ବିଶାଖାପାଟଣା: ଭାରତୀୟ ଦଳ ICC ମହିଳା କ୍ରିକେଟ୍ ବିଶ୍ଵକପ୍-୨୦୨୫ରେ ତା'ର ଚତୁର୍ଥ ମୁକାବିଲା ରବିବାର ଅଷ୍ଟ୍ରେଲିଆ ବିପକ୍ଷରେ ଖେଳୁଛି । ବିଶାଖାପାଟଣାରେ ଖେଳା ଯାଉଥିବା ଏହି ମ୍ୟାଚ୍‌ରେ ଅଷ୍ଟ୍ରେଲିଆ ଟସ୍ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଥିବା ବେଳେ ଭାରତ ଭଲ ଆରମ୍ଭ କରିଛି ।

ଭାରତ ପକ୍ଷରୁ ସ୍ମୃତି ମନ୍ଧାନା ଓ ପ୍ରତୀକା ରାୱଲ ଧୂଆଁଧର ଓପନିଂ କରିଥିଲେ । ଉଭୟ ଖେଳାଳି ପାୱାର ପ୍ଲେରେ ଭଲ ସଟ୍ସ ମାରିଥିଲେ । କୌଣସି ୱିକେଟ୍ ନ ହରାଇ ପାୱାର ପ୍ଲେରେ ଭାରତ ୫୮ ରନ୍ କରିବାରେ ସକ୍ଷମ ହୋଇଥିଲା । ଆଉ ସ୍ମୃତି ମନ୍ଧାନା ଏକ ବଡ଼ ରେକର୍ଡ କରିଥିଲେ । ବାମ ହାତୀ ବ୍ୟାଟର ସମ୍ମୃତି ଚଳିତବର୍ଷ ମହିଳା ଦିନିକିଆରେ ୧ ହଜାର ରନ୍ ସଂଗ୍ରହ କରିଛନ୍ତି ।

ଏଥିସହ ପଢ଼ନ୍ତୁ: ରାଜସ୍ଥାନ ରୟାଲ୍ସ ଛାଡ଼ିବେ ସଞ୍ଜୁ ! ଏହି ଭାରତୀୟ ଓପନର ହେବେ RR ଅଧିନାୟକ

ମହିଳା କ୍ରିକେଟରେ ପ୍ରଥମ ଖେଳାଳି ଭାବେ ଚଳିତ କ୍ୟାଲେଣ୍ଡର ବର୍ଷରେ ଦିନିକିଆରେ ସ୍ମୃତି ୧ ହଜାର ରନ୍ କରିଛନ୍ତି । ଏହା ପୂର୍ବରୁ କୌଣସି ମହିଳା ଖେଳାଳି ଏଭଳି କରି ନଥିଲେ । ସ୍ମୃତିଙ୍କ ବହୁ ପୂର୍ବରୁ ଅଷ୍ଟ୍ରେଲିଆ ଦଳର ପୂର୍ବତନ ଅଧିନାୟକ ବେଲିଣ୍ଡା କ୍ଲାର୍କ ୧୯୯୭ରେ ଦିନିକିଆରେ ୯୭୦ ରନ୍ କରିଥିଲେ ।

Smriti Mandhana in full flow 🚀

She becomes the first women's cricketer to cross 1️⃣0️⃣0️⃣0️⃣ ODI runs in a calendar year 👏

Watch #INDvAUS LIVE in your region, #CWC25 broadcast details here ➡️ https://t.co/7wsR28PFHI pic.twitter.com/ix0BCVi6p1

— ICC (@ICC) October 12, 2025

ଅଷ୍ଟ୍ରେଲିଆ ବିପକ୍ଷ ମ୍ୟାଚରେ ସ୍ମୃତି ଓ ପ୍ରତୀକା ମହିଳା ଦିନିକିଆରେ ୧୪ଥର ପାଇଁ ପାର୍ଟନରସିପ୍‌ରେ ୫୦ରୁ ଅଧିକ ରନ୍ ସ୍କୋର୍ କରିଛନ୍ତି । ଏଥିସହ ଦୁହେଁ ପାର୍ଟନରସିପ୍‌ରେ ସବୁଠୁ ଅଧିକ ଅର୍ଦ୍ଧଶତକ ମାମଲାରେ ଦ୍ଵିତୀୟ ସ୍ଥାନକୁ ଆସିଛନ୍ତି । ପୂର୍ବରୁ ପାର୍ଟନରସିପ୍‌ରେ ୧୩ଟି ଅର୍ଦ୍ଧଶତକ ସହ ଅଞ୍ଜୁମ ଚୋପ୍ରା ଓ ମିତାଲୀ ରାଜ ଦ୍ଵିତୀୟ ସ୍ଥାନରେ ରହିଥିଲେ ।

ଏଥିସହ ପଢ଼ନ୍ତୁ: କ୍ରିକେଟରେ ବଡ଼ ଓଲଟପାଲଟ, ଦକ୍ଷିଣ ଆଫ୍ରିକାକୁ ହରାଇ ଇତିହାସ ରଚିଲା ନାମ୍ବିଆ

ମହିଳା ଦିନିକି କ୍ରିକେଟରେ ସ୍ମୃତି ମନ୍ଧାନା ୫ ହଜାର ରନ୍ ସଂଗ୍ରହ କରିଛନ୍ତି । ଏଭଳି କରିବାରେ ସେ ହେଉଛନ୍ତି ଦ୍ଵିତୀୟ ଭାରତୀୟ ଓ ବିଶ୍ଵରେ ପଞ୍ଚମ ଖେଳାଳି । ୧୧୨ଟି ଦିନିକିଆ ମ୍ୟାଚ୍ ଖେଳି ସ୍ମୃତି ମନ୍ଧାନା ଏହି ସଫଳତା ହାସଲ କରିଛନ୍ତି । ଏଥିସହ ସ୍ମୃତି ମହିଳା ଦିନିକିଆରେ ସବୁଠୁ କମ୍ ମ୍ୟାଚ୍ ଖେଳି କମ୍ ବଲ୍‌ରେ ୫ ହଜାର ରନ୍ ସ୍କୋର୍ କରିଛନ୍ତି ।