Videos
|
Sports

ICC Chairman 2026 / ବିଶ୍ୱ କ୍ରିକେଟ୍‌ରେ ପୁଣି ଜୟ ଶାହଙ୍କ ରାଜ୍, ICC ଚେୟାରମ୍ୟାନ୍ ପଦ ବଜାୟ ରଖିଲେ, କହିଲେ ବଡ଼ କଥା

Debashree Debasmita Sahoo
Browse all articles by Debashree Debasmita Sahoo
·37 mins ago·2 min read
ବିଶ୍ୱ କ୍ରିକେଟ୍‌ରେ ପୁଣି ଜୟ ଶାହଙ୍କ ରାଜ୍, ICC ଚେୟାରମ୍ୟାନ୍ ପଦ ବଜାୟ ରଖିଲେ, କହିଲେ ବଡ଼ କଥା
ICC Chairman 2026

Key Points

ପୁଣି ଆଇସିସି ମୁଖ୍ୟ ହେଲେ ଜୟ ଶାହ
ଜୟ ଶାହଙ୍କ ଉପରେ ଭରସା ପ୍ରକାଶ କଲା ବୋର୍ଡ
ଥାଇଲାଣ୍ଡର ବାଲିରେ ଅନୁଷ୍ଠିତ ବୈଠକରେ ମିଳିଲା ଦାୟିତ୍ଵ
ନୂଆଦିଲ୍ଲୀ: ଅନ୍ତର୍ଜାତୀୟ କ୍ରିକେଟ୍ ଜଗତରୁ ଆସିଛି ବଡ଼ ଖବର । ଲଗାତାର ଦ୍ୱିତୀୟ ଥର ପାଇଁ ଆଇସିସିର ଚେୟାରମ୍ୟାନ୍ ନିଯୁକ୍ତ ହୋଇଛନ୍ତି ଜୟ ଶାହ । ଥାଇଲାଣ୍ଡର ବାଲିରେ ଅନୁଷ୍ଠିତ ଆଇସିସି ବୈଠକରେ ତାଙ୍କୁ ସର୍ବସମ୍ମତିକ୍ରମେ ପୁଣି ଥରେ ଏହି ଦାୟିତ୍ୱ ଦିଆଯାଇଛି । ସୋମବାର, ନଭେମ୍ବର ୧୬ ତାରିଖରେ ଆଇସିସି ଏକ ବିବୃତି ଜାରି କରି ଏହାକୁ ସ୍ପଷ୍ଟ କରିଛି । ଅଲିମ୍ପିକ୍ସରେ କ୍ରିକେଟ୍‌ର ଫେରିବା ଉପରେ ରହିବ ତାଙ୍କର ବିଶେଷ ଫୋକସ୍ ।

୨୦୨୪ ଅଗଷ୍ଟରେ ପ୍ରଥମ ଥର ପାଇଁ ଆଇସିସି ଚେୟାରମ୍ୟାନ୍ ହୋଇଥିଲେ ଜୟ ଶାହ । ସେତେବେଳେ ସେ ଗ୍ରେଗ୍ ବାର୍କଲେଙ୍କ ସ୍ଥାନ ନେଇଥିଲେ । ପ୍ରଥମ ଥର ଭଳି ଏଥର ମଧ୍ୟ ତାଙ୍କୁ ବିନା ପ୍ରତିଦ୍ୱନ୍ଦ୍ୱିତାରେ ଚୟନ କରାଯାଇଛି ।

  • ଜୟ ଶାହଙ୍କ ନେତୃତ୍ୱ ଉପରେ ବୋର୍ଡର ଭରସା
ଆଇସିସି ପକ୍ଷରୁ କୁହାଯାଇଛି ଯେ, ଜୟ ଶାହଙ୍କ ପୁନଃନିଯୁକ୍ତି ବୋର୍ଡର ତାଙ୍କ ନେତୃତ୍ୱ ଉପରେ ଥିବା ଭରସାକୁ ପ୍ରତିଫଳିତ କରୁଛି । ତାଙ୍କ ନେତୃତ୍ୱରେ କ୍ରିକେଟ୍‌କୁ ବିଶ୍ୱସ୍ତରରେ ଅଧିକ ଲୋକପ୍ରିୟ କରିବା ପାଇଁ ଅନେକ ପଦକ୍ଷେପ ନିଆଯାଇଛି । ବିଶେଷ କରି ମହିଳା କ୍ରିକେଟ୍‌ର ପ୍ରଚାର ଓ ପ୍ରସାର ଉପରେ ଜୟ ଶାହ ଗୁରୁତ୍ୱ ଦେଇଆସିଛନ୍ତି । ଏହାସହ ଅଲିମ୍ପିକ୍ସରେ କ୍ରିକେଟ୍‌ର ପ୍ରତ୍ୟାବର୍ତ୍ତନ ପାଇଁ ମଧ୍ୟ ଆଇସିସି ପକ୍ଷରୁ ଅନେକ ପଦକ୍ଷେପ ନିଆଯାଇଛି ।

