ଆଇପିଏଲ ୨୦୨୬ ଟୁର୍ଣ୍ଣାମେଣ୍ଟରେ ବୁଧବାର ରୟାଲ ଚ୍ୟାଲେଞ୍ଜର୍ସ ବାଙ୍ଗଲୋର ଓ କୋଲକାତା ନାଇଟ ରାଇଡର୍ସ ମଧ୍ୟରେ ମ୍ୟାଚ୍ ଖେଳାଯାଇଥିଲା । ବାଙ୍ଗଲୋର କୋଲକାତାକୁ ୬ ୱିକେଟରେ ପରାସ୍ତ କରିଛି । ଏହି ମୁକାବିଲାରେ ବିରାଟ କୋହଲି ଅପରାଜିତ ୧୦୫ ରନ୍ ପାଳି ଖେଳି ଟିମକୁ ଏକ ସହଜ ବିଜୟ ଦେଇଥିଲେ । ସ୍କୋରବୋର୍ଡରେ ସେଞ୍ଚୁରୀ ଲଗାଇବା ପରେ ମଧ୍ୟ ବିରାଟଙ୍କୁ ଶାନ୍ତ ଦେଖିବାକୁ ମିଳିଥିଲା, ଯାହାକୁ ଦେଖି ଫ୍ୟାନ୍ସ ବି ଆଶ୍ଚର୍ଯ୍ୟ ହୋଇଯାଇଥିଲେ । ତେବେ ମ୍ୟାଚ୍ ପରବର୍ତ୍ତୀ ଇଣ୍ଟରଭ୍ୟୁରେ ସେଲିବ୍ରେସନ ନ କରିବାର କାରଣ ସମ୍ପର୍କରେ କହିଛନ୍ତି କୋହଲି ।

• କାହିଁକି ଦେଖିବାକୁ ମିଳିଲାନି କୋହଲିଙ୍କ ସେଲିବ୍ରେସନ ?

ପୋଷ୍ଟ ମ୍ୟାଚ୍ ଇଣ୍ଟରଭ୍ୟୁରେ ବିରାଟ କୋହଲି ଏହି ବିଷୟରେ କଥା ହୋଇଥିଲେ । ସେ କହିଥିଲେ ଯେ ତାଙ୍କର ଲକ୍ଷ୍ୟ କେବଳ ଟିମକୁ ମ୍ୟାଚ୍ ଜିତାଇବା ଥିଲା । ଏ ନେଇ କୋହଲି କହିଥିଲେ, "ସେଞ୍ଚୁରୀ ପାଇଁ ସେଲିବ୍ରେଟ୍ କରିବା ମୋ ପାଇଁ ଖାସ୍ ନଥିଲା, କାରଣ ଆମ ଦଳ ଏବେ ଯେଉଁ ସ୍ଥିତିରେ ଅଛି, ତାହାର ପ୍ରକୃତ ଅର୍ଥ ମୋତେ ଜଣା । ମୋ