Vaibhav Sooryavanshi / ହଠାତ୍ ପଡ଼ିଆ ମଝିରେ ଜୟ ଶାହଙ୍କ ପାଦ ଛୁଇଁଲେ ବୈଭବ; ଭିଡିଓ ଭାଇରାଲ

ଟୋକିଓ: ଶ୍ରେୟସ ଆୟରଙ୍କ ନେତୃତ୍ୱାଧୀନ ଭାରତୀୟ ଦଳ ପୁରୁଷ କ୍ରିକେଟ ପ୍ରତିଯୋଗିତାର ଫାଇନାଲରେ କମାଲ୍ କରନ୍ତି । ଚିରପ୍ରତିଦ୍ଵନ୍ଦ୍ଵୀ ପାକିସ୍ତାନକୁ ୧୯ ରନରେ ପରାସ୍ତ କରି ଏସୀୟ କ୍ରୀଡା ୨୦୨୬ରେ ସ୍ୱର୍ଣ୍ଣ ପଦକ ହାସଲ କରିଛି । ୨୧୨ ରନର ଲକ୍ଷ୍ୟ ରଖାଯାଇଥିବା ପାକିସ୍ତାନ ୬ ୱିକେଟରେ କେବଳ ୧୯୨ ରନ କରିପାରିଥିଲା । ତେବେ ଗୋଲ୍ଡ ଜିତିବା ପରେ ବୈଭବ ସୂର୍ଯ୍ୟବଂଶୀ ଅନ୍ତର୍ଜାତୀୟ କ୍ରିକେଟ ପରିଷଦ (ଆଇସିସି)ର ଚେୟାରମ୍ୟାନ୍ ଜୟ ଶାହଙ୍କ ପାଦ ଛୁଉଁଥିବା ଦେଖିବାକୁ ମିଳିଛି । ଭିଡିଓ ଦ୍ରୁତ ଗତିରେ ସୋସିଆଲ ମିଡିଆରେ ଭାଇରାଲ ହେଉଥିବାବେଳେ ଏମିତି କହିଛନ୍ତି ଫ୍ୟାନ୍ସ ।

ବିଜୟ ପରେ କ୍ରିକେଟ୍ ପଡ଼ିଆ ଉତ୍ସବମୁଖର ହୋଇଯାଇଥିଲା ଏବଂ ଏହି ବିଶେଷ ମୁହୂର୍ତ୍ତ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲା । ଯେତେବେଳେ ଆଇସିସି ଅଧ୍ୟକ୍ଷ ବା ଚେୟାରମ୍ୟାନ୍ ଜୟ ଶାହ ଭାରତୀୟ ଖେଳାଳିମାନଙ୍କୁ ଅଭିନନ୍ଦନ ଜଣାଇବାକୁ ପହଞ୍ଚିଲେ, ସେତେବେଳେ ୧୫ ବର୍ଷୀୟ ବୈଭବ ସୂର୍ଯ୍ୟବଂଶୀ ପ୍ରଣାମ କରି ତାଙ୍କ ପାଦ ଛୁଇଁ ଆଶୀର୍ବାଦ ନେଇଥିଲେ । ବୈଭବଙ୍କ ଏହି ବ୍ୟବହାରର ଏକ ଭିଡିଓ ଏବେ ସୋସିଆଲ ମିଡିଆରେ ଘୂରି ବୁଲୁଛି।

• ଏସୀୟ କ୍ରୀଡ଼ାରେ ସ୍ୱର୍ଣ୍ଣ ପଦକ ଜିତିଥିବା ସର୍ବକନିଷ୍ଠ ଭାରତୀୟ

"ବେବି ବସ୍" ଭାବରେ ଜଣାଶୁଣା ବୈଭବ ସୂର୍ଯ୍ୟବଂଶୀ ଫାଇନାଲରେ ୯ ବଲରୁ ୧୫ ରନ କରିଥିଲେ, ଯେଉଁଥିରେ ଦୁଇଟି ଛକା ମଧ୍ୟ ସାମିଲ ଥିଲା । ଯଦିଓ ସେ ବଡ଼ ଇନିଂସ ଖେଳି ନଥିଲେ, କିନ୍ତୁ ସେ ଏକ ଗୁରୁତ୍ୱପୂର୍ଣ୍ଣ ରେକର୍ଡ ସୃଷ୍ଟି କରିଥିଲେ । ସେ ଏସୀୟ କ୍ରୀଡ଼ାରେ ସ୍ୱର୍ଣ୍ଣ ପଦକ ଜିତିଥିବା ସବୁଠାରୁ କମ୍ ବୟସର ଭାରତୀୟ ହୋଇପାରିଛନ୍ତି ।

