ଇଣ୍ଡିଆନ୍ ପ୍ରିମିୟର ଲିଗ୍‌ରେ ସର୍ବାଧିକ ରନ୍‌ ପିଛା କରି ନୂଆ ଇତିହାସ ରଚିଛି ପଞ୍ଜାବ କିଙ୍ଗ୍ସ । ପଞ୍ଜାବ ଦିଲ୍ଲୀ କ୍ୟାପିଟାଲ୍ସକୁ ୬ ୱିକେଟରେ ପରାସ୍ତ କରିଛି । ଅରୁଣ ଜେଟଲି ଷ୍ଟାଡିୟମରେ ଖେଳାଯାଇଥିବା ଏହି ମ୍ୟାଚରେ ପ୍ରଥମେ ବ୍ୟାଟିଂ କରି ଦିଲ୍ଲୀ ୨୬୪ ରନ୍ କରିଥିଲା, ଯାହା ଆଇପିଏଲରେ ସେମାନଙ୍କର ସର୍ବାଧିକ ସ୍କୋର । ତେବେ ଏହାର ଜବାବରେ, ପଞ୍ଜାବ ୧୯ତମ ଓଭରରେ ଏହି ଐତିହାସିକ ଲକ୍ଷ୍ୟ ହାସଲ କରିଥିଲା ।

You set the target. We set the rules. 💥 pic.twitter.com/sctypOmMSO

— Punjab Kings (@PunjabKingsIPL) April 25, 2026

ଶନିବାର ଦିନ ଦିଲ୍ଲୀ କ୍ୟାପିଟାଲ୍ସ ଏବଂ ପଞ୍ଜାବ କିଙ୍ଗସ ମଧ୍ୟରେ IPL ୨୦୨୬ର ୩୫ତମ ମ୍ୟାଚ୍ ଖେଳାଯାଇଥିଲା । ଏହି ମ୍ୟାଚରେ ପଞ୍ଜାବ କେବଳ IPL ନୁହେଁ ବରଂ T20 ଇତିହାସରେ ସର୍ବାଧିକ ରନ୍ ପିଛା କରି ଇତିହାସ ରଚିଥିଲା । ପ୍ରଥମେ ବ୍ୟାଟିଂ କରି ଦିଲ୍ଲୀ କେଏଲ ରାହୁଲଙ୍କ ଶତକ ଯୋଗୁଁ ୨୬୪ ରନ୍ କରିଥିଲା । କେଏଲ ରାହୁଲ ୬୭ ବଲ୍‌ରେ ଅପରାଜିତ ୧୫୨ ରନ୍ କରିଥିଲେ । ରାହୁଲ ତାଙ୍କ ଇନିଂସରେ ୧୬ ଚୌକା ଏବଂ ୯ ଛକା ମାରିଥିଲେ ।

ଅଧିକ ପଢ଼ନ୍ତୁ: IPLରେ ବଡ଼ ଅଘଟଣ…ଫିଲ୍ଡିଂ ବେଳେ ଦିଲ୍ଲୀ କ୍ୟାପିଟାଲ୍ସର ଲୁଙ୍ଗି ଏନଗିଡିଙ୍କ ମୁଣ୍ଡରେ ଗଭୀର ଆଘାତ

୨୬୫ ରନର ଜବାବରେ, ପଞ୍ଜାବ ଏକ ଚମତ୍କାର ଆରମ୍ଭ କରିଥିଲା । ପ୍ରିୟାଂଶ ଆର୍ଯ୍ୟ ଏବଂ ପ୍ରଭସିମରନ୍ ସିଂହ ବିସ୍ଫୋରକ ବ୍ୟାଟିଂ କରିଥିଲେ । ସପ୍ତମ ଓଭରରେ ପ୍ରିୟାଂଶଙ୍କ ୱିକେଟ୍ ପଡ଼ିବା ପରେ ପଞ୍ଜାବର ସ୍କୋର ୧୨୬ ରନ୍ ଥିଲା । ପ୍ରିୟାଂଶ ୧୭ ବଲରେ ୪୩ ରନ୍ କରିଥିଲେ । ତଥାପି, ପ୍ରଭସିମରନ୍ ସିଂହଙ୍କ ବିସ୍ଫୋରକ ବ୍ୟାଟିଂ ଜାରି ରହିଥିଲା । ପରେ ପ୍ରଭସିମରନ ସିଂହ ଅଷ୍ଟମ ଓଭରରେ ତାଙ୍କ ୱିକେଟ ହରାଇଲେ । ସେ ୨୬ ବଲ୍‌ରେ ୭୬ ରନ୍ କରିଥିଲେ, ତାଙ୍କ ଇନିଂସରେ ୯ ଚୌକା ଏବଂ ୫ ଛକା ମାରିଥିଲେ ।

ନେହଲ ୱାଧେରା ଏବଂ ଶ୍ରେୟାସ ଆୟରଙ୍କ ମଧ୍ୟରେ ୫୬ ରନ୍‌ ଦୃଢ଼ ପାର୍ଟନରସିପ୍‌ ହୋଇଥିଲା । କିନ୍ତୁ ନେହଲ ୧୫ତମ ଓଭରରେ ତାଙ୍କ ୱିକେଟ ହରାଇଥିଲେ । ସେ ୧୫ ବଲ୍‌ରେ ୨୫ ରନ୍ କରିଥିଲେ । ତା’ପରେ ଶ୍ରେୟାସ ଆୟର ଦାୟିତ୍ୱ ନେଇଥିଲେ ଏବଂ ୩୬ ବଲ୍‌ରେ ଅପରାଜିତ ୭୧ ରନ୍ କରିଥିଲେ । ଆୟର ତାଙ୍କ ଇନିଂସରେ ୭ ଛକା ଏବଂ ୩ ଚୌକା ମାରିଥିଲେ । ପଞ୍ଜାବ ୭ ବଲ୍‌ ପୂର୍ବରୁ ମ୍ୟାଚ୍ ଜିତିଥିଲା । ପଞ୍ଜାବ ଟୁର୍ଣ୍ଣାମେଣ୍ଟରେ ଅପରାଜିତ ରହିଛି ଏବଂ ପଏଣ୍ଟ ଟେବୁଲ୍‌ରେ ଶୀର୍ଷରେ ରହିଛି ।
ଟି-୨୦ କ୍ରିକେଟ୍‌ରେ ସର୍ବାଧିକ ସଫଳ ରନ୍ ଚେଜର ରେକର୍ଡ ପଞ୍ଜାବ ପାଖରେ ରହିଛି । ପୂର୍ବରୁ, ପଞ୍ଜାବ କିଙ୍ଗ୍ସ ୨୦୨୪ରେ ମୋଟ ୨୬୨ ରନ୍ ପିଛା କରିଥିଲା । ଏହି ବିଜୟ ସହିତ ପଞ୍ଜାବର ଏବେ ସାତ ମ୍ୟାଚ୍‌ରୁ ୧୩ ପଏଣ୍ଟ ହୋଇଛି ।