Whose Wife Is Richest / ରୋହିତ-ବିରାଟ୍-ଧୋନି; କାହା ପତ୍ନୀ ନିକଟରେ ସବୁଠୁ ଅଧିକ ସମ୍ପତ୍ତି ?

ଭାରତୀୟ କ୍ରିକେଟର ଲୋକପ୍ରିୟ ଖେଳାଳି ରୋହିତ ଶର୍ମା, ବିରାଟ କୋହଲି ଓ ଏମଏସ ଧୋନିଙ୍କ ମଧ୍ଯରେ ବେଶ ଭଲ ସମ୍ପର୍କ । ସେମାନଙ୍କ ପତ୍ନୀ ମଧ୍ୟ କେହି କାହାଠୁ କମ ନୁହେଁ । ସମସ୍ତେ ନିଜ ନିଜର କ୍ୟାରିଅର ଓ ବ୍ୟବସାୟ କରୁଛନ୍ତି । ଏହାରି ଭିତରେ ଚର୍ଚ୍ଚା ହୁଏ, ସେମାନଙ୍କର କଣ ବ୍ୟବସାୟ ଓ କାହା ପାଖରେ କେତେ ସମ୍ପତ୍ତି ଅଛି ? ତେବେ ଏହି ୩ କ୍ରିକେଟରଙ୍କ ପତ୍ନୀଙ୍କ ମଧ୍ୟରେ ବିରାଟ କୋହଲିଙ୍କ ପତ୍ନୀ ତଥା ଜଣାଶୁଣା ବଲିଉଡ ଅଭିନେତ୍ରୀ ଅନୁଷ୍କା ଶର୍ମା ସବୁଠୁ ଅଧିକ ଧନୀ ।

• କେତେ ସମ୍ପତ୍ତିର ମାଲିକାଣୀ ଅନୁଷ୍କା ଶର୍ମା ?

ବିରାଟ କୋହଲିଙ୍କ ପତ୍ନୀ ଅନୁଷ୍କା ଶର୍ମା ନିଜର ସ୍ଵତନ୍ତ୍ର ପରିଚୟ ସୃଷ୍ଟି କରିଛନ୍ତି । ବିରାଟଙ୍କୁ ବିବାହ କରିବା ପୂର୍ବରୁ ସେ ବେଶ ଲୋକପ୍ରିୟ ଥିଲେ । ଜଣେ ସାଧାରଣ ପରିବାରରୁ ଆସି ସେ ପ୍ରତିଯୋଗିତାମୂଳକ ଫିଲ୍ମ ଜଗତରେ ଅଭିନେତ୍ରୀ ଭାବେ ସଫଳତା ସାଉଣ୍ଟିଥିଲେ । ଏବେ ଅନୁଷ୍କାଙ୍କ ସମ୍ପତ୍ତିର ମୂଲ୍ୟ ପ୍ରାୟ ୨୫୫ କୋଟି । ତାଙ୍କ ରୋଜଗାରର ପ୍ରମୁଖ ଭାଗ ତାଙ୍କ ସଫଳ ବଲିଉଡ କ୍ୟାରିଅରରୁ ଆସେ । ଏହା ବ୍ୟତୀତ ସେ ବିଜ୍ଞାପନ, ବ୍ୟବସାୟ ମଧ୍ୟ କରନ୍ତି । ଗତ କିଛି ବର୍ଷ ପୂର୍ବରୁ, ବିରାଟ ଓ ଅନୁଷ୍କା ଲଣ୍ଡନରେ ରହୁଛନ୍ତି । ଫିଲ୍ମ ବ୍ୟତୀତ, ଅନେକ ପ୍ରମୁଖ ବ୍ରାଣ୍ଡର ବିଜ୍ଞାପନ କରି ବିପୁଳ ଅର୍ଥ ରୋଜଗାର କରନ୍ତି ଅନୁଷ୍କା । ସେ ଏକ ପ୍ରଡକ୍ସନ କମ୍ପାନୀ କ୍ଲିନ୍ ସ୍ଲେଟ୍ ଫିଲ୍ମଜର ସହ ପ୍ରତିଷ୍ଠାତା ।

• ଧୋନିଙ୍କ ପତ୍ନୀ ସାକ୍ଷୀଙ୍କ ରୋଜଗାରର ମାଧ୍ୟମ କଣ ?