🚨 A HEARTWARMING MOMENT! 🇮🇳❤️
Vaibhav Sooryavanshi, just 15, touched Jay Shah’s feet as he came forward to congratulate the Indian players after the Asian Games gold-medal victory. 🙏🏏
A beautiful moment of respect and humility from the young star. 🇮🇳✨#VaibhavSooryavanshi…

— Samridhi (@samridhi_i) October 3, 2026

• ଆଇପିଏଲରେ ଛାଇଥିଲେ ବୈଭବ

ବୈଭବ ସୂର୍ଯ୍ୟବଂଶୀ ମାତ୍ର ୧୫ ବର୍ଷ ବୟସର, କିନ୍ତୁ ଗତ କିଛି ମାସ ମଧ୍ୟରେ ସେ ଭାରତୀୟ କ୍ରିକେଟରେ ଏକ ସ୍ୱତନ୍ତ୍ର ଛାପ ଛାଡ଼ିଛନ୍ତି । ଇଣ୍ଡିଆନ୍ ପ୍ରିମିୟର ଲିଗ୍ (IPL) ୨୦୨୬ରେ ରାଜସ୍ଥାନ ରୟାଲ୍ସ (RR) ପାଇଁ ଚମତ୍କାର ବ୍ୟାଟିଂ ପ୍ରଦର୍ଶନ ପରେ ସେ ଭାରତୀୟ ଦଳରେ ସ୍ଥାନ ପାଇଥିଲେ ଏବଂ ଏବେ ସେ ଏସୀୟ ଗେମ୍ସରେ ଦଳ ସହିତ ସ୍ୱର୍ଣ୍ଣ ପଦକ ମଧ୍ୟ ଜିତିଛନ୍ତି । ପାକିସ୍ତାନ ବିପକ୍ଷ ଫାଇନାଲ୍ ପରେ ଜୟ ଶାହଙ୍କ ସହ ବୈଭବଙ୍କ ସାକ୍ଷାତ ସମୟରେ ଏହି ବିରଳ ଦୃଶ୍ୟ କ୍ୟାମେରାରେ କଏଦ ହୋଇଥିଲା । ପଡ଼ିଆରେ ଖେଳାଳିମାନଙ୍କ ମଧ୍ୟରେ ଏହି ଛୋଟ ମୁହୂର୍ତ୍ତ ଭାରତୀୟ ଦଳର ସ୍ୱର୍ଣ୍ଣ ପଦକ ବିଜୟର ଫଟୋଗ୍ରାଫର ଏକ ବିଶେଷ ଅଂଶ ହୋଇଗଲା ।

ପଢନ୍ତୁ ଏହି ଖବର: ଅଭିଷେକଙ୍କ ଧମାକା ପରେ ବୋଲରଙ୍କ କମାଲ୍, ପାକିସ୍ତାନକୁ ହରାଇ ସ୍ବର୍ଣ୍ଣ ଜିତିଲା ଭାରତ

• ପାକିସ୍ତାନକୁ ଧୂଳି ଚଟାଇଲା ଭାରତ

ଭାରତ ଏବଂ ପାକିସ୍ତାନ ମଧ୍ୟରେ ସ୍ୱର୍ଣ୍ଣ ପଦକ ମ୍ୟାଚ୍ ଏକ ସ୍ୱତନ୍ତ୍ର ଥିଲା । ପ୍ରଥମେ ବ୍ୟାଟିଂ କରି ଭାରତ ୨୦ ଓଭରରେ ୨୧୧ ରନ କରିଥିଲା । ତିଲକ ବର୍ମା (୫୧ ଅପରାଜିତ) ଚମତ୍କାର ବ୍ୟାଟିଂ କରିଥିଲେ ଏବଂ ମାତ୍ର ୨୧ ବଲ୍‌ରେ ତାଙ୍କର ଅର୍ଦ୍ଧଶତକ ପୂରଣ କରିଥିଲେ । ଶିବମ୍ ଦୁବେଙ୍କ ସହିତ ତାଙ୍କର ଗୁରୁତ୍ୱପୂର୍ଣ୍ଣ ଭାଗିଦାରୀ ଭାରତକୁ ଏକ ଉଚ୍ଚ ସ୍କୋରରେ ପହଞ୍ଚାଇଥିଲା । ଏହାପରେ ଭାରତୀୟ ବୋଲରମାନେ ପାକିସ୍ତାନୀ ବ୍ୟାଟସମ୍ୟାନଙ୍କ ଉପରେ ଚାପ ବଜାୟ ରଖିଥିଲେ । ଭାରତ ମ୍ୟାଚ୍ ଜିତି ସ୍ୱର୍ଣ୍ଣ ପଦକ ନିଶ୍ଚିତ କରିଥିଲା ।