ଅଧିନାୟକ ଭାବେ ଦାୟିତ୍ୱ ନେବା ପରଠାରୁ ରେକର୍ଡ ପରେ ରେକର୍ଡ ଭାଙ୍ଗୁଛନ୍ତି ଶୁବମନ ଗିଲ୍ । ଇଂଲଣ୍ଡ ବିପକ୍ଷ ପ୍ରଥମ ଦିନିକିଆରେ ୮୦ ରନ୍‌ର ଦମଦାର ଇନିଂସ୍‌ ଖେଳି କେବଳ ଭାରତକୁ ବିଜୟ ଭେଟି ଦେଇନାହାନ୍ତି, ବରଂ ବିରାଟ କୋହଲିଙ୍କ ନାମରେ ଥିବା ଏକ ବଡ଼ ରେକର୍ଡକୁ ମଧ୍ୟ ପଛରେ ପକାଇଛନ୍ତି ଶୁବମନ ।

ଶୁବମନ ଗିଲଙ୍କ ଅଧିନାୟକତ୍ୱରେ ଟିମ୍ ଇଣ୍ଡିଆ ପ୍ରଥମ ଦିନିକିଆରେ ଇଂଲଣ୍ଡର ଗର୍ବକୁ ଭାଙ୍ଗି ବଡ଼ ବିଜୟ ହାସଲ କରିଥିଲା । ଟାର୍ଗେଟର ପିଛା କରି ଅକ୍ସର ପଟେଲ, ଶୁବମନ ଗିଲ୍‌ ଏବଂ ୱାଶିଂଟନ ସୁନ୍ଦର ଚମତ୍କାର ଅର୍ଦ୍ଧଶତକ ହାସଲ କରିଥିଲେ, ଯାହାଫଳରେ ଭାରତ ୬ ୱିକେଟରେ ଜିତିଥିଲା ।

ଅଧିକ ପଢ଼ନ୍ତୁ: ଦ୍ୱିତୀୟ ODIରେ ଖେଳିବେନି ରୋହିତ-କୋହଲି ? ୨୦୨୭ ବିଶ୍ବକପ୍ ପାଇଁ BCCI ର ବଡ଼ ପ୍ଲାନ୍‌

ଭାରତୀୟ ଅଧିନାୟକ ଶୁବମନ ଗିଲ୍‌ ମଧ୍ୟ ଦମଦାର ବ୍ୟାଟିଂ କରିଥିଲେ । ଏହି ଚମତ୍କାର ଇନିଂସ ସହିତ ଗିଲ୍ ବିରାଟ କୋହଲିଙ୍କ ଏକ ବଡ଼ ରେକର୍ଡ ଭାଙ୍ଗିଛନ୍ତି । ଗିଲ୍‌ ଏମିତି କିଛି ରେକର୍ଡ ନିଜ ନାମରେ କରିଛନ୍ତି ଯାହା ପୂର୍ବରୁ ଅନ୍ୟ କୌଣସି ଭାରତୀୟ ଅଧିନାୟକ ହାସଲ କରିନଥିଲେ ।

ଶୁବମନ ଗିଲ୍ ଏହି ମ୍ୟାଚରେ ଏକ ଉଲ୍ଲେଖନୀୟ ପ୍ରଦର୍ଶନ କରିଥିଲେ, ୭୫ ବଲରୁ ସ୍ମରଣୀୟ ୮୦ ରନ୍ କରିଥିଲେ । ଏହି ଇନିଂସ ସହିତ ସେ ଏଜବାଷ୍ଟନ ଗ୍ରାଉଣ୍ଡରେ ୫୧୦ ରନ୍ ସଂଗ୍ରହ କରିଛନ୍ତି । ଇଂଲଣ୍ଡର କୌଣସି ଏକ ଗ୍ରାଉଣ୍ଡରେ ୫୦୦ କିମ୍ବା ତା'ଠାରୁ ଅଧିକ ରନ୍ କରିଥିବା ପ୍ରଥମ ଭାରତୀୟ ଅଧିନାୟକ ହୋଇଛନ୍ତି । ସେ ୨୦୨୫ରେ ଟେଷ୍ଟ ଅଧିନାୟକ ହୋଇଥିଲେ ଏବଂ ଇଂଲଣ୍ଡ ବିପକ୍ଷରେ ରେଡ୍‌ ବଲ୍ କ୍ରିକେଟରେ ଚମତ୍କାର ପ୍ରଦର୍ଶନ କରିଥିଲେ । ସେ ଏପର୍ଯ୍ୟନ୍ତ ଏଜବାଷ୍ଟନରେ କେବଳ ଦୁଇଟି ମ୍ୟାଚ୍ ଖେଳିଛନ୍ତି ଓ ତିନୋଟି ଇନିଂସରେ ୫୧୦ ରନ କରିଛନ୍ତି । ଏହି ଗ୍ରାଉଣ୍ଡରେ ତାଙ୍କର ସର୍ବାଧିକ ସ୍କୋର ୨୬୯ । ଭାରତୀୟ ଅଧିନାୟକ ଭାବରେ ବିରାଟ କୋହଲି ମଧ୍ୟ ଏହି ଗ୍ରାଉଣ୍ଡରେ ୪୬୯ ରନ କରିଛନ୍ତି । ଆଉ ଗିଲ୍ ଏବେ କୋହଲିଙ୍କ ରେକର୍ଡ ଭାଙ୍ଗି ନୂଆ ଇତିହାସ ଲେଖିଛନ୍ତି ।

ସୂଚନା ଅନୁସାରେ, ଲଗାତାର ୬ଟି ମ୍ୟାଚ୍‌ରେ ପରାଜୟ ପରେ ଶେଷରେ ବିଜୟର ସ୍ବାଦ ଚାଖିଛି ଟିମ୍ ଇଣ୍ଡିଆ । ପ୍ରଥମ ଦିନିକିଆରେ ଇଂଲଣ୍ଡକୁ ୬ ଓ୍ବିକେଟ୍‌ରେ ପରାସ୍ତ କରି ସିରିଜ୍‌ରେ ୧-୦ରେ ଆଗୁଆ ରହିଛି ଭାରତ ।