ବର୍ତ୍ତମାନ ସମୟରେ ଭାରତୀୟ କ୍ରିକେଟ ଜଗତରେ କେବଳ ଗୋଟିଏ ନାଁ ଚର୍ଚ୍ଚାରେ ରହିଛି, ସେ ହେଉଛନ୍ତି ଯୁବ ବିସ୍ଫୋରକ ବ୍ୟାଟ୍ସମ୍ୟାନ୍‌ ବୈଭବ ସୂର୍ଯ୍ୟବଂଶୀ । ଶନିବାର ମାଞ୍ଚେଷ୍ଟରରେ ଇଂଲଣ୍ଡ ବିପକ୍ଷରେ ଦ୍ୱିତୀୟ ଟି-୨୦ ପୂର୍ବରୁ ସମସ୍ତଙ୍କ ମନରେ ପ୍ରଶ୍ନ ହେଉଛି ଯେ ଏହି ଘାତକ ବ୍ୟାଟ୍ସମ୍ୟାନ ଆଜି ତାଙ୍କର ଟିମ୍ ଇଣ୍ଡିଆ ଡେବ୍ୟୁ କ୍ୟାପ୍ ପାଇବେ କି ? ଏହି ବଡ଼ ମ୍ୟାଚ୍‌ ପୂର୍ବରୁ ବୈଭବ ସୂର୍ଯ୍ୟବଂଶୀଙ୍କ ଏକ ସୋସିଆଲ ମିଡିଆ ଷ୍ଟୋରୀ ଡେବ୍ୟୁ ଚର୍ଚ୍ଚାକୁ ଆହୁରି ଖୋରାକ ଯୋଗାଇଛି ।

ବୈଭବ ସୂର୍ଯ୍ୟବଂଶୀ ଇନଷ୍ଟାଗ୍ରାମରେ କ’ଣ ପୋଷ୍ଟ କରିଥିଲେ ?

ଶୁକ୍ରବାର ରାତିରେ, ବୈଭବ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଏକ ଷ୍ଟୋରୀ ସେୟାର କରିଥିଲେ, ଯେଉଁଥିରେ ସେ କ୍ରିକେଟ ଫିଲ୍ଡରେ ବ୍ୟାଟ୍‌ ଉଠାଇ ବିଜୟ କିମ୍ବା ଶତକ ସେଲିବ୍ରେସନ୍‌ କରୁଥିବାର ଦେଖିବାକୁ ମିଳିଥିଲା । ଏହି ଫଟୋ ସହିତ, ସେ କେବଳ ଦୁଇଟି ଶବ୍ଦ ଲେଖିଥିଲେ "ନୂତନ ଅଧ୍ୟାୟ" ।

ଅଧିକ ପଢ଼ନ୍ତୁ: ଟିମ୍ ଇଣ୍ଡିଆରେ ବଡ଼ ପରିବର୍ତ୍ତନ, ଏକାସାଙ୍ଗେ ଡେବ୍ୟୁ କଲେ ୧୧ ଖେଳାଳି

ଆଜି ତାଙ୍କର ଡେବ୍ୟୁ ହେବ କି ?

ବୈଭବଙ୍କ ଏହି ଦୁଇଟି ଶବ୍ଦ ସୋସିଆଲ ମିଡିଆରେ ବେଶ୍‌ ଚର୍ଚ୍ଚା ସୃଷ୍ଟି କରିଛି । ସୋସିଆଲ ମିଡିଆରେ କ୍ରିକେଟ ପ୍ରଶଂସକ ଏହି ରହସ୍ୟମୟ ପୋଷ୍ଟକୁ ତାଙ୍କର ଅନ୍ତର୍ଜାତୀୟ ଡେବ୍ୟୁ ସହିତ ଯୋଡୁଛନ୍ତି । ପ୍ରଶଂସକମାନେ ବିଶ୍ୱାସ କରନ୍ତି ଯେ ଏକ ନୂତନ ଅଧ୍ୟାୟ ଲେଖିବାର ଅର୍ଥ ହେଉଛି ବୈଭବ ଆଜି ମାଞ୍ଚେଷ୍ଟର ଗ୍ରାଉଣ୍ଡରେ ଭାରତୀୟ ଜର୍ସିରେ ଏକ ନୂତନ ଯାତ୍ରା ଆରମ୍ଭ କରିବେ ।

ଏହି ପୋଷ୍ଟଟି କ’ଣ ବ୍ରାଣ୍ଡ ଡିଲ୍ ସହିତ ଜଡିତ ?

ଏପରି ମଧ୍ୟ ଅନୁମାନ କରାଯାଉଛି ଯେ ଏହି ନୂତନ ଅଧ୍ୟାୟର ତାଙ୍କର କ୍ରିକେଟ୍ ଡେବ୍ୟୁ ସହିତ କୌଣସି ସମ୍ପର୍କ ନ ଥାଇପାରେ ବରଂ ଏହା ଏକ ପ୍ରମୁଖ ବ୍ରାଣ୍ଡ ସହିତ ଏକ ନୂତନ ପ୍ରାୟୋଜକ ଚୁକ୍ତି ଆରମ୍ଭ ହେବାର ଏକ ସଙ୍କେତ ହୋଇପାରେ । ଯେହେତୁ ବୈଭବ ନିଜେ ଏପର୍ଯ୍ୟନ୍ତ ଏହି ରହସ୍ୟ ପ୍ରକାଶ କରିନାହାଁନ୍ତି, ତେଣୁ ପ୍ରଶଂସକମାନଙ୍କୁ ଆଜିର ମ୍ୟାଚର ଟସ୍ ପର୍ଯ୍ୟନ୍ତ ଅପେକ୍ଷା କରିବାକୁ ପଡିବ ।