Bumrah OUT / ପ୍ରଥମେ ଫିଟ୍‌, ତାପରେ OUT; କିଛି ଦିନରେ କଣ ଏମିତି ବଦଳିଗଲା

ଭାରତୀୟ କ୍ରିକେଟ୍‌କୁ ଟିମକୁ ବଡ଼ ଝଟକା । କାରଣ ଶ୍ରୀଲଙ୍କା ବିପକ୍ଷ ଟେଷ୍ଟ ସିରିଜରୁ ବାଦ୍ ପଡ଼ିଛନ୍ତି ଷ୍ଟାର ବୋଲର୍ ଜସପ୍ରୀତ ବୁମରାହ । ଏହି ଖବର ଆସିବା ପରେ ବିସିସିଆଇର ଫିଟନେସ୍ ମ୍ୟାନେଜମେଣ୍ଟ ସିଷ୍ଟମ ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି । ବୁମରାହଙ୍କୁ ନେଇ ଆସିଥିବା ପୂର୍ବ ଫିଟ୍ ଅପଡେଟ୍‌ ଉପରେ ପ୍ରଶ୍ନ ଉଠିଛି, କାରଣ ପ୍ରଥମେ ବୁମରାହ ଫିଟ୍ ଥିଲେ ବୋଲି କୁହାଯାଇଥିଲା । ଏବେ କିଛି ଦିନ ମଧ୍ୟରେ ଏପରି କଣ ଘଟିଲା ଯେ ତାଙ୍କୁ ପୂରା ସିରିଜରୁ ବାହାର କରିବାକୁ ପଡ଼ିଲା ? ୟାକୁ ନେଇ ଏବେ ଜୋରଦାର ଚର୍ଚ୍ଚା ।

ଏଥିଲାଗି ଗତକାଲି ବିସିସିଆଇ ସେଣ୍ଟର ଅଫ୍ ଏକ୍ସିଲେନ୍ସ (CoE), ଜାତୀୟ କ୍ରିକେଟ୍ ଏକାଡେମୀର ମୁଖ୍ୟ ଭିଭିଏସ ଲକ୍ଷ୍ମଣ, ଚୟନ ସମିତିର ସଭାପତି ଅଜିତ ଅଗରକର ଓ ସଚିବ ଦେବଜିତଙ୍କ ମଧ୍ୟରେ କ୍ରିକେଟରଙ୍କ ଇଞ୍ଜୁରୀ ଓ ଫିଟନେସ୍ ନିୟମ ଉପରେ ସମୀକ୍ଷା ବୈଠକ ହୋଇଥିଲା । ଏହି ବୈଠକରେ କେବଳ ବୁମରାହଙ୍କୁ ନେଇ ଆଲୋଚନା ହୋଇନଥିଲା, ବରଂ ପୂରା ଫିଟନେସ୍ ବ୍ୟବସ୍ଥାକୁ ନେଇ କଥା ପଡ଼ିଥିଲା ।

• ପୂର୍ବରୁ ଫିଟ୍ ଥିଲେ ବୁମରାହ

ଚୟନକର୍ତ୍ତା ପ୍ରଥମେ କହିଥିଲେ ଯେ ବୁମରାହ ଅଗଷ୍ଟ ୧୫ରୁ ଆରମ୍ଭ ହେବାକୁ ଥିବା ଶ୍ରୀଲଙ୍କା ଟେଷ୍ଟ ସିରିଜ ଖେଳିବେ । ଏହାପରେ ପ୍ଲେଇଙ୍ଗ-୧୧ ସ୍ଥିର କରାଯାଇଥିଲା । ପରବର୍ତ୍ତୀ ସମୟରେ ମେଡିକାଲ ଆକଳନ ପରିବର୍ତ୍ତିତ ହେଲା ଓ ବୁମରାହଙ୍କ ଆଘାତ ଯୋଗୁଁ ତାଙ୍କୁ ଦଳରୁ ବାଦ୍ ଦିଆଯାଇଥିଲା । ଏହାପରେ ଚୟନକର୍ତ୍ତୀ ଟିମ ନିଜ ରଣନୀତିରେ ପରିବର୍ତ୍ତନ କରିବାକୁ ବାଧ୍ୟ ହୋଇଥିଲେ ।

ପଢନ୍ତୁ ଏହି ଖବର: ଡବଲ୍ ସେଞ୍ଚୁରୀକୁ ୯୧ ବଲ୍‌ରେ ୨୫ ଛକା; ଅଭିଷେକ ଶର୍ମାଙ୍କ ଧୂଆଁଦାର ବ୍ୟାଟିଂରେ କମ୍ପିଲା ମୈଦାନ

ଏହା ପ୍ରଥମ ଘଟଣା ନୁହେଁ । ପୂର୍ବରୁ ହର୍ଷିତ ରାଣା, ୱାଶିଂଟନ ସୁନ୍ଦର ଓ ନୀତିଶ କୁମାର ରେଡ୍ଡୀଙ୍କ ପରି ଖେଳାଳିଙ୍କ ଆଘାତ ଓ କମବ୍ୟାକ୍‌କୁ ନେଇ ମଧ୍ୟ ଚର୍ଚ୍ଚା ହୋଇଥିଲା । ହର୍ଷିତ ରାଣା ଫିଟ୍ ଘୋଷିତ ହେବାପରେ ତାଙ୍କର ହାର୍ମଷ୍ଟ୍ରିଙ୍ଗରେ ପୁଣି ସମସ୍ୟା ଦେଖାଦେଇଥିଲା । ସୁନ୍ଦରଙ୍କୁ ଲଗାତାର ମାଂସପେଶୀରେ ଆଘାତ ଲାଗିଥିଲା । ଏପରି ଲଗାତାର ଘଟଣା ବିସିସିଆଇ ସେଣ୍ଟର ଅଫ୍ ଏକ୍ସିଲେନ୍ସର ଖେଳ ବିଜ୍ଞାନ ଓ ଚିକିତ୍ସା ପଦ୍ଧତି ଉପରେ ପ୍ରଶ୍ନ ଉଠିଛି ।

• ସାଇ ସୁଦର୍ଶନଙ୍କ ଫିଟନେସ୍ କେମିତି ?

ବୁମରାହଙ୍କ ପରେ ଏବେ ସାଇ ସୁଦର୍ଶନଙ୍କ ଫିଟନେସ୍‌ ଉପରେ ମଧ୍ୟ କ୍ରୀଡାପ୍ରେମୀଙ୍କ ନଜର ରହିଛି । ସେ ନେଟ୍ସରେ ପ୍ରାୟ ୭୫ ମିନିଟ୍ ପର୍ଯ୍ୟନ୍ତ ବୋଲିଂ କରିପାରୁଛନ୍ତି ଓ ଶୀଘ୍ର ସୁସ୍ଥ ହେଉଛନ୍ତି । ଯଦି ପରବର୍ତ୍ତୀ ସମୟରେ ପୁଣି ସାଇ ସୁଦର୍ଶନଙ୍କ ଫିଟନେସ୍‌କୁ ନେଇ ସ୍ଥିତି ବଦଳେ, ତେବେ ଟିମ ଚୟନ ଉପରେ ପୁଣି ଥରେ ପ୍ରଶ୍ନବାଚୀ ସୃଷ୍ଟି ହେବ ।