Vaibhav Suryavanshi / ୧୫ ବର୍ଷରେ ବୈଭବ ସୂର୍ଯ୍ୟବଂଶୀ ପାଲଟିଲେ ଅଧିନାୟକ; ସିନିୟର ଟିମରେ ବଡ଼ ଦାୟିତ୍ଵ

ଗୋଟିଏ ପରେ ଗୋଟିଏ ସଫଳତାର ପାହାଚ ଚଢୁଛନ୍ତି ୧୫ ବର୍ଷୀୟ ଯୁବ ଭାରତୀୟ କ୍ରିକେଟର ବୈଭବ ସୂର୍ଯ୍ୟବଂଶୀ । କ୍ରିକେଟ କ୍ୟାରିଅରରେ ତାଙ୍କ ନାଁରେ ଆଉ ଏକ ରେକର୍ଡ ଯୋଡ଼ି ହୋଇଛି । ବୈଭବଙ୍କୁ ସିନିୟର ଟିମରେ ହଠାତ ମିଳିଛି ଅଧିନାୟକ ପଦ । ରବିବାର ସେଣ୍ଟ୍ରାଲ ଜୋନ୍ ବିରୁଦ୍ଧରେ ଦଲିପ ଟ୍ରଫିର ସେମିଫାଇନାଲରେ ଏହି ଯୁବ କ୍ରିକେଟରଙ୍କୁ ହଠାତ୍ ଇଷ୍ଟ ଜୋନ୍‌ର କ୍ୟାପ୍ଟେନ୍ସି ସମ୍ଭାଳିବାକୁ ପଡ଼ିଛି । ଏହି ମୁକାବିଲାରେ ସେ ଉପଅଧିନାୟକ ଭାବେ ଖେଳିବା ଆରମ୍ଭ କରିଥିଲେ ।

• କାହିଁକି ହଠାତ୍ ମିଳିଲା କ୍ୟାପ୍ଟେନ୍ସି ?

ବେଙ୍ଗାଲୁରୁ ସ୍ଥିତ ଭାରତୀୟ କ୍ରିକେଟ୍ ନିୟନ୍ତ୍ରଣ ବୋର୍ଡ (ବିସିସିଆଇ)ର ସେଣ୍ଟର ଅଫ୍ ଏକ୍ସିଲେନ୍ସ ଗ୍ରାଉଣ୍ଡ-୧ରେ ଜାରି ଥିବା ଏହି ମୁକାବିଲାର ପ୍ରଥମ ଦିନରେ ଈଶାନ କିଷନ ଆହତ ହୋଇଛନ୍ତି । ୱିକେଟକିପିଂ କରିବା ସମୟରେ ତାଙ୍କର ଡାହାଣ ହାତରେ ଆଘାତ ଲାଗିଥିଲା । ଫିଜିଓ ମୈଦାନରେ ତାଙ୍କର ଚିକିତ୍ସା କରିଥିଲେ, କିନ୍ତୁ ଯନ୍ତ୍ରଣା ନ କମିବାରୁ ସେ ମୈଦାନ ବାହାରକୁ ଚାଲିଯାଇଥିଲେ । ଏହି ସମୟରେ ବୈଭବଙ୍କୁ ସମ୍ଭାଳିବାକୁ ପଡ଼ିଥିଲା ଅଧିନାୟକତ୍ଵ । ଏହାପରେ ହାତରେ ପଟି ବାନ୍ଧି ଈଶାନ କିଷନ ପଡ଼ିଆକୁ ଓହ୍ଲାଇଥିଲେ ଓ ସେ ୱିକେଟକିପିଂ କରିନଥିଲେ । ଶେଷରେ କୁମାର କୁଶାଗ୍ର ୱିକେଟକିପିଂ ଦାୟିତ୍ଵ ସମ୍ଭାଳିଥିଲେ ।

Vaibhav Sooryavanshi’s captaincy moment👏🏻

He took his very first review and waited till the very last moment just 3 seconds before the review window closed. And guess what? He got it right😎

Smile dekho chehre par😂 pic.twitter.com/oUzfXkkkK0

— 𝐕𝐒𝐩𝐞𝐚𝐤𝐬🎧 (@WeTheThinkers) August 30, 2026

• ଉପଅଧିନାୟକ ଥିଲେ ବୈଭବ

ଇଷ୍ଟ ଜୋନ୍‌ରେ ବୈଭବ ସୂର୍ଯ୍ୟବଂଶୀଙ୍କୁ ଦଲିପ ଟ୍ରଫି ଲାଗି ଉପଅଧିନାୟକ ଦାୟିତ୍ଵ ଦିଆଯାଇଥିଲା । ସେହି ସମୟରେ ତାଙ୍କର ଏହି ପଦକୁ ନେଇ ପ୍ରଶ୍ନ ଉଠିଥିଲା । ଏହି ସମୟରେ ଚୟନକର୍ତ୍ତାମାନେ ଜବାବରେ କହିଥିଲେ ଯେ ଏହି ନିଷ୍ପତ୍ତି କେବଳ ବର୍ତ୍ତମାନର ଟିମ ଲାଗି ନୁହେଁ, ବରଂ ଯୁବ କ୍ରିକେଟରଙ୍କୁ ଭବିଷ୍ୟତ ଲାଗି ପ୍ରସ୍ତୁତ କରିବା ଲାଗି ବଡ଼ ଦାୟିତ୍ଵ ଦିଆଯାଇଛି । ଝାଡ଼ଖଣ୍ଡ ଚୟନକର୍ତ୍ତା ଓ ଇଷ୍ଟ ଜୋନ୍ ଚୟନ କମିଟିର ସଦସ୍ୟ ମନୀଷ ବର୍ଦ୍ଧନ କହିଥିଲେ ଯେ ବର୍ତ୍ତମାନର ସ୍ଥିତିକୁ ଦେଖି ଏପରି ନିଷ୍ପତ୍ତି ନିଆଯାଉନାହିଁ ।

ପଢନ୍ତୁ ଏହି ଖବର: ଦିନିକିଆରେ କାହିଁକି ଆଗକୁ ବଢ଼ିପାରିଲେନି ସୂର୍ଯ୍ୟକୁମାର, ନିଜକୁ ଦାୟୀ କଲେ SKY

• ବୈଭବଙ୍କ ଫାର୍ଷ୍ଟ କ୍ଲାସ୍ ରେକର୍ଡ ଭଲ ନାହିଁ

ବୈଭବ ସୂର୍ଯ୍ୟବଂଶୀ ୨୦୨୪ରେ ରଣଜୀ ଟ୍ରଫି ମାଧ୍ୟମରେ ନିଜର ଫାର୍ଷ୍ଟ କ୍ଲାସ୍ କ୍ଯାରିଅର ଆରମ୍ଭ କରିଥିଲେ । ଏଯାବତ୍ ମୋଟ ୯ଟି ଫାର୍ଷ୍ଟ କ୍ଲାସ୍ ମ୍ୟାଚ୍ ଖେଳି ସେ ୨୧୫ ରନ୍ କରିଛନ୍ତି । ଏହା ସହିତ ସେ ଏକ ଅର୍ଦ୍ଧଶତକ ହାସଲ କରିଛନ୍ତି । ଗୋଟିଏ ପଟେ ତାଙ୍କର କମ ବୟସ ଓ ଅଭିଜ୍ଞତା ନଥିବା ସତ୍ତ୍ଵେ ସିନିୟର ଟିମର କ୍ୟାପ୍ଟେନ୍ସି ସମ୍ଭାଳିବା ତାଙ୍କ ଲାଗି ନିହାତି ବଡ଼ ପରୀକ୍ଷା । ଏହି ଟୁର୍ଣ୍ଣାମେଣ୍ଟର ପ୍ରଥମ ମ୍ୟାଚରେ ନର୍ଥ ଇଷ୍ଟ ବିରୁଦ୍ଧରେ ବୈଭବ ସୂର୍ଯ୍ଯବଂଶୀ ମାତ୍ର ୮ ରନ୍ କରିପାରିଛନ୍ତି ଏବଂ ବୋଲିଂରେ ୨ଟି ୱିକେଟ୍ ନେଇଛନ୍ତି । ପୂର୍ବ ଜୋନ୍ ସେହି ମ୍ୟାଚ୍‌କୁ ଏକ ଇନିଂସ୍ ଏବଂ ୨୧୦ ରନ୍‌ରେ ଜିତିଥିଲା।