ନୂଆଦିଲ୍ଲୀ: ସ୍ମୃତି ମନ୍ଧାନାଙ୍କ ସହ ହେବ ତ ପଲାଶ ମୁଚ୍ଛଲଙ୍କ ବିବାହ ? ଏବେ ସ୍ମୃତିଙ୍କ ପ୍ରଶଂସକ ମନରେ ଏହି ପ୍ରଶ୍ନ । ନଭେମ୍ବର ୨୩ରେ ପଲାଶଙ୍କ ସହ ହେବାର ଥିଲା ସ୍ମୃତିଙ୍କ ବିବାହ । ହେଲେ ସ୍ମୃତି ମନ୍ଧାନାଙ୍କ ବାପା ଅସୁସ୍ଥ ହେବାରୁ ବିବାହ ଅଟକି ଯାଇଥିଲା ।

ବିବାହ ସ୍ଥଗିତର ଦିନକ ପରେ ପଲାଶ ମୁଚ୍ଛଲ ମଧ୍ୟ ଅସୁସ୍ଥ ହୋଇ ପଡ଼ିଥିଲେ । ତାଙ୍କୁ ମେଡିକାଲ୍‌ରେ ଭର୍ତ୍ତି କରାଯାଇଥିଲା । ଏବେ ସ୍ମୃତି ମନ୍ଧାନାଙ୍କ ବାପା ଏବଂ ପଲାଶ ସୁସ୍ଥ ହୋଇ ଘରକୁ ଫେରିଛନ୍ତି । ହେଲେ ଉଭୟଙ୍କ ବିବାହ ନେଇ ନୂଆ ତାରିଖ ଦୁହିଁଙ୍କ ପରିବାର ମଧ୍ୟରୁ କେହି ବି ଘୋଷଣା କରି ନାହାନ୍ତି ।

ଏଥିସହ ପଢ଼ନ୍ତୁ: ବିମାନ ବାତିଲ୍ ପାଇଁ... ନିଜ ରିସେପସନ୍‌ରେ ଅନଲାଇନ୍‌ରେ ସାମିଲ୍ ହେଲେ ବର, କନ୍ୟା

ବିବାହ ସ୍ଥଗିତ ପର ଠାରୁ ସ୍ମୃତି ମହିଳା ବିଶ୍ଵ କପ୍‌ ବିଜୟୀ ଟିମ୍‌ର ବିଜେତା ସ୍ମୃତି ମନ୍ଧାନା ସୋସିଆଲ୍ ମିଡିଆରେ କୌଣସି ପୋଷ୍ଟ କରିନଥିଲେ । ଆଉ ଆଜି ସ୍ମୃତି ମନ୍ଧାନା ଏକ ପେଡ୍ ପାର୍ଟନରସିପ୍ ଭିଡିଓ ପୋଷ୍ଟ କରିଥିବା ବେଳେ ପ୍ରଶଂସକଙ୍କ ନଜରକୁ ଆସିଛି ଅନେକ କିଛି ।

View this post on Instagram

A post shared by Smriti Mandhana (@smriti_mandhana)

ସ୍ମୃତି ମନ୍ଧାନାଙ୍କ ପ୍ରଶଂସକ ନୋଟିସ୍ କରିଛନ୍ତି ତାଙ୍କ ହାତରେ ନାହିଁ ନିର୍ବନ୍ଧ ମୁଦି । ତେବେ ଭିଡିଓଟି ନିର୍ବନ୍ଧ ପୂର୍ବରୁ ନା ପରେ ସୁଟ୍ କରାଯାଇଛି ତାହା ଜଣାପଡ଼ିନାହିଁ । ତଥାପି ସ୍ମୃତି ମନ୍ଧାନାଙ୍କ ହାତ ଅଙ୍ଗୁଳିରେ ନିର୍ବନ୍ଧ ମୁଦି ନଥିବାରୁ ସୋସିଆଲ୍ ମିଡିଆରେ ଚର୍ଚ୍ଚା ଜୋର୍ ଧରିଛି ।

The smile is back🧿🥹❤️ (and the ring is gone) thankyou for this, that’s why Colgate>>>
pic.twitter.com/7hnXWV9HUm

— Siya (@siyaagrawal18) December 5, 2025

ଜଣେ ଇନଷ୍ଟା ୟୁଜର୍ ଲେଖିଛନ୍ତି, "ଲାଗୁଛି ସ୍ମୃତି ମନ୍ଧାନା ଦୁଃଖିତ ଅଛନ୍ତି । ଯଦିଓ ସେ ହସୁଛନ୍ତି କିନ୍ତୁ ତାଙ୍କ ସ୍ଵର ଓ ଆଖିରୁ ସ୍ପଷ୍ଟ ବାରି ହୋଇ ପଡ଼ିଛି ସେ ଭାଙ୍ଗି ପଡ଼ିଛନ୍ତି । ସେ ନିର୍ବନ୍ଧ ମୁଦି ମଧ୍ୟ ପିନ୍ଧି ନାହାନ୍ତି ।"

ଏଥିସହ ପଢ଼ନ୍ତୁ: କାଉଣ୍ଟର ଭିତରେ ପଶିଲେ, ଟିକେଟ୍‌ ବଣ୍ଡଲ ଧରି ଛୁ' ମାରିଲେ

ବିବାହ ସ୍ଥଗିତ ପରେ ସ୍ମୃତି ମନ୍ଧାନା ତାଙ୍କ ସୋସିଆଲ୍ ମିଡିଆ ଆକାଉଣ୍ଟରୁ ବିବାହ ସମ୍ପର୍କିତ ସମସ୍ତ ପୋଷ୍ଟ ହଟାଇ ନେଇଥିଲେ । ଯାହା ସେତେବେଳେ ଚାଲିଥିବା ଚର୍ଚ୍ଚାକୁ ଖୋରାକ୍ ଯୋଗାଇଥିଲା । ଏହାପରେ ଦୁଇ ପରିବାରର ଏକାଧିକ ସଦସ୍ୟ କହିଥିଲେ, ଅସୁସ୍ଥତା ଯୋଗୁଁ ବିବାହ ସ୍ଥଗିତ ରହିଛି । ପଲାଶଙ୍କ ମାଆ କହିଥିଲେ, "ଆଶା କରୁଛୁ ବିବାହ ଖୁବଶୀଘ୍ର ହେବ ।"