ଭାରତର ଲୋକପ୍ରିୟ କ୍ରିକେଟ ଟୁର୍ଣ୍ଣାମେଣ୍ଟ IPLର ଚମକ, ମ୍ୟୁଜିକ୍‌, କ୍ୟାମେରା ଫ୍ଲାସ୍ ଓ ଷ୍ଟାଡିୟମରେ ଶୁଭୁଥିବା ସ୍ଵର ମଧ୍ୟରେ ଯାହା ସବୁଠୁ ଅଧିକ ନଜର ଆସେ, ତାହା ହେଉଛି ଚିଅରଲିଡର୍ସ । ମୈଦାନରେ ପ୍ରତିଟି ଛକା-ଚୌକାରେ ଏମାନେ ଅଣ୍ଟା ହଲାନ୍ତି । ୱିକେଟ୍ ପଡ଼ିବା ପରେ ଏମାନେ ଶରୀରର ଅଙ୍ଗଭଙ୍ଗୀ ଦେଖାନ୍ତି । ଲାଉଡ୍ ମ୍ୟୁଜିକର ତାଳେ ତାଳେ ଏମାନେ ନାଚି ପୂରା ଷ୍ଟାଡିୟମକୁ ଉତ୍ସବରେ ଭରି ଦିଅନ୍ତି । ଦୂରରୁ ଦେଖିଲେ ସବୁକିଛି ଆକର୍ଷଣୀୟ ଓ ସହଜ ଦିଶେ । କିନ୍ତୁ ଚିଅର ଗର୍ଲଙ୍କ ହସ ଭିତରେ ଲୁଚି ରହିଥାଏ ଅନେକ କିଛି ।

ଚିଅର ଗର୍ଲଙ୍କ ଚମକ ଭିତରେ ଏମିତି ଏକ ଦୁନିଆ ଅଛି, ଯେଉଁଠି ସେମାନଙ୍କ ସମୟ ଘଣ୍ଟାରେ ନୁହେଁ, ମ୍ୟାଚ୍ ଓ ଫ୍ଲାଇଟରେ ଧାର୍ଯ୍ୟ ହୁଏ । ଯେଉଁଠି ନିଦ ପୂରା ହେବ ଏକ ଲଗଜରୀ ଓ ଶରୀରର ଥକାକୁ ଲୁଚାଇ ମୁହଁରେ ହସ ଭରି ଷ୍ଟାଡିୟମ ମୈଦାନକୁ ଓହ୍ଲାଇବା ଏକ ଚ୍ୟାଲେଞ୍ଜ । ଏଠାରେ ପ୍ରତିଟି ଠାଣି, ପ୍ରତିଟି ଠୁମକା ଓ ପ୍ରତି ହସ ପଛରେ ଘଣ୍ଟା ଘଣ୍ଟାର ଅଭ୍ୟାସ, ଫିଟନେସ୍ ଓ ମାସନିକ ପ୍ରସ୍ତୁତି ଲୁଚି ରହିଛି । ଚିଅରଗର୍ଲଙ୍କ ମୁଣ୍ଡରେ ଏକ ବଡ଼ ଦାୟିତ୍ଵ ରହିଥାଏ । ଏଠାରେ କେବଳ ମନୋରଞ୍ଜନ କାମ ନଥାଏ, ବରଂ ପୂରା ଷ୍ଟାଡିୟମରେ ଏକ ଉତ୍ସାହ ଭରିବାର ମଧ୍ୟ ଥାଏ । ଏଥିଲାଗି ସେମାନେ ନିଜକୁ ସର୍ବଦା ଶକ୍ତିଶାଳୀ, ସକ୍ରିୟ ରଖିଥାନ୍ତି ।

• 'ଏବେ କ୍ରିକେଟକୁ ଭଲ ପାଇଯାଉଛି'