ପୂର୍ବତନ ଭାରତୀୟ ଅଧିନାୟକ ଏମଏସ ଧୋନିଙ୍କ ପତ୍ନୀ ସାକ୍ଷୀ ଧୋନିଙ୍କ ସମ୍ପତ୍ତି ପ୍ରାୟ ₹୪୫-୫୦ କୋଟି । ସେ ଧୋନିଙ୍କ ଚଳଚ୍ଚିତ୍ର ପ୍ରଯୋଜନା କମ୍ପାନୀ 'ଧୋନି ଏଣ୍ଟରଟେନମେଣ୍ଟ ପ୍ରାଇଭେଟ୍ ଲିମିଟେଡ୍' ସହିତ ଜଡିତ , ଯେଉଁଠାରେ ସେ ପରିଚାଳନା ନିର୍ଦ୍ଦେଶକ ଭାବରେ କାର୍ଯ୍ୟ କରନ୍ତି । ଏହାବ୍ୟତୀତ ସାକ୍ଷୀ ରାଞ୍ଚି ସ୍ଥିତ ତାଙ୍କ ବାସଭବନରେ ଏମଏସ ଧୋନି, ଝିଅ ଜିଭା ଧୋନି ଏବଂ ତାଙ୍କ ଶ୍ୱଶୁରଙ୍କ ସହିତ ରୁହନ୍ତି । ସାକ୍ଷୀ ଆତିଥ୍ୟ ଏବଂ କ୍ରୀଡା ପରିଚାଳନା ଭଳି କ୍ଷେତ୍ରରେ ମଧ୍ୟ କାମ କରୁଛନ୍ତି । ତାଙ୍କର ସମ୍ପତ୍ତି ଆକଳନ ଧୋନି ଏଣ୍ଟରଟେନମେଣ୍ଟରେ ତାଙ୍କର ଭୂମିକା ସହିତ ଅନ୍ୟାନ୍ୟ ବ୍ୟବସାୟିକ ମୂଲ୍ୟାଙ୍କନ ଉପରେ ଆଧାରିତ ।

ପଢନ୍ତୁ ଏହି ଖବର: 'କୁଲଦୀପଙ୍କୁ ବାହାର କଲେ ନିରାଶ ହେବି'; ଟେଷ୍ଟ ମ୍ୟାଚ୍‌କୁ ନେଇ ଗମ୍ଭୀରଙ୍କୁ ୱାର୍ଣ୍ଣିଂ ଦେଲେ ପୂର୍ବତନ କ୍ରିକେଟର

• ରୋହିତଙ୍କ ପତ୍ନୀ ରିତିକା କଣ କରନ୍ତି ?

ଯଦି ଆମେ ହିଟମ୍ୟାନ୍ ରୋହିତ ଶର୍ମାଙ୍କ ପତ୍ନୀ ରିତିକା ସଜଦେହଙ୍କ କଥା କହିବା, ତେବେ ସେ ମଧ୍ୟ କର୍ମଜୀବୀ ମହିଳା । ତାଙ୍କର ସମ୍ପତ୍ତିର ମୂଲ୍ୟ ୧୦ରୁ ୧୫ କୋଟି । ରୋହିତଙ୍କୁ ବିବାହ କରିବା ପୂର୍ବରୁ ସେ ଜଣେ ସ୍ପୋର୍ଟ୍ସ ଟ୍ୟାଲେଣ୍ଟ ମ୍ୟାନେଜର ଭାବେ ନିଜର କ୍ୟାରିଅର ଗଢିଥିଲେ । ଏହି ଚାକିରିରେ ସେ ଖେଳାଳିଙ୍କ ସହ କାମ କରନ୍ତି । ସେମାନଙ୍କ ବ୍ରାଣ୍ଡ ପରିଚାଳନା ଓ କର୍ପୋରେଟ୍ ଡିଲ୍ ଆଦି ଗୁଡ଼ିକ ସମ୍ପର୍କରେ ବୁଝାବୁଝି କରନ୍ତି । ରିତିକା ମୁଖ୍ୟତଃ ଜଣେ କ୍ରୀଡା ପରିଚାଳିକା ଭାବେ ରୋଜଗାର କରନ୍ତି । ଏହାବ୍ୟତୀତ ସେ ଅନେକ ବିଜ୍ଞାପନରୁ ମଧ୍ୟ ରୋଜଗାର କରନ୍ତି ।