ୍ତୁ: ବିରାଟ ବିସ୍ଫୋରଣ ! ୩୦୦ ଫୁଟ ଦୂରରେ ପଡ଼ିଲା ମାଂସ ଖଣ୍ଡ, ୭ ମୃତ-୩୦ ଆହତ

ଆଇପିଏଲ୍-୨୦୨୬ ସଂସ୍କରଣ ପୂର୍ବରୁ ସମସ୍ତ ଫ୍ରାଞ୍ଚାଇଜ୍ ପାଇଁ ଖେଳାଳି ରିଣ୍ଟେନସନ୍‌ର ଆଜି ଥିଲା ଶେଷ ତାରିଖ । ଏହି ଟ୍ରେଡ୍ ୱିଣ୍ଡୋରେ ରବୀନ୍ଦ୍ର ଜାଡ଼େଜା, ସଞ୍ଜୁ ସାମସନ, ସାମ କରନ, ମହମ୍ମଦ ସାମି, ମୟଙ୍କ ମାର୍କେଣ୍ଡେୟ, ଅର୍ଜୁନ ତେନ୍ଦୁଲକର, ନୀତିଶ ରାଣା ଓ ଦେନୋବନ ଫରେରା ଆଦିଙ୍କ ନାଁ ସାମିଲ୍ ଥିଲା । ଆସନ୍ତୁ ଜାଣିବା କେଉଁ ଖେଳାଳି, କେଉଁ ଦଳକୁ ଗଲେ ।

ରବୀନ୍ଦ୍ର ଜାଡ଼େଜା

ବରିଷ୍ଠ ଅଲରାଉଣ୍ଡର ଓ ଚେନ୍ନାଇ ସୁପର୍ କିଙ୍ଗ୍ସର ପୂର୍ବତନ ଅଧିନାୟକ ଜାଡ଼େଜା ୨୦୨୬ ଆଇପିଏଲ୍‌ରେ ରାଜସ୍ଥାନ ରୟାଲ୍ସ ପାଇଁ ଖେଳିବେ । ଆଇପିଏଲ୍‌ରେ ଚେନ୍ନାଇ ସୁପର୍ କିଙ୍ଗ୍ସ ପାଇଁ ୧୨ଟି ସଂସ୍କରଣ ଖେଳିଥିବା ଜାଡ଼େଜାଙ୍କ ମୂଲ୍ୟ ୧୮ କୋଟିରୁ ୧୪ କୋଟିକୁ ଖସି ଆସିଛି ।

ସଞ୍ଜୁ ସାମସନ

ରାଜସ୍ଥାନ ରୟାଲ୍ସର ଅଧିନାୟକ ଓ ଭାରତର ୱିକେଟ୍ ରକ୍ଷକ, ବ୍ଯାଟ୍ସମ୍ୟାନ ସଞ୍ଜୁ ସାମସନ ଏବେ ଚେନ୍ନାଇ ସୁପର୍ କିଙ୍ଗ୍ସ ପାଇଁ ଖେଳିବେ । ସାମସନ ସମାନ ୧୮ କୋଟି ମୂଲ୍ୟରେ ଚେନ୍ନାଇ ସହ ଯୋଡ଼ି ହୋଇଛନ୍ତି ।

ସାମ କରନ

ଇଂଲଣ୍ଡର ଅଲରାଉଣ୍ଡର ସାମ କରନ ଚେନ୍ନାଇରୁ ରାଜସ୍ଥାନ ଯାଇଛନ୍ତି । ସାମଙ୍କୁ ରାଜସ୍ଥାନ ୨.୪ କୋଟିରେ ନେଇଛି । ସେ ଆଇପିଏଲ୍‌ର ତୃତୀୟ ଦଳ ଭାବେ ରାଜସ୍ଥାନ ରୟାଲ୍ସ ପାଇଁ ଖେଳିବେ ।

ଏଥିସହ ପଢ଼ନ୍ତୁ: ବିହାରରେ 'ଡବଲ୍ ଇଞ୍ଜିନ' ସୁନାମି; ଏହି ରଣନୀତି ଦେଲା ସୁନିଶ୍ଚିତ ବିଜୟ 

ମହମ୍ମଦ ସାମି

ବରିଷ୍ଠ ପେସ୍ ବୋଲର ମହମ୍ମଦ ସାମିଙ୍କ ମଧ୍ୟ ଦଳ ବଦଳିଛି । ସନରାଇଜର୍ସ ହାଇଦ୍ରାବାଦରୁ ଲକ୍ଷ୍ନୌ ସୁପର୍ ଜାଏଣ୍ଟସ୍‌କୁ ଯାଇଛନ୍ତି ସାମି । ଲକ୍ଷ୍ନୌ ସାମିଙ୍କୁ ୧୦ କୋଟିରେ ନେଇଛି । ୧୧୯ଟି ଆଇପିଏଲ୍ ମ୍ୟାଚ୍ ଖେଳିଥିବା ସାମି ୨୦୨୩ରେ ପାଇଥିଲେ ପର୍ପଲ କପ୍ ।

ମୟଙ୍କ ମାର୍କେଣ୍ଡେୟ

ଲେଗ୍-ସ୍ପିନର ମୟଙ୍କ କୋଲକାତା ନାଇଟ୍ ରାଇଡର୍ସରୁ ଘର ବାହୁଡ଼ିଛନ୍ତି । ମୟଙ୍କଙ୍କୁ ୩୦ ଲକ୍ଷରେ ନେଇଛି ମୁମ୍ବାଇ ଇଣ୍ଡିଆନ୍ସ । ୩୭ ମ୍ୟାଚ୍ ଖେଳି ୩୭ଟି ୱିକେଟ୍ ନେଇଥିବା ମୟଙ୍କ ମୁମ୍ବାଇ ପାଇଁ ଜଣେ ସ୍ପିନ୍ ବିକଳ୍ପ ହୋଇପାରନ୍ତି ।