ଆଇପିଏଲ୍‌ର ଜନକ ଭାବେ ପରିଚିତ ଲଲିତ ମୋଦି ଏବେ ଏମିତି ଏକ ଦାବି କରିଛନ୍ତି, ଯାହା କ୍ରିକେଟ୍ ଓ ଅଣ୍ଡରୱର୍ଲ୍ଡର ସମ୍ପର୍କକୁ ନେଇ ପୁଣିଥରେ ଚର୍ଚ୍ଚା ଆରମ୍ଭ କରିଛି । ଲଳିତ ମୋଦିଙ୍କ କହିବା ଅନୁସାରେ, ଅଣ୍ଡରୱର୍ଲ୍ଡ ଡନ୍ ଦାଉଦ ଇବ୍ରାହିମ କେବଳ ତାଙ୍କୁ ଧମକ ଦେଇନଥିଲା, ବରଂ ତାଙ୍କ ଉପରେ ତିନିଥର ହତ୍ୟା ଉଦ୍ୟମ ମଧ୍ୟ କରାଇଥିଲେ ।

ଶେଷ ହୋଇଛି ଇଣ୍ଡିଆନ୍ ପ୍ରିମିୟର ଲିଗ୍‌ । ମେ' ୩୧ ତାରିଖରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଓ ଗୁଜରାଟ ଟାଇଟନ୍ସ ମଧ୍ୟରେ ଫାଇନାଲ ମ୍ୟାଚ୍‌ ଖେଳାଯାଇଥିଲା । ଏହି ମ୍ୟାଚ୍‌ରେ ଗୁଜରାଟକୁ ହରାଇ RCB ଚାମ୍ପିଅନ୍‌ ହୋଇଥିଲା । ତେବେ ଆଇପିଏଲ ଶେଷ ହେବା ପରେ ଏହି ଲିଗ୍‌ର ପ୍ରତିଷ୍ଠାତା ଲଳିତ ମୋଦି ଏକ ବଡ଼ ଖୁଲାସା କରିଛନ୍ତି ।

ଲଳିତ ମୋଦି ଦାବି କରିଛନ୍ତି ଯେ ଅଣ୍ଡରୱାର୍ଲ୍ଡ ଡନ୍ ଦାଉଦ ଇବ୍ରାହିମ୍ ତାଙ୍କୁ ହତ୍ୟା କରିବାକୁ ଚେଷ୍ଟା କରିଥିଲେ । ସମ୍ବାଦ ସରବରାହ ସଂସ୍ଥା ANI ସହିତ ଆଲୋଚନା କରି ଲଳିତ ମୋଦି କହିଛନ୍ତି, ଘଟଣାଟି ୨୦୧୨ର ଯେତେବେଳେ ଲଣ୍ଡନର ଜଣେ ଫିକ୍ସର ତାଙ୍କ ସହିତ ଯୋଗାଯୋଗ କରିଥିଲେ । ଦିନ ୩:୩୦ଟା ଥିଲା ଯେତେବେଳେ ଏହି ତଥାକକଥିତ ଫିକ୍ସର ଲଳିତ ମୋଦିଙ୍କୁ ତାଙ୍କ ଆପାର୍ଟମେଣ୍ଟରେ "ବାବା" ନାମକ ଜଣେ ମଧ୍ୟସ୍ଥିଙ୍କୁ ଭେଟିବା ପାଇଁ ଚାପ ପକାଇଥିଲେ ।

ଦାଉଦ ଇବ୍ରାହିମ୍ ସହିତ ଟେଲିଫୋନ୍ ବାର୍ତ୍ତାଳାପ

ଲଳିତ ମୋଦିଙ୍କ ଆପାର୍ଟମେଣ୍ଟରେ ପହଞ୍ଚିବା ପରେ ମଧ୍ୟସ୍ଥି ଏକ ସାଟେଲାଇଟ୍ ଫୋନରୁ ଏକ ନମ୍ବର ଡାଏଲ୍ କରିଥିଲେ, ଅନ୍ୟ ପାର୍ଶ୍ୱରେ ଦାଉଦ ଇବ୍ରାହିମ୍ ଥିଲେ । ଫୋନ୍ ସ୍ପିକରରେ ଥିଲା ଏବଂ ଏକ ସ୍ୱର କହିଲା, "ଏବେ ଠୁ ତୁମର କାମ ସରିଗଲା !" ଏବଂ ତା'ପରେ କଲ୍ ବିଚ୍ଛିନ୍ନ ହୋଇଗଲା ।

ଅଧିକ ପଢ଼ନ୍ତୁ: ଭାରତୀୟ ଟିମରେ ବଡ଼ ପରିବର୍ତ୍ତନ …ହଟିଲେ ସୂର୍ଯ୍ୟା, ଶ୍ରେୟସ ଆୟର ହେଲେ ଟି-୨୦ ଟିମର ନୂଆ କ୍ୟାପଟେନ

ପୂର୍ବତନ IPL ପ୍ରତିଷ୍ଠାତା କହିଛନ୍ତି ଯେ ଏହି ଘଟଣା ପରେ ମଧ୍ୟସ୍ଥି ତାଙ୍କୁ ବାରମ୍ବାର ଯୋଗାଯୋଗ କରି ଟଙ୍କା ଦାବି କରିଥିଲେ । ସେ ଦାବି କରିଥିଲେ ଯେ ଅଣ୍ଡରୱାର୍ଲ୍ଡ IPL ନିୟନ୍ତ୍ରଣ କରିବାକୁ ଚାହୁଁଛି । ଦାଉଦ ଇବ୍ରାହିମଙ୍କ ଗ୍ରୁପ୍‌ (ଡି-କମ୍ପାନୀ ସିଣ୍ଡିକେଟ୍) ଦାବି କରିଥିଲା ​​ଯେ ଲଳିତ ମୋଦିଙ୍କ ପ୍ରଶାସନିକ ନିଷ୍ପତ୍ତି ସେମାନଙ୍କୁ ବେଟିଂ ବଜାରରେ ଯଥେଷ୍ଟ କ୍ଷତି ପହଞ୍ଚାଇଥିଲା ।

ଏହା ପରେ ଯେତେବେଳେ ଲଳିତ ମୋଦିଙ୍କୁ ପଚରାଗଲା ଯେ ଦାଉଦ ଇବ୍ରାହିମର ପ୍ରଭାବ ତାଙ୍କୁ କ୍ରିକେଟ ଆଡମିନଷ୍ଟ୍ରେସନ୍‌ ଛାଡିବାକୁ ବାଧ୍ୟ କରିଥିଲା କି ? ମୋଦି ଉତ୍ତର ଦେଇଥିଲେ ଯେ ଏହା ତାଙ୍କ କ୍ରିକେଟ ଛାଡିବାର ଏକ ମୁଖ୍ୟ କାରଣ ଥିଲା ।

ଲଲିତ ମୋଦି ଆହୁରି କହିଥିଲେ ଯେ ୨୦୦୯ ମସିହାରେ ଭାରତରେ ଲୋକସଭା ନିର୍ବାଚନ ଥିବାରୁ ଆଇପିଏଲ୍‌କୁ ଦକ୍ଷିଣ ଆଫ୍ରିକାକୁ ସ୍ଥାନାନ୍ତର କରାଯାଇଥିଲା । ଏହି ନିଷ୍ପତ୍ତି ସଟ୍ଟା ବଜାରରେ ବଡ଼ ପ୍ରଭାବ ପକାଇଥିଲା । ଅଧିକାଂଶ ଲୋକ ଭାବିନଥିଲେ ଯେ ଟୁର୍ଣ୍ଣାମେଣ୍ଟକୁ ଅନ୍ୟ ଦେଶକୁ ନିଆଯିବ, ତେଣୁ ସେମାନେ ବହୁତ ଟଙ୍କା ବାଜି ଲଗାଇଥିଲେ । କିନ୍ତୁ ହଠାତ୍ ଆଇପିଏଲ ଦକ୍ଷିଣ ଆଫ୍ରିକାକୁ ସ୍ଥାନାନ୍ତର ହେବା ପରେ ବୁକିମାନଙ୍କୁ ପ୍ରବଳ କ୍ଷତି ସହିବାକୁ ପଡ଼ିଥିଲା । ତେଣୁ ଡି-କମ୍ପାନୀ ସେହି କ୍ଷତିର ଟଙ୍କା ତାଙ୍କଠାରୁ ଆଦାୟ କରିବାକୁ ଚାହୁଁଥିଲା ।

ଜୀବନ ନେବାକୁ ତିନୋଟି ଆକ୍ରମଣ

ଲଲିତ ମୋଦିଙ୍କ ଅନୁସାରେ, ଯେତେବେଳେ ସେ ମାଫିଆଙ୍କ ପକ୍ଷରୁ ମିଳିଥିବା କୋଟି କୋଟି ଟଙ୍କାର ପ୍ରସ୍ତାବକୁ ପ୍ରତ୍ୟାଖ୍ୟାନ କରିଥିଲେ, ସେତେବେଳେ ଦାଉଦ ଇବ୍ରାହିମ ତାଙ୍କ ଉପରେ ତିନୋଟି ହତ୍ୟା ଉଦ୍ୟମ କରିଥିଲେ । ଏପରିକି ତାଙ୍କ ପୁଅଙ୍କୁ ଅପହରଣ ମଧ୍ୟ କରାଯାଇଥିଲା, ଯାହାକୁ ‘ବାବା ଆଭିନ୍’ ନାମକ ଜଣେ ବ୍ୟକ୍ତି କରିଥିବା ସେ ଅଭିଯୋଗ କରିଛନ୍ତି ।