Argus News - ସ୍ମୃତି ମନ୍ଧାନାଙ୍କ ବିବାହ ସ୍ଥଗିତ ପରେ ଜେମିମା ରୋଡ୍ରିଗ୍ସ ନେଲେ ବଡ଼ ନିଷ୍ପତ୍ତି

ମୁମ୍ବାଇ: ମୈଦାନରେ ତାଙ୍କ ହସ ଶକ୍ତି ଦିଏ, ସେ ସାଥିରେ ଥିଲେ ଅସହାୟତା ବାଟ କାଟି ଚାଲିଯାଏ । ଭାରତୀୟ ମହିଳା ଦଳର ଷ୍ଟାର୍ କ୍ରିକେଟର ଜେମିମା ରୋଡ୍ରିଗ୍ସ । ସେ ଏବେ ଏମିତି ଏକ ନିଷ୍ପତ୍ତି ନେଇଛନ୍ତି, ଯାହା ପୁଣି ଥରେ ତାଙ୍କୁ ଚର୍ଚ୍ଚାକୁ ଆଣିଛି ।

ଜେମିମାଙ୍କ ଏହି ନିଷ୍ପତ୍ତି ପଛରେ- ଜଣେ ଖେଳାଳି ନୁହେଁ ବରଂ ରହିଛି ଏକ ମଣିଷର ସମ୍ବେଦନା । ସାଥି ଖେଳାଳି ସ୍ମୃତି ମନ୍ଧାନାଙ୍କ ପରିବାରର ସଂକଟ ଘଡ଼ିରେ ସାଥ୍ ଦେଇଛନ୍ତି ଜେମିମା । କ୍ରିକେଟକୁ ନେଇ ବଡ଼ ସ୍ଵପ୍ନ ଦେଖିଥିବା ଜେମିମା ବନ୍ଧୁତ୍ଵକୁ ଗୁରୁତ୍ଵ ଦେଇଛନ୍ତି ।

ଏଥିସହ ପଢ଼ନ୍ତୁ: ଶୂନରୁ ଆରମ୍ଭ ୧୦୦ରେ ଶେଷ, ଫର୍ମ ନଥିଲା...ଲଢ଼େଇ କରି ଜିତିଲେ ଜେମିମା ରୋଡ୍ରିଗ୍ସ

ଆଉ ଏହି ବନ୍ଧୁତ୍ଵ ପାଇଁ WBBL (Women's Big Bash League) ଅଧାରୁ ଭାରତ ଆସିଥିବା ଜେମିମା ଏବେ ଅଷ୍ଟ୍ରେଲିଆ ଫେରିବେ ନାହିଁ । ଭାରତରେ ରହି ବନ୍ଧୁତ୍ଵର କର୍ତ୍ତବ୍ୟ ନିଭାଇବକୁ ନିଷ୍ପତ୍ତି ନେଇଛନ୍ତି । ଜେମିମାଙ୍କ ଏହି ନିଷ୍ପତ୍ତି ଦର୍ଶାଉଛି- "କେବେ କେବେ ଖେଳଠୁ ଅଧିକ ଜରୁରି ହୋଇପଡ଼େ ମଣିଷ ପଣିଆ ।"

ଜେମିମା ରୋଡ୍ରିଗ୍ସ ଖେଳୁଥିବା ଦେଳ ବ୍ରିସବେନ୍ ହିଟ୍ ପକ୍ଷରୁ କୁହାଯାଇଛି, "ଭାରତୀୟ ଷ୍ଟାର କ୍ରିକେଟର ଜେମିମା ଏବେ WBBLର ଚଳିତ ସଂସ୍କରଣକୁ ଫେରିବେ ନାହିଁ । ସେ ଭାରତରେ ରହିବା ଲାଗି ଦଳକୁ ଅନୁମତି ମାଗିଥିଲେ । ଯାହାକୁ ସ୍ଵୀକାର କରି ନେଇଛି ଫ୍ରାଞ୍ଚାଇଜ୍ ।" ଆଉ ଏହି ନିଷ୍ପତ୍ତି ତାଙ୍କ ଘନିଷ୍ଠ ତଥା ସାଥି ଖେଳାଳି ସ୍ମୃତି ମନ୍ଧାନାଙ୍କ ବିବାହ ସ୍ଥଗିତ ପରେ ନେଇଛନ୍ତି ଜେମିମା । ଯାହାକୁ ନେଇ ଏବେ ସବୁଠୁ ସେଇ ସୁନା ଝିଅର ଚର୍ଚ୍ଚା ।

ଏଥିସହ ପଢ଼ନ୍ତୁ: ସ୍ମୃତି ମନ୍ଧାନାଙ୍କୁ ଧୋକା ଦେଲେ ପଲାଶ ମୁଚ୍ଛାଲ ? ଭାଇରାଲ ହେଉଛି ସ୍କ୍ରିନ୍‌ସଟ୍‌...

ହୋବାର୍ଟ ହେରିକେନ୍ସ ସହ ମ୍ୟାଚ୍‌ ପରେ ତୁରନ୍ତ ଭାରତ ଫେରିଥିଲେ ଜେମିମା । ସାଥି ଖେଳାଳି ସ୍ମୃତି ମନ୍ଧାନାଙ୍କ ବିବାହରେ ସାମିଲ ହେବାକୁ ଆସିଥିଲେ । କିନ୍ତୁ ବିବାହ ଉତ୍ସବ ସମୟରେ ହଠାତ୍ ମନ୍ଧାନାଙ୍କ ବାପା ଅସୁସ୍ଥ ହୋଇ ପଡ଼ିବାରୁ ବାହାଘର ସ୍ଥଗିତ ହୋଇଥିଲା । ଏହାପରେ ଜେମିମା ଭାରତରେ ରହି ମନ୍ଧାନାଙ୍କ ପରିବାରର ସାଥ୍ ଦେବାକୁ ନିଷ୍ପତ୍ତି ନେଇଛନ୍ତି ।

ଜେମିମାଙ୍କ ନିଷ୍ପତ୍ତିକୁ ନେଇ ତାଙ୍କ ଫ୍ରାଞ୍ଚାଇଜ୍ ବ୍ରିସବେନ୍ ହିଟ୍ କହିଛି, "ଆମେ ଜେମିମାଙ୍କ ନିଷ୍ପତ୍ତିକୁ ସମ୍ମାନ ଜଣାଉଛୁ ଏବଂ ତାଙ୍କର ପ୍ରାଥମିକତା ସାଥି ଖେଳାଳି ।" ବ୍ରିସବେନ୍ ହିଟ୍‌ର CEO ଟେରି କହିଛନ୍ତି, "ଜେମିମାଙ୍କ ପାଇଁ ଏବେର ସମୟ ଆହ୍ଵାନପୂର୍ଣ୍ଣ । ଯଦିଓ ସେ ଆଗକୁ WBBLର ଅଂଶ ହୋଇପାରିବେ ନାହିଁ, ତଥାପି ସେ ଭାରତରେ ରହିବା ନିଷ୍ପତ୍ତିକୁ ଆମେ ସମର୍ଥନ କରୁଛୁ ।"