ଆର୍ୟାଲାଣ୍ଡ ବିପକ୍ଷରେ ୨-୦ରେ ସିରିଜ୍‌ ହାରିବା ପରେ ଏବେ ଇଂଲଣ୍ଡ ଗସ୍ତରେ ଟିମ୍ ଇଣ୍ଡିଆ । ଭାରତ ଇଂଲଣ୍ଡ ବିପକ୍ଷରେ ପାଞ୍ଚ ମ୍ୟାଚ୍ ବିଶିଷ୍ଟ ଟି-୨୦ ଏବଂ ତିନି ମ୍ୟାଚ୍ ବିଶିଷ୍ଟ ଦିନିକିଆ ସିରିଜ୍‌ ଖେଳିବ । ତେବେ ଏହି ଗସ୍ତ ଆରମ୍ଭ ହେବା ପୂର୍ବରୁ ଟିମ୍ ଇଣ୍ଡିଆର ସମସ୍ୟା ବଢ଼ିବା ପରି ମନେ ହେଉଛି । ଆଘାତ କାରଣରୁ ଦଳର ଷ୍ଟାର ଅଲରାଉଣ୍ଡର ନୀତିଶ କୁମାର ରେଡ୍ଡୀ ଇଂଲଣ୍ଡ ବିପକ୍ଷ ଟି-୨୦ ସିରିଜ୍‌ରୁ ବାଦ୍‌ ପଡ଼ିଛନ୍ତି । ଆଉ ଏବେ ସେ ମଧ୍ୟ ଦିନିକିଆ ସିରିଜ୍‌ରୁ ବାଦ୍‌ ପଡ଼ିପାରନ୍ତି ବୋଲି ଚର୍ଚ୍ଚା ହେଉଛି । କାହିଁକି ଦିନିକିଆ ସିରିଜ୍‌ ଆରମ୍ଭ ତାରିଖ ପାଖେଇ ଆସିଛି, କିନ୍ତୁ ନୀତିଶ ଏପର୍ଯ୍ୟନ୍ତ ସମ୍ପୂର୍ଣ୍ଣ ମ୍ୟାଚ୍ ଫିଟ୍ ନୁହଁନ୍ତି । ଯଦି ତାଙ୍କୁ ODI ସିରିଜରୁ ମଧ୍ୟ ବାହାର କରାଯାଏ, ତେବେ ଏହା ଟିମ୍ ଇଣ୍ଡିଆ ପାଇଁ ଏକ ବଡ଼ ଝଟକା ହେବ ।

ଡାକ୍ତରୀ ଦଳ ବିଶ୍ରାମ ପାଇଁ ପରାମର୍ଶ ଦେଲେ

ଜାତୀୟ ଗଣମାଧ୍ୟମର ରିପୋର୍ଟ ଅନୁଯାୟୀ, ବିସିସିଆଇ ଡାକ୍ତରୀ ଦଳ ନୀତିଶ କୁମାର ରେଡ୍ଡୀଙ୍କୁ ତାଙ୍କର ବିଶ୍ରାମ ଅବଧି ବୃଦ୍ଧି କରିବାକୁ ପରାମର୍ଶ ଦେଇଛନ୍ତି । ସେ ଏପର୍ଯ୍ୟନ୍ତ ତାଙ୍କର ପୁନର୍ବାସ ପ୍ରକ୍ରିୟା ଆରମ୍ଭ କରିନାହାଁନ୍ତି । ସେ ଚେନ୍ନାଇରେ ଆଫଗାନିସ୍ତାନ ବିପକ୍ଷ ODI ସିରିଜର ଶେଷ ମ୍ୟାଚ୍ ଖେଳୁଥିବା ବେଳେ ଆହତ ହୋଇଥିଲେ । ଟିମ୍ ଇଣ୍ଡିଆର ମ୍ୟାନେଜମେଣ୍ଟ ତାଙ୍କ ଉପରେ କଡ଼ା ନଜର ରଖିଛି ଏବଂ ସେ ଆସନ୍ତା ମାସରେ ଦଳରେ ଯୋଗଦେବେ ବୋଲି ଆଶା କରାଯାଉଛି । ଏହି କାରଣରୁ, ସେ ଇଂଲଣ୍ଡ ବିପକ୍ଷ ଦିନିକିଆ ସିରିଜ୍‌ରୁ ବାଦ୍ ପଡ଼ିପାରନ୍ତି ଏବଂ ଜିମ୍ବାଓ୍ବେ ବିପକ୍ଷ ଟି-୨୦ ସିରିଜ୍‌ରେ ଦଳକୁ ଫେରିପାରନ୍ତି ।

ଅଧିକ ପଢ଼ନ୍ତୁ: ଏସିଆନ୍‌ ଗେମ୍ସ ପାଇଁ ଘୋଷଣା ହେଲା ଟିମ୍ ଇଣ୍ଡିଆ, ବାଦ୍‌ ପଡ଼ିଲେ ଏହି ଷ୍ଟାର ଖେଳାଳି

ଇଂଲଣ୍ଡ ବିପକ୍ଷରେ ଜୁଲାଇ ୧ରୁ ଟି-୨୦ ସିରିଜ୍‌ ଆରମ୍ଭ ହେବ । ଇଂଲଣ୍ଡ ବିପକ୍ଷରେ ପାଞ୍ଚଟି ଟି-୨୦ ମ୍ୟାଚ୍‌ ଖେଳିବ ଭାରତ । ଏହାପରେ ପରେ ଜୁଲାଇ ୧୪ରୁ ଦିନିକିଆ ସିରିଜ୍‌ ଆରମ୍ଭ ହେବ । ପ୍ରଥମ ମ୍ୟାଚ୍‌ ଜୁଲାଇ ୧୪, ଦ୍ବିତୀୟ ଦିନିକିଆ ମ୍ୟାଚ୍‌ ଜୁଲାଇ ୧୬ ଓ ତୃତୀୟ ଦିନିକିଆ ଜୁଲାଇ ୧୯ରେ ଖେଳାଯିବ ।

ଦିନିକିଆ ସିରିଜ୍‌ ପାଇଁ ଭାରତୀୟ ଦଳ:

ଶୁବମନ ଗିଲ୍ (ଅଧିନାୟକ), ରୋହିତ ଶର୍ମା, ବିରାଟ କୋହଲି, ଶ୍ରେୟସ ଆୟର (ଉପ-ଅଧିନାୟକ), କେଏଲ୍ ରାହୁଲ (ୱିକେଟକିପର), ଇଶାନ କିଶାନ (ୱିକେଟକିପର), ୱାଶିଂଟନ୍ ସୁନ୍ଦର, ଅକ୍ଷର ପଟେଲ, ନୀତିଶ କୁମାର ରେଡ୍ଡୀ, କୁଲଦୀପ ଯାଦବ, ଜସପ୍ରିତ ବୁମରାହ, ପ୍ରସିଦ୍ଧ କ୍ରିଷ୍ଣା, ହର୍ଷିତ ରାଣା, ଅର୍ଶଦୀପ ସିଂହ, ଗୁରନୁର ବ୍ରାର