ଇଂଲଣ୍ଡରୁ ଆସିଥିବା ଜଣେ ଚିଅର ଲିଡର କୁହନ୍ତି, "ପ୍ରଥମେ ପ୍ରଥମେ କ୍ରିକେଟ୍ କିଛି ବୁଝି ହେଉନଥିଲା, କିନ୍ତୁ ଏବେ କ୍ରିକେଟ୍ ଭଲ ଲାଗୁଛି । ମୈଦାନରେ ଉପର ତଳ ହେବା ସହଜ ନୁହେଁ । ମାତ୍ର ପୂରା ମ୍ୟାଚରେ ଉତ୍ସାହ ଭରିବା ଲାଗି ଏପରି କରିବାକୁ ପଡ଼ିଥାଏ ।" ସେହିପରି ଆମେରିକାରୁ ଆସିଥିବା ରେଟେଲ୍ ହଲ୍ କୁହନ୍ତି ଯେ ସେ ଏହି କାମ ପାଇଁ ବର୍ଷ ବର୍ଷ ଧରି ଟ୍ରେନିଂ ନେଇଛନ୍ତି । ଏହି କାମରେ ନିଦ ସବୁଠୁ ବଡ଼ ଆହ୍ଵାନ ଓ କାମ ପାଇଁ ରାତି ୨ଟାରେ ଫ୍ଲାଇଟ ନେବାକୁ ପଡ଼େ ।

ପଢନ୍ତୁ ଏହି ଖବର: ଆଜିର ଦିନରେ ଆରମ୍ଭ ହୋଇଥିଲା IPL, ୨୦୦୮ରୁ ଏପର୍ଯ୍ୟନ୍ତ ଖେଳୁଛନ୍ତି ଏହି ୪ ଖେଳାଳି

• 'ପୂରା ମ୍ୟାଚରେ ସବୁବେଳେ ଆଲର୍ଟ ରହିବାକୁ ପଡ଼େ'

ସେହିପରି ୟୁକେ ବର୍ମିଂହାମରୁ ଆସିଥିବା ଲିସି କୁହନ୍ତି ଯେ ଖେଳ ତ ୪ରୁ ୫ ଘଣ୍ଟା ହୋଇଥାଏ, କିନ୍ତୁ ପୂରା ମ୍ୟାଚର ପ୍ରତିଟି ସେକେଣ୍ଡରେ ଆଲର୍ଟ ରହିବାକୁ ପଡ଼େ । ଏହା ଶାରୀରିକ ଭାବରେ ନୁହେଁ, ବରଂ ମାନସିକ ରୂପରେ ଆହ୍ଵାନପୂର୍ଣ୍ଣ ରହିଥାଏ । ଇଂଲଣ୍ଡର ଜଣେ ଚିଅର ଲିଡର କହିଛନ୍ତି ଯେ ଏହି କାମରେ ଲଗାତାର ଦୌଡ଼ିବାକୁ ପଡ଼େ । ସବୁବେଳେ ଆଲର୍ଟ ରହିବାକୁ ପଡ଼ିଥାଏ । IPL ଚିୟରଲିଡର୍ସ କାମ ଯେତେ ଚମତ୍କାର ଦେଖାଯାଏ, ବାସ୍ତବତା ବହୁତ ଭିନ୍ନ । ସେମାନଙ୍କର ନିଯୁକ୍ତି ପ୍ରକ୍ରିୟା ସାର୍ବଜନୀନ ନୁହେଁ ଏବଂ ଏହା ସମ୍ପୂର୍ଣ୍ଣ ଭାବରେ ଇଭେଣ୍ଟ ଏଜେନ୍ସିଗୁଡ଼ିକ ଉପରେ ନିର୍ଭର କରେ । ପ୍ରତି ଋତୁରେ ନୂତନ ନିଯୁକ୍ତି ପ୍ରାପ୍ତ ହୁଏ, ଅର୍ଥାତ୍ ସେମାନଙ୍କୁ ପୁଣି ଥରେ ନିଜକୁ ପ୍ରମାଣ କରିବାକୁ ପଡ଼ିଥାଏ ।