  • ପୁନଃନିଯୁକ୍ତି ପରେ କ'ଣ କହିଲେ ଜୟ ଶାହ ?
ଦ୍ୱିତୀୟ ଥର ପାଇଁ ଆଇସିସି ଚେୟାରମ୍ୟାନ୍ ନିଯୁକ୍ତ ହେବା ପରେ ଖୁସି ପ୍ରକାଶ କରିଛନ୍ତି ଜୟ ଶାହ । ସେ କହିଛନ୍ତି, ଲଗାତାର ଦ୍ୱିତୀୟ ଥର ପାଇଁ ଆଇସିସି ବୋର୍ଡ ତାଙ୍କ ଉପରେ ଭରସା ପ୍ରକାଶ କରିଥିବାରୁ ଏହା ତାଙ୍କ ପାଇଁ ଗର୍ବ ଓ ସମ୍ମାନର ବିଷୟ । ସମସ୍ତ ନିର୍ଦ୍ଦେଶକଙ୍କ ସମର୍ଥନ ଓ ବିଶ୍ୱାସ ପାଇଁ ସେ କୃତଜ୍ଞତା ଜଣାଇଛନ୍ତି । ଏହାସହ ଆଇସିସି ଚେୟାରମ୍ୟାନ୍ ଭାବେ କାର୍ଯ୍ୟ କରିବା ଏକ ବଡ଼ ଦାୟିତ୍ୱ ଓ ସମ୍ମାନ ବୋଲି କହିଛନ୍ତି । ବିଶ୍ୱର ସମସ୍ତ କ୍ରିକେଟ୍ ଖେଳୁଥିବା ଦେଶର ହିତ ପାଇଁ ସମସ୍ତ ସଦସ୍ୟଙ୍କ ସହ ମିଶି କାମ କରିବାକୁ ସେ ପ୍ରତିବଦ୍ଧ ବୋଲି କହିଛନ୍ତି ।

ପଢନ୍ତୁ ଏହି ଖବର: 'ପାକିସ୍ତାନୀ ଲଗାଉଥିଲେ ସେହୱାଗ୍ ନାରା'...ପାକିସ୍ତାନ ବିପକ୍ଷରେ ବିଜୟ ପରେ ବାପା ବୀରେନ୍ଦ୍ର ସେହୱାଗଙ୍କୁ ଭିଡିଓ କଲ୍ କଲେ ଆର୍ଯ୍ୟବୀର

  • ୨୦୨୮ ଅଲିମ୍ପିକ୍ସ ଉପରେ ରହିବ ବିଶେଷ ଫୋକସ୍
ଜୟ ଶାହଙ୍କ ଆଗାମୀ କାର୍ଯ୍ୟକାଳରେ ସବୁଠାରୁ ବଡ଼ ଚ୍ୟାଲେଞ୍ଜ ଓ ସୁଯୋଗ ହେଉଛି ୨୦୨୮ ଲସ୍ ଆଞ୍ଜେଲସ୍ ଅଲିମ୍ପିକ୍ସ । ୧୨୮ ବର୍ଷ ପରେ ଅଲିମ୍ପିକ୍ସକୁ ଫେରୁଛି କ୍ରିକେଟ୍ । ଏହାକୁ କ୍ରିକେଟ୍ ଜଗତ ପାଇଁ ଏକ ବଡ଼ ସୁଯୋଗ ବୋଲି କହିଛନ୍ତି ଜୟ ଶାହ । ତାଙ୍କ ମତରେ, ଅଲିମ୍ପିକ୍ସ ମାଧ୍ୟମରେ କ୍ରିକେଟ୍‌କୁ ନୂଆ ପିଢ଼ି ନିକଟରେ ପହଞ୍ଚାଇବା ସହ ବିଶ୍ୱସ୍ତରରେ ଏହାର ଲୋକପ୍ରିୟତା ବଢ଼ାଇବାର ସୁଯୋଗ ମିଳିବ ।

Argus News App

📱 Get Argus News App

✨
📰 60 Word News🎬 Argus Podcast📺 Live TV and Breaking News🔔 Free Notification Alerts
Download Free:
  • ୩୫ ବର୍ଷ ବୟସରେ ହୋଇଥିଲେ ସବୁଠାରୁ ଯୁବ ଆଇସିସି ଚେୟାରମ୍ୟାନ୍
୨୦୨୪ରେ ମାତ୍ର ୩୫ ବର୍ଷ ବୟସରେ ଆଇସିସି ଚେୟାରମ୍ୟାନ୍ ହୋଇ ଇତିହାସ ରଚିଥିଲେ ଜୟ ଶାହ । ସେ ହେଉଛନ୍ତି ଅନ୍ତର୍ଜାତୀୟ କ୍ରିକେଟ୍ ପରିଷଦର ସବୁଠାରୁ କମ୍ ବୟସ୍କ ଚେୟାରମ୍ୟାନ୍ । ଏହା ପୂର୍ବରୁ ୨୦୧୯ରେ ସେ ବିସିସିଆଇର ସବୁଠାରୁ ଯୁବ ସଚିବ ହୋଇଥିଲେ । ଏହାସହ ଏସିଆନ୍ କ୍ରିକେଟ୍ କାଉନସିଲ୍‌ର ଅଧ୍ୟକ୍ଷ ଭାବେ ମଧ୍ୟ ଦାୟିତ୍ୱ ତୁଲାଇଛନ୍ତି । ଏବେ ଦ୍ୱିତୀୟ ଥର ପାଇଁ ଆଇସିସି ମୁଖ୍ୟ ଭାବେ ନିଯୁକ୍ତି ପାଇବା ପରେ ବିଶ୍ୱ କ୍ରିକେଟ୍‌ରେ ତାଙ୍କ ନେତୃତ୍ୱକୁ ନେଇ ଆଶା ବଢ଼ିଛି ।