ଆଇପିଏଲ ୨୦୨୬ର ପ୍ରଥମ ଦୁଇ ସପ୍ତାହ ଏମଏସ ଧୋନି ଖେଳିବେ ନାହିଁ ବୋଲି ସିଏସକେ କହିଥିଲା । ଏବେ ଚେନ୍ନାଇ ସୁପରକିଙ୍ଗସ ନିଜେ ଫ୍ୟାନ୍ସଙ୍କୁ ଖୁସି ଖବର ଦେଇଥିବା ମନେ ହେଉଛି । ନିକଟରେ ସିଏସକେ ନିଜ ସୋସିଆଲ ମିଡିଆ ହ୍ୟାଣ୍ଡେଲରେ ଧୋନିଙ୍କ ଏକ ନୂଆ ଭିଡିଓ ସେୟାର କରିଛି, ଯାହାକୁ ଦେଖି ଲାଗୁଛି ଧୋନି ସମୟ ପୂର୍ବରୁ ଶୀଘ୍ର ପଡ଼ିଆରେ ନଜର ଆସିପାରନ୍ତି । ଏହି ଭିଡିଓ ଦେଖି ଧୋନିଙ୍କ ଫ୍ୟାନ୍ସଙ୍କ ମନରେ ବେଶ ଖୁସି ଦେଖିବାକୁ ମିଳିଛି ।

ଭାରତର ଏହି ଲୋକପ୍ରିୟ ଟୁର୍ଣ୍ଣାମେଣ୍ଟ ଆରମ୍ଭ ହେବା ପୂର୍ବରୁ, ସିଏସକେ କହିଥିଲା ଯେ କାଫ୍ ଷ୍ଟ୍ରେନ ଯୋଗୁଁ ଧୋନି ପ୍ରଥମ ଦୁଇ ସପ୍ତାହ ଖେଳିପାରିବେ ନାହିଁ । ତେବେ ଦଳ ସୋସିଆଲ ମିଡିଆ ପୋଷ୍ଟରେ ଦେଖିବାକୁ ମିଳିଛି ଯେ ଧୋନି ନିଜ କିଟ୍ ବ୍ୟାଗ୍ ଧରି ନେଟ୍ସରେ ନଜର ଆସିଛନ୍ତି । ଏଥିରୁ ଫ୍ୟାନ ଆଶା କରୁଛନ୍ତି ଯେ ଧୋନି ଖୁବଶୀଘ୍ର ମୈଦାନକୁ ଓହ୍ଲାଇପାରନ୍ତି । ଯଦି ଆପଣ ନିରିଖେଇ ଭିଡିଓ ଦେଖିବେ ତେବେ ଧୋନିଙ୍କ ଗୋଡ଼ରେ ଏବେ ବି ସାମାନ୍ୟ ପୀଡ଼ା ରହିଛି, କାରଣ କାଫ୍ ଷ୍ଟ୍ରେନ ଠିକ୍ ହେବା ପାଇଁ ସମୟ ଲାଗିଥାଏ ।

Kodiyil Oruvan! 🦁💛#WhistlePodu #Yellove pic.twitter.com/SuztJYGNzr

— Chennai Super Kings (@ChennaiIPL) April 1, 2026

ଭିଡିଓ କହୁଛି ଅନେକ କଥା
ଭିଡିଓରେ ଦେଖିବାକୁ ମିଳିଛି ଯେ ଧୋନି ନିଜ ସାଥୀ ଖେଳାଳିଙ୍କ ସହିତ ପଡ଼ିଆରେ ବୁଲୁଛନ୍ତି । ଏହି ଭିଡିଓ ପୋଷ୍ଟ କରି ସିଏସକେ ଲେଖିଛି, "କୋଟିଏରୁ ଗୋଟିଏ "। ଧୋନିଙ୍କୁ ପଡ଼ିଆରେ ଦେଖିବା ଲାଗି ଫ୍ୟାନ୍ସ ଚାହିଁ ବସିଛନ୍ତି । ଧୋନି ଏପରି ଏକମାତ୍ର ଖେଳାଳି ଯିଏକି ଲଗାତାର ୧୯ତମ ଆଇପିଏଲ ସିଜିନ ଖେଳୁଛନ୍ତି । ଧୋନିଙ୍କୁ ଏବେ ବୟସ ୪୪ ଥିବାବେଳେ ତାଙ୍କୁ ପଡ଼ିଆରେ ଦେଖିବା ଲାଗି ଫ୍ୟାନ୍ସ ବେଶ ଉତ୍ସାହିତ । ଏଥର ବି ସେ ନିଜ ପ୍ରଶଂସକଙ୍କ ଲାଗି ପଡ଼ିଆରେ ନଜର ଆସିବାକୁ ଯାଉଛନ୍ତି ।

ପଢନ୍ତୁ ଏହି ଖବର: ୨୦୧୧ ବିଶ୍ୱକପ୍ ଫାଇନାଲ୍‌ରେ କାହିଁକି ହୋଇଥିଲା ୨ ଥର ଟସ୍ ? ଜାଣନ୍ତୁ ପ୍ରକୃତ ସତ

ସୂଚନା ଥାଉ କି, ଚେନ୍ନାଇ ସୁପର କିଙ୍ଗସ ଟୁର୍ଣ୍ଣାମେଣ୍ଟରେ ନିଜର ପ୍ରଥମ ମ୍ୟାଚ୍ ରାଜସ୍ଥାନ ରୟାଲ୍ସଠାରୁ ହାରିଥିଲା । ଏବେ ଦଳ ନିଜର ହୋମଗ୍ରାଉଣ୍ଡରେ ପ୍ରଥମ ମ୍ୟାଚ୍ ଖେଳିବାକୁ ଯାଉଛି । ଷ୍ଟାର ସ୍ପୋର୍ଟ୍ସର ଏକ ଭିଡିଓରେ ଦେଖିବାକୁ ମିଳିଛି ଯେ ଧୋନି ନେଟ୍ସରେ କମ ବେଗରେ ଆସୁଥିବା ବଲ୍ କୁ ଖେଳୁଛନ୍ତି । ସେ ନିଜ ଗୋଡ଼ ବେଶି ଚଳପ୍ରଚଳ କରୁନାହାନ୍ତି । ତେବେ ଏପ୍ରିଲ ୩ ତାରିଖ ପର୍ଯ୍ୟନ୍ତ ହେବାକୁ ଥିବା ମ୍ୟାଚରେ ସେ ନଜର ଆସିବେ ନାହିଁ ।