Richest Pakistani Cricketer / ପାକିସ୍ତାନର ସବୁଠାରୁ ଧନୀ କ୍ରିକେଟର କିଏ ? ବାବର ନାହାନ୍ତି ଶ୍ରେଷ୍ଠ ୫ ଜଣଙ୍କ ଭିତରେ

ଇସଲାମାବାଦ: ଭାରତ ପରି ପଡ଼ୋଶୀ ଦେଶ ପାକିସ୍ତାନରେ ମଧ୍ୟ କ୍ରିକେଟ ପ୍ରତି ବେଶ ରୁଚି ରହିଛି ।  କ୍ରିକେଟ୍ ମଇଦାନରେ ଦମଦାର ପ୍ରଦର୍ଶନ ସହ ନିଜର ଲୋକପ୍ରିୟତା ଓ ସମ୍ପତ୍ତିକୁ ନେଇ ମଧ୍ୟ ଚର୍ଚ୍ଚାରେ ରହିଛନ୍ତି ପାକିସ୍ତାନୀ କ୍ରିକେଟର । ତେବେ ପଡ଼ୋଶୀ ଦେଶ ପାକିସ୍ତାନର ସବୁଠାରୁ ଧନୀ କ୍ରିକେଟର କିଏ ଆପଣ ଜାଣନ୍ତି କି ? ଏହି ତାଲିକାରେ କେଉଁ ଖେଳାଳିଙ୍କ ସ୍ଥାନ କେଉଁଠି ? ଆସନ୍ତୁ ଜାଣିବା ।

• ସବୁଠୁ ଧନୀ କିଏ ?

ପାକିସ୍ତାନର ସବୁଠାରୁ ଧନୀ କ୍ରିକେଟର ଭାବେ ପୂର୍ବତନ ଅଧିନାୟକ ତଥା ପାକିସ୍ତାନ ତେହେରିକ୍-ଏ-ଇନସାଫ୍‌ର ନେତା ଇମ୍ରାନ ଖାନଙ୍କ ନାମ ରହିଛି । ତାଙ୍କର ଆନୁମାନିକ ସମ୍ପତ୍ତି ପ୍ରାୟ ୪୩୩ କୋଟି ଟଙ୍କା ବୋଲି କୁହାଯାଉଛି ।

ଏହି ତାଲିକାର ଦ୍ୱିତୀୟ ସ୍ଥାନରେ ଅଛନ୍ତି ପାକିସ୍ତାନର ଆଉ ଜଣେ ପୂର୍ବତନ ଅଧିନାୟକ ଶାହିଦ ଆଫ୍ରିଦି। ତାଙ୍କର ଆନୁମାନିକ ସମ୍ପତ୍ତି ପ୍ରାୟ ୩୯୦ କୋଟି ଟଙ୍କା । ସେହିପରି ତୃତୀୟ ସ୍ଥାନରେ ଅଛନ୍ତି ଆଝାର ଅଲି । ତାଙ୍କ ସମ୍ପତ୍ତି ପ୍ରାୟ ୧୩୦ କୋଟି ଟଙ୍କା ବୋଲି ଆକଳନ କରାଯାଇଛି । ଚତୁର୍ଥ ସ୍ଥାନରେ ପୂର୍ବତନ କ୍ରିକେଟର ସଇଦ ଅନୱର ଥିବାବେଳେ ତାଙ୍କର ଆନୁମାନିକ ସମ୍ପତ୍ତି ପ୍ରାୟ ୧୦୨ କୋଟି ଟଙ୍କା । ଅନ୍ୟପଟେ ପାକିସ୍ତାନର ପୂର୍ବତନ ଅଧିନାୟକ ମିସବା-ଉଲ-ହକ୍ ପ୍ରାୟ ୮୧ କୋଟି ଟଙ୍କାର ସମ୍ପତ୍ତି ସହ ପଞ୍ଚମ ସ୍ଥାନରେ ରହିଛନ୍ତି ।

ପଢନ୍ତୁ ଏହି ଖବର: ନ୍ୟୁଜିଲାଣ୍ଡ ଗସ୍ତ ପୂର୍ବରୁ ଫ୍ଲପ୍ ହେଲେ ଶୁବମନ ଗିଲ୍, ରଣଜୀରେ ମାତ୍ର ୧ ରନ୍ କରି ଆଉଟ୍

ଏହାବ୍ୟତୀତ ଯୁବ ଓ ବର୍ତ୍ତମାନର ପାକିସ୍ତାନୀ କ୍ରିକେଟରଙ୍କ ମଧ୍ୟରେ ଶାହିନ ଆଫ୍ରିଦି, ମହମ୍ମଦ ରିଜୱାନ ଓ ବାବର ଆଜମଙ୍କ ନାମ ରହିଛି । ତାଲିକାରେ ଫୱାଦ ଆଲମ ଓ ତୈୟବ ତାହିର ମଧ୍ୟ ସ୍ଥାନ ପାଇଛନ୍ତି । ଶାହିନ ଆଫ୍ରିଦିଙ୍କ ସମ୍ପତ୍ତି ୫୫ କୋଟି, ଫୱାଦ ଆଲମଙ୍କ ୫୦ କୋଟି, ବାବର ଆଜମଙ୍କ ୪୧ କୋଟି, ତୈୟବ ତାହିରଙ୍କ ୩୨ କୋଟି ଏବଂ ମହମ୍ମଦ ରିଜୱାନଙ୍କ ୫୦ ରୁ ୬୦ କୋଟି ଟଙ୍କା ମଧ୍ୟରେ ବୋଲି କୁହାଯାଉଛି ।

• ପାକିସ୍ତାନର ଶ୍ରେଷ୍ଠ ୧୦ ଜଣ ଧନୀ ଖେଳାଳି

୪୩୩ କୋଟି - ଇମ୍ରାନ ଖାନ
୩୯୦ କୋଟି - ସହିଦ ଆଫ୍ରିଦି
୧୩୦ କୋଟି - ଅଜହର ଅଲି
୧୦୨ କୋଟି - ସଇଦ ଅନୱାର
୮୧ କୋଟି - ମିସବାହ-ଉଲ-ହକ
୫୫ କୋଟି - ଶାହିନ ଆଫ୍ରିଦି
୫୦ରୁ ୬୦ କୋଟି - ମହମ୍ମଦ ରିଜୱାନ
୫୦ କୋଟି - ଫୱାଦ ଆଲାମ
୪୧ କୋଟି - ବାବର ଆଜମ
୩୨ କୋଟି - ତୟାବ ତାହିର