ସେପ୍ଟେମ୍ବରରେ ଅନୁଷ୍ଠିତ ହେବାକୁ ଥିବା ଏସିଆନ୍ ଗେମ୍ସ ପାଇଁ ଦଳ ଘୋଷଣା କରିଛି BCCI । ଏଥର ଏସିଆନ୍‌ ଗେମ୍ସକୁ ନିଜର ମୁଖ୍ୟ ଦଳ ପଠାଇବାକୁ ନିଷ୍ପତ୍ତି ନେଇଛି ବିସିସିଆଇ । ଶ୍ରେୟସ ଆୟରଙ୍କ ନେତୃତ୍ବରେ ଏସିଆନ୍‌ ଗେମ୍ସ ଖେଳିବାକୁ ଜାପାନ ଯିବ ଭାରତୀୟ କ୍ରିକେଟ୍‌ ଟିମ୍‌ । ତେବେ ଘୋଷଣା ହୋଇଥିବା ଦଳରେ ୧୫ ବର୍ଷୀୟ ବୈଭବ ସୂର୍ଯ୍ୟବଂଶୀଙ୍କୁ ସାମିଲ କରାଯାଇଛି । ଏମିତିକି ଅଜିତ ଅଗରକରଙ୍କ ନେତୃତ୍ବରେ ବସିଥିବା ଚୟନ କମିଟି ଏହି ଟୁର୍ଣ୍ଣାମେଣ୍ଟ ପାଇଁ ଜସପ୍ରୀତ ବୁମରାହଙ୍କୁ ମଧ୍ୟ ପଠାଇବାକୁ ନିଷ୍ପତ୍ତି ନେଇଛି ।

Here's a look at #TeamIndia's squad for the Asian Games 2026 in Japan this September 👏#AsianGames pic.twitter.com/euMfmhWEcN

— BCCI (@BCCI) June 6, 2026

୨୦୨୬ ଏସୀୟ କ୍ରୀଡ଼ା ସେପ୍ଟେମ୍ବରରେ ଜାପାନରେ ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଛି। ଅଜିତ ଅଗରକରଙ୍କ ନେତୃତ୍ୱରେ ଚୟନ କମିଟି ମୁଖ୍ୟ ଦଳ ଘୋଷଣା କରିଛି । ଗତ ଥର, BCCI ଏହି ପ୍ରତିଯୋଗିତାକୁ ଋତୁରାଜ ଗାୟକ୍ବାଡଙ୍କ ନେତୃତ୍ୱରେ ଏକ B ଦଳ ପଠାଇଥିଲା। କିନ୍ତୁ ଏଥର ଟିମ୍ ମ୍ୟାନେଜମେଣ୍ଟ ଜସପ୍ରିତ ବୁମରାହଙ୍କୁ ମଧ୍ୟ ଏସୀୟ କ୍ରୀଡ଼ାକୁ ପଠାଇବାକୁ ନିଷ୍ପତ୍ତି ନେଇଛି । ତିଲକ ବର୍ମା ଏହି ଦଳର ଉପ-ଅଧିନାୟକ ଭାବରେ ମଧ୍ୟ କାର୍ଯ୍ୟ କରିବେ ।

ଅଧିକ ପଢ଼ନ୍ତୁ: ବୈଭବଙ୍କ ଟିମ୍ ଇଣ୍ଡିଆ ଏଣ୍ଟ୍ରି ପଛରେ ଦୁଇ ଓଡ଼ିଆ ପୁଅ, ପ୍ରଜ୍ଞାନ ଓ ଶିବ ସୁନ୍ଦରଙ୍କ ବଡ଼ ଭୂମିକା

ଶ୍ରେୟସ ଆୟରଙ୍କ ଅଧିନାୟକତ୍ୱରେ, ଦଳ ଲଗାତାର ଦ୍ୱିତୀୟ ଥର ପାଇଁ ଏସୀୟ କ୍ରୀଡ଼ା ସ୍ୱର୍ଣ୍ଣ ପଦକ ଜିତିବାକୁ ଲକ୍ଷ୍ୟ ରଖିବ। କିନ୍ତୁ ଘୋଷଣା ହୋଇଥିବା ଦଳରେ ସମସ୍ତ ଧ୍ୟାନ ୧୫ ବର୍ଷୀୟ ସୁପରଷ୍ଟାର ବୈଭବ ସୂର୍ଯ୍ୟବଂଶୀଙ୍କ ଉପରେ ରହିଛି । ଜାପାନରେ ମଧ୍ୟ ଦେଖିବାକୁ ମିଳିବ ବୈଭବ ବିଧ୍ବଂସୀ ବ୍ୟାଟିଂ । ସୂଚନା ଅନୁସାରେ, ବିସିସିଆଇ ଆଗାମୀ ଟି-୨୦ ବିଶ୍ୱକପ୍ ଏବଂ ୨୦୨୮ ଅଲିମ୍ପିକ୍ସ ପାଇଁ ପ୍ରସ୍ତୁତି ଆରମ୍ଭ କରୁଛି । ତେଣୁ ଏକ ନୂଆ ଟିମ୍‌କୁ ବିସିସିଆଇ ଚୟନ କରିଛି ।