ଭାରତ ଏବଂ ଆଫଗାନିସ୍ତାନ ମଧ୍ୟରେ ତିନି ମ୍ୟାଚ୍ ବିଶିଷ୍ଟ ଏକ ଦିନିକିଆ ସିରିଜ୍ ଖେଳାଯାଉଛି । ସିରିଜର ପ୍ରଥମ ମ୍ୟାଚ୍ ଜୁନ୍ ୧୩ ତାରିଖରେ ଧର୍ମଶାଳାରେ ଖେଳାଯାଉଛି । ବର୍ଷା କାରଣରୁ ଏହି ମ୍ୟାଚ୍‌ ୨୫ ଓଭରର ବିଶିଷ୍ଟ ଖେଳାଯିବ । ତେବେ ଏହି ବର୍ଷା ପ୍ରଭାବିତ ମ୍ୟାଚ୍‌ରେ ଟସ୍‌ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଛି ଟିମ୍‌ ଇଣ୍ଡିଆ । ପ୍ରଥମ ଦିନିକିଆର ପ୍ଲେଇଂ ଇଲେଭେନ୍‌ରେ ସାମିଲ ହେବା ପରେ ନୂଆ ଇତିହାସ ରଚିଛନ୍ତି ରୋହିତ ଶର୍ମା । ସେ ୩୭ ବର୍ଷର ପୁରୁଣା ରେକର୍ଡ ଭାଙ୍ଗିଛନ୍ତି ।

ରୋହିତ ଶର୍ମା ଭାରତ ପାଇଁ ଦିନିକିଆ ଖେଳିଥିବା ସବୁଠାରୁ ବୟସ୍କ ଖେଳାଳି ହୋଇଛନ୍ତି । ସେ ୩୭ ବର୍ଷର ପୁରୁଣା ରେକର୍ଡ ଭାଙ୍ଗିଛନ୍ତି । ସେ ମୋହିନ୍ଦର ଅମରନାଥଙ୍କ ରେକର୍ଡ ଭାଙ୍ଗିଛନ୍ତି, ଯିଏ ଭାରତ ପାଇଁ ସବୁଠୁ ଅଧିକ ବୟସରେ ଦିନିକିଆ ମ୍ୟାଚ୍‌ ଖେଳିଥିଲେ ।

ଅମରନାଥ ଭାରତ ପାଇଁ ତାଙ୍କର ଶେଷ ଦିନିକିଆ ଖେଳିବା ସମୟରେ ୩୯ ବର୍ଷ ୩୬ ଦିନ ବୟସର ଥିଲେ । ତେବେ ଆଫଗାନିସ୍ତାନ ବିପକ୍ଷରେ ପ୍ରଥମ ଦିନିକିଆ ଖେଳୁଥିବା ରୋହିତ ଶର୍ମାଙ୍କ ବୟସ ୩୯ ବର୍ଷ ୪୪ ଦିନ । ତେଣୁ ସେ ଅମରନାଥଙ୍କ ୩୭ ବର୍ଷ ପୁରୁଣା ରେକର୍ଡ ଭାଙ୍ଗିଛନ୍ତି ।

Presenting #TeamIndia's XI for the 1️⃣st #INDvAFG ODI 📝

Updates ▶️ https://t.co/lCuohEZYAl @IDFCFIRSTBank pic.twitter.com/1tV4kwGpkK

— BCCI (@BCCI) June 13, 2026

ନୋଲାନ୍ କ୍ଲାର୍କ ବିଶ୍ୱର ସବୁଠାରୁ ବୟସ୍କ ଖେଳାଳି ଯିଏ ତାଙ୍କ ଦେଶକୁ ଦିନିକିଆରେ ପ୍ରତିନିଧିତ୍ୱ କରିଛନ୍ତି । ସେ ୪୭ ବର୍ଷ ୨୫୭ ଦିନ ବୟସରେ ଦିନିକିଆରେ ତାଙ୍କ ଦେଶକୁ ପ୍ରତିନିଧିତ୍ୱ କରିଥିଲେ ।

ରୋହିତ ଶର୍ମାଙ୍କୁ ଦିନିକିଆ ସିରିଜ୍ ପୂର୍ବରୁ ଅନଫିଟ୍ ଘୋଷଣା କରାଯାଇଥିଲା । କିନ୍ତୁ ସେ ବେଙ୍ଗାଲୁରୁ ସ୍ଥିତ ସେଣ୍ଟର ଅଫ୍‌ ଏକ୍ସଲେନ୍ସକୁ(CoE) ଯାଇଥିଲେ ଓ ପରେ ଫିଟନେସ୍‌ ପରୀକ୍ଷାରେ ପାସ୍‌ କରି ଟିମ୍ ଇଣ୍ଡିଆରେ ସାମିଲ ହୋଇଥିଲେ ।

ଅଧିକ ପଢ଼ନ୍ତୁ: ଡେଲ୍ ଷ୍ଟେନଙ୍କ ବଡ଼ ଭବିଷ୍ୟବାଣୀ, ସଚିନ୍ ଓ କୋହଲିଙ୍କଠୁ ଅଧିକ ସଫଳତା ପାଇବେ ସୂର୍ଯ୍ୟବଂଶୀ

ରୋହିତ ଶର୍ମାଙ୍କ ନେତୃତ୍ବରେ ଭାରତ ୨୦୨୪ ଟି-୨୦ ବିଶ୍ବକପ୍‌ ଓ ୨୦୨୫ ଚାମ୍ପିଅନ୍ସ ଟ୍ରଫି ଜିତିଥିଲା । ସେ ଟେଷ୍ଟ ଓ ଟି-୨୦ ଫର୍ମାଟରୁ ଅବସର ଘୋଷଣା କରିଛନ୍ତି । ସେ ଭାରତ ପାଇଁ ଏବେ କେବଳ ଦିନିକିଆ ଖେଳୁଛନ୍ତି । ରୋହିତଙ୍କ ଲକ୍ଷ୍ୟ ଏବେ ୨୦୨୭ ଦିନିକିଆ ବିଶ୍ବକପ୍‌ ଉପରେ ରହିଛି ।

ଭାରତର ଚୁଡ଼ାନ୍ତ ଏକାଦଶ: ଶୁବମନ ଗିଲ୍‌(ଅଧିନାୟକ), ରୋହିତ ଶର୍ମା, କେଏଲ ରାହୁଲ, ଶ୍ରେୟସ ଆୟର, ଇଶାନ କିଶାନ, ଓ୍ବାଶିଂଟନ୍ ସୁନ୍ଦର, ନୀତୀଶ କୁମାର ରେଡ୍ଡୀ, ହର୍ଷ ଦୁବେ, ଗୁରନୁର ବ୍ରାର, ଅର୍ଶଦୀପ ସିଂ, ପ୍ରସିଦ୍ଧ କ୍ରିଷ୍ଣା