Suryakumar Yadav / ବିଶ୍ଵକପ୍ ଜିତାଇଲି, ଏସିଆ କପ୍ ଦେଲି, ତଥାପି ହଟାଇଦେଲେ…

ମୁମ୍ବାଇ: ଭାରତର ଟି-ଟ୍ଵେଣ୍ଟି ଷ୍ଟାର୍ ସୂର୍ଯ୍ୟକୁମାର ଯାଦବ ପ୍ରାୟ ୨ ବର୍ଷ ପର୍ଯ୍ୟନ୍ତ ସଫଳତାର ସହ ଭାରତୀୟ ଦଳର ଅଧିନାୟକ ଦାୟିତ୍ଵ ତୁଲାଇଥିଲେ । ଆଉ ଦୁଇଟି ଦୁଇଟି ଟ୍ରଫି ଭେଟି ଦେବା ପରେ ସୂର୍ଯ୍ୟକୁମାର ଯାଦବଙ୍କୁ ନିରାଶ କରିଥିଲା ବିସିସିଆଇ । ଯାହାକୁ ନେଇ ମୁହଁ ଖୋଲିଛନ୍ତି ସୂର୍ଯ୍ୟକୁମାର ଯାଦବ ।

ସେ କହିଛନ୍ତି, "ମୁଁ ଯେବେ ନିଷ୍ପତ୍ତି ବିଷୟରେ ଜାଣିଲି, ବେଶ୍ ଭାଙ୍ଗି ପଡ଼ିଥିଲି । କିନ୍ତୁ ଚୟନକର୍ତ୍ତା ନିଷ୍ପତ୍ତିକୁ ସମ୍ମାନ ଜଣାଇଥିଲି । ମୋତେ ଦଳ ଘୋଷଣାର ଦୁଇରୁ ତିନିଦିନ ପୂର୍ବରୁ ପରିବର୍ତ୍ତନ ନେଇ ଜଣାଇ ଦିଆଯାଇଥିଲା । ମୁଁ କିନ୍ତୁ ସର୍ବସମ୍ମୁଖରେ କୌଣସି ପ୍ରତିକ୍ରିୟା ଦେଇ ନଥିଲି ।"

ଏଥିସହ ପଢ଼ନ୍ତୁ: ଅନାୟା ବାଙ୍ଗରଙ୍କୁ ମହିଳା କ୍ରିକେଟ୍ ଅନୁମତି…ବିରୋଧ କଲେ ମାରିଜାନ୍ କାପ…ତେଜିଲା ବିବାଦ 

କିନ୍ତୁ ଚୟନକର୍ତ୍ତା ନେଇଥିବା ନିଷ୍ପତ୍ତିକୁ ସହଜରେ ଗ୍ରହଣ କରିପାରି ନଥିଲି । ବିଶେଷକରି ଯେତେବେଳେ ମୁଁ ଭାରତକୁ ଟି-ଟ୍ଵେଣ୍ଟି ବିଶ୍ଵକପ୍ ଏବଂ ଏସିଆ କପ୍ ଭଳି ବଡ଼ ଟୁର୍ଣ୍ଣାମେଣ୍ଟ ଜିତିବାରେ ସହାୟକ ହୋଇଥିଲି ବୋଲି କହିଛନ୍ତି ସୂର୍ଯ୍ୟକୁମାର ଯାଦବ । ସେ କହିଛନ୍ତି ଯେ, "ଭବିଷ୍ୟତର ଆହ୍ଵାନ ଯେମିତି ଅଲିମ୍ପିକ ଏବଂ ଆଉ ଟି-ଟ୍ଵେଣ୍ଟି ବିଶ୍ଵକପ୍‌ରେ ଦଳକୁ ଆଗକୁ ନେଇଯିବା ପାଇ ଆଶା ରଖିଥିଲି ।"

ଆକାଶ ଚୋପ୍ରାଙ୍କ ସହ ସାକ୍ଷାତକାର ଦେଇ ସୂର୍ଯ୍ୟକମାର ଯାଦବ ଦଳରୁ ବାଦ୍ ପଡ଼ିବା ଓ ଅଧିନାୟକତ୍ଵ ଚାଲିଯିବା ନେଇ ମନ ଖୋଲି କହିଛନ୍ତି । ସେ କହିଛନ୍ତି, "ମୁଁ ପ୍ରଥମେ ଚକିତ ଥିଲି, ମୋ ବିନା ଦଳ ଚୟନ ବେଳେ ମୁଁ ହସୁଥିଲି । ଦଳକୁ ପୂରା ୨ ବର୍ଷ ଦେଇଥିଲି... ଭାବିଥିଲି ସେଠାରୁ ଆଗକୁ ଯିବି, ଅଲିମ୍ପିକ ଆସିବ... ପୁଣି ଟି-ଟ୍ଵେଣ୍ଟି ବିଶ୍ଵକପ୍ ।"

ଏଥିସହ ପଢ଼ନ୍ତୁ: ସେପ୍ଟେମ୍ବରରେ ଟିମ୍ ଇଣ୍ଡିଆର ବଡ଼ ଲଢ଼େଇ, ମଇଦାନକୁ ଫେରିବେ ରୋହିତ ଓ ବିରାଟ 

ମୁଁ ଆଗାମୀ ଆହ୍ଵାନକୁ ନେଇ ଭାବୁଥିଲି ଏବଂ ସମ୍ମୁଖ ଲୋକ ଅନ୍ୟ କିଛି ବିଚାର କରୁଥିଲେ । ତାଙ୍କ ବିଚାରକୁ ସମ୍ମାନ ଜଣାଇ ମୋତେ ମୋ ଭାବନା ସହ ଚାଲିବାକୁ ପଡ଼ିବ । ସେମାନଙ୍କ ଭାବନା ଥିଲା ପରିବର୍ତ୍ତନ ଆଗାମୀ କାଲି ପାଇଁ ଭଲ । ସେତେବେଳେ ମୁଁ କୌଣସି ପ୍ରତିକ୍ରିୟା ଦେଇ ନଥିଲି ବୋଲି କହିଛନ୍ତି ସୂର୍ଯ୍ୟକୁମାର ।

ସେ ଆହୁରି କହିଛନ୍ତି, "ମୋତେ ତାହା କାଲି ଥିଲା । ଅନ୍ୟ କାହାରି ନେତୃତ୍ଵରେ ଦଳ ଆହୁରି ଭଲ କରିପାରିବ । ତେଣୁ ମୁଁ ଚିନ୍ତିତ ନଥିଲି । କାରଣ ମୁଁ ଦେଖିଥିଲି ଆୟର ଜଣେ ଭଲ କ୍ରିକେଟର ଏବଂ ତାଙ୍କ ସହ ମୁଁ ଅନେକ କ୍ରିକେଟ୍ ଖେଳିଛି । ମୁଁ ଜାଣିଛି ଅଧିନାୟକତ୍ଵ ପାଇ ସେ ଜଣେ ଭଲ ବିକଳ୍ପ ଅଟନ୍ତି । ତେଣୁ ମୁଁ ଏହି ନିଷ୍ପତ୍ତି ଉପରେ କୌଣସି ଟିପ୍ପଣୀ କରି ନଥିଲି ।"