ଶ୍ରୀଲଙ୍କା ଗସ୍ତ ସମୟରେ ଭାରତୀୟ ଯୁବ ବ୍ୟାଟସମ୍ୟାନ୍ ବୈଭବ ସୂର୍ଯ୍ୟବଂଶୀ ଚର୍ଚ୍ଚାକୁ ଆସିଛନ୍ତି । ଏଥର ତାଙ୍କର ଚର୍ଚ୍ଚାର କାରଣ ତାଙ୍କ ବ୍ୟାଟିଂ ନୁହେଁ, ବରଂ ପଡ଼ିଆ ଭିତରେ ବିବାଦ ଏବଂ ପରେ ସାମ୍ନାକୁ ଆସିଥିବା ଏକ ଭିଡିଓ । ଶ୍ରୀଲଙ୍କା 'ଏ' ବିପକ୍ଷ ତିନି ଦିନିଆ ସିରିଜ ମ୍ୟାଚ୍‌ରେ ସୁପର ଓଭର ପରାଜୟ ପରେ ବୈଭବ ଜଣେ ଶ୍ରୀଲଙ୍କା ଖେଳାଳିଙ୍କ ସହ ଝଗଡ଼ା ଏବଂ ହାତାହାତି ହୋଇଥିଲେ । ଏବେ ଏହାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ବର୍ତ୍ତମାନ ଏହି ଘଟଣା ପରେ ତାଙ୍କର ଆଉ ଏକ ଭିଡିଓ ଲୋକଙ୍କ ଧ୍ୟାନ ଆକର୍ଷଣ କରିଛି ।

ମ୍ୟାଚ୍ ପରେ ପ୍ରକାଶିତ ଭିଡିଓରେ, ବୈଭବ ସୂର୍ଯ୍ୟବଂଶୀ ପୂର୍ବତନ ଶ୍ରୀଲଙ୍କା କ୍ରିକେଟର ଏବଂ ଦେଶର ପ୍ରଥମ ୱାନ-ଡେ ଅଧିନାୟକ ଅନୁରା ଟେନେକୁନଙ୍କ ପାଦ ଛୁଇଁ ତାଙ୍କ ଆଶୀର୍ବାଦ ନେଉଥିବାର ଦେଖାଯାଇଛି । ୧୯୭୫ ବିଶ୍ୱକପରେ ଶ୍ରୀଲଙ୍କା ପାଇଁ କ୍ୟାପ୍ଟେନ୍ସି କରିଥିବା ଟେନେକୁନ ଡାମ୍ବୁଲାରେ ଉପସ୍ଥିତ ଥିଲେ ଏବଂ ଯୁବ ଭାରତୀୟ ବ୍ୟାଟସମ୍ୟାନଙ୍କୁ ଭେଟିଥିଲେ । ସାକ୍ଷାତ ସମୟରେ ବୈଭବ ତାଙ୍କୁ ସମ୍ମାନ ଜଣାଇ ତାଙ୍କ ପାଦ ଛୁଇଁଥିଲେ । ଟେନେକୁନ ତାଙ୍କୁ ଗୁରୁତ୍ୱପୂର୍ଣ୍ଣ ପରାମର୍ଶ ମଧ୍ୟ ଦେଇଥିବା ଜଣାପଡ଼ିଛି । ସେ ତାଙ୍କୁ ସାର୍ବଜନୀନ ସମାଲୋଚନା କିମ୍ବା ବାହ୍ୟ କାରଣ ପ୍ରତି ଧ୍ୟାନ ଦେବା ଅପେକ୍ଷା ତାଙ୍କ ଖେଳ ଉପରେ ଧ୍ୟାନ ଦେବାକୁ ପରାମର୍ଶ ଦେଇଛନ୍ତି ।

You can clearly see that one of the Sri Lankan players started the fight by saying "this is not IPL"

Vaibhav Sooryavanshi was walking quietly and then responded to a loudmouth Sri Lanka player

Suggestion - Sri Lanka players should not act like Pakistanipic.twitter.com/28vodHGWw1

— Ajay Jadeja (@AjayJadeja171) June 15, 2026

• କ୍ରିକେଟ ମୈଦାନରେ ତାତିଗଲେ ବୈଭବ

ପୂର୍ବରୁ ବୈଭବଙ୍କର ଏକ ଭିଡିଓ ଭାଇରାଲ ହୋଇଥିଲା, ଯେଉଁଥିରେ ସେ ଶ୍ରୀଲଙ୍କା 'ଏ' ଖେଳାଳିଙ୍କ ସହ ଯୁକ୍ତିତର୍କ କରୁଥିବାର ଦେଖାଯାଇଥିଲା । ସୁପର ଓଭର ପରେ ଯେତେବେଳେ ଭାରତୀୟ ଖେଳାଳିମାନେ ପଡ଼ିଆ ଛାଡି ବାହାରକୁ ଯାଉଥିଲେ, ସେତେବେଳେ ଏକ ଶ୍ରୀଲଙ୍କା ଖେଳାଳିଙ୍କ ଏକ କମେଣ୍ଟ ବୈଭବଙ୍କୁ ରଗାଇ ଦେଇଥିଲା । ଏହାପରେ ପଡ଼ିଆରେ ସ୍ଥିତି ଖରାପ ହୋଇଯାଇଥିଲା। ଭିଡିଓରେ ବୈଭବ ଜଣେ ଖେଳାଳିଙ୍କୁ ଠେଲି ଦେଉଥିବାର ଦେଖାଯାଇଥିଲା । ପରେ ଉଭୟ ଦଳର ଖେଳାଳିମାନେ ପରିସ୍ଥିତିକୁ ଶାନ୍ତ କରିବା ପାଇଁ ହସ୍ତକ୍ଷେପ କରିଥିଲେ ।

ପଢନ୍ତୁ ଏହି ଖବର: କ୍ରିକେଟ ମୈଦାନରେ ଅଜବ ଦୃଶ୍ୟ; ଝଗଡ଼ା କଲେ କ୍ରିକେଟର, ଅଟକାଇଲେ ଶିବମ ଦୁବେ

• ମ୍ୟାଚ୍‌ରେ କିପରି ଥିଲା ବୈଭବଙ୍କ ପ୍ରଦର୍ଶନ ?

ଶ୍ରୀଲଙ୍କା 'ଏ' ବିପକ୍ଷ ମ୍ୟାଚ୍‌ରେ ବୈଭବ ସୂର୍ଯ୍ୟବଂଶୀ ୧୪ ବଲ୍‌ରେ ୨୧ ରନ୍ କରିଥିଲେ । ସେ ଇନିଂସରେ ୩ଟି ଚୌକା ଏବଂ ଗୋଟିଏ ଛକା ମାରିଥିଲେ । ଭାରତ 'ଏ' ପ୍ରଥମେ ବ୍ୟାଟିଂ କରି ୨୬୫ ରନ୍ କରିଥିଲା । ଜବାବରେ ଶ୍ରୀଲଙ୍କା ଏ ମଧ୍ୟ ୫୦ ଓଭରରେ ୨୬୫ ରନ୍ କରିଥିଲା, ଯାହା ଫଳରେ ମ୍ୟାଚ୍‌ଟି ଡ୍ର ହୋଇଥିଲା । ଏହାପରେ ମ୍ୟାଚ୍‌ଟି ସୁପର ଓଭରକୁ ଯାଇଥିଲା, ଯେଉଁଠାରେ ଭାରତ 'ଏ' ପରାସ୍ତ ହୋଇଥିଲା । ପରାଜୟ ପରେ ପଡ଼ିଆରେ ବିବାଦ ଏବଂ ପରବର୍ତ୍ତୀ ସମୟରେ ପୂର୍ବତନ ଅଧିନାୟକଙ୍କ ପାଦ ଛୁଇଁବାର ଭିଡିଓ ସୋସିଆଲ ମିଡିଆରେ ଆଲୋଚନାର ବିଷୟ ପାଲଟିଛି ।