ଶେଷ ହୋଇଛି ଇଣ୍ଡିଆନ୍‌ ପ୍ରିମିୟର ଲିଗ୍‌ ୨୦୨୬ । ଗତ ମେ' ୩୧ରେ IPL ଫାଇନାଲ ମ୍ୟାଚ୍ ଖେଳାଯାଇଥିଲା । ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଓ ଗୁଜରାଟ ଟାଇଟନ୍ସ ମଧ୍ୟରେ ଏହି ମ୍ୟାଚ୍‌ ଖେଳାଯାଇଥିଲା । ଏହି ମ୍ୟାଚ୍‌ରେ ଗୁଜରାଟକୁ ହରାଇ ବାଙ୍ଗାଲୋର ଲଗାତର ଦ୍ବିତୀୟ ଥର ପାଇଁ ଟ୍ରଫି ନିଜ ନାମରେ କରିଥିଲା । ତେବେ ଏହି ମ୍ୟାଚ୍‌ ପରେ ଏକ ଭିଡିଓ ସୋସିଆଲ ମିଡିଆରେ ବେଶ୍ ଭାଇରାଲ ହୋଇଥିଲା । ଯେଉଁଥିରେ ବୈଭବ ସୂର୍ଯ୍ୟବଂଶୀ ଓ ବିରାଟ କୋହଲି ଆଲୋଚନା କରୁଥିବାର ଦେଖିବାକୁ ମିଳିଥିଲା । ଏବେ RCB କୋହଲି ଏବଂ ବୈଭବଙ୍କ ସାକ୍ଷାତର ଏକ ଭିଡିଓ ସେୟାର କରିଛି । ଯେଉଁଥିରେ ବୈଭବ ଓ ବିରାଟଙ୍କ ମଧ୍ୟରେ କ'ଣ କଥା ହୋଇଥିଲା ତାହା ଶୁଣାଯାଉଛି । ଭିଡିଓର ଶେଷରେ, କୋହଲି ବୈଭବଙ୍କୁ କହିଥିଲେ, "ଏକ୍‌ ବିହାରୀ ସବ୍‌ ପେ ଭାରୀ''।

ଭିଡିଓରେ କୋହଲି ବୈଭବଙ୍କୁ ପରାମର୍ଶ ଦେଇ କହିଛନ୍ତି, "ତୁମେ ଏଠାରୁ ଉପରକୁ ଉଠିବାକୁ ପଡିବ । ଯାହା ହୋଇଛି ତାହା କଠିନ ପରିଶ୍ରମ ଏବଂ ବିଶ୍ୱାସ ଯୋଗୁଁ ହୋଇଛି । କିଏ କ'ଣ କହୁଛି ଏବଂ କିପରି କହୁଛି ତାହା ଶୁଣ ନାହିଁ । କେବଳ ବ୍ୟାଟ୍ ଏବଂ ତୁମ ଉପରେ ଧ୍ୟାନ ଦିଅ । ଏକ୍‌ ବିହାରୀ ସବ୍‌ ପେ ଭାରୀ' ।

𝗧𝗵𝗲 𝗺𝗮𝗻 𝘄𝗵𝗼 𝗺𝗮𝗱𝗲 𝗜𝗻𝗱𝗶𝗮𝗻 𝗰𝗿𝗶𝗰𝗸𝗲𝘁 𝗳𝗲𝗮𝗿𝗹𝗲𝘀𝘀 🤝 𝘁𝗵𝗲 𝗯𝗼𝘆 𝘄𝗵𝗼 𝗯𝗮𝘁𝘀 𝗳𝗲𝗮𝗿𝗹𝗲𝘀𝘀 🫶💪

The best piece of advice the 15-year old Vaibhav Suryavanshi could get! And who better than Virat Kohli to help fuel his fire in the right direction.… pic.twitter.com/MUqCRBo0la

— Royal Challengers Bengaluru (@RCBTweets) June 3, 2026

ବୈଭବ ସୂର୍ଯ୍ୟବଂଶୀ ଅନେକ ପୁରସ୍କାର ଜିତିଥିଲେ

ବୈଭବ ଆଇପିଏଲ ସିଜିନରେ ସର୍ବାଧିକ ରନ ସ୍କୋରର ଥିଲେ, ତାଙ୍କୁ ଅରେଞ୍ଜ କ୍ୟାପ୍ ପୁରସ୍କାର ମିଳିଥିଲା । ସେ ୧୬ ଇନିଂସରେ ୪୮.୫୦ ହାରାହାରି ଏବଂ ୨୩୭.୩୧ ଷ୍ଟ୍ରାଇକ୍ ରେଟ୍ ସହିତ ୭୭୬ ରନ କରିଥିଲେ, ଯେଉଁଥିରେ ଗୋଟିଏ ଶତକ ଏବଂ ପାଞ୍ଚଟି ଅର୍ଦ୍ଧଶତକ ରହିଥିଲା ।

ବୈଭବ ସିଜିନରେ ୭୨ ଛକା ମାରିଥିଲେ। ସେ ସର୍ବାଧିକ ଛକା ମାରିଥିବା ବ୍ୟାଟ୍ସମ୍ୟାନ ମଧ୍ୟ ଥିଲେ, ତାଙ୍କୁ "ସୁପର ସିକ୍ସର" ପୁରସ୍କାର ମିଳିଥିଲା । ସେ ଗୋଟିଏ ସିଜିନରେ ସର୍ବାଧିକ ଛକା ମାରିଥିବା ବ୍ୟାଟ୍ସମ୍ୟାନ ହୋଇଥିଲେ, ୭୨ ଛକା ସହିତ କ୍ରିସ୍ ଗେଲଙ୍କ ରେକର୍ଡ ଭାଙ୍ଗିଥିଲେ। ଗେଲ୍ ୨୦୧୨ ମସିହାରେ ୫୯ଟି ଛକା ମାରିଥିଲେ ।
ଏହା ସହିତ, ବୈଭବଙ୍କୁ ସୁପର ଷ୍ଟ୍ରାଇକର ପୁରସ୍କାର ମଧ୍ୟ ମିଳିଥିଲା, ଯେଉଁଥିରେ ଏକ ଟାଟା ସିଏରା କାର ମଧ୍ୟ ସାମିଲ ଥିଲା । ସେ ସିଜିନର ଉଦୀୟମାନ ଖେଳାଳି ଏବଂ ସିଜିନର ସବୁଠାରୁ ମୂଲ୍ୟବାନ ଖେଳାଳି ଭଳି ପୁରସ୍କାର ମଧ୍ୟ ପାଇଥିଲେ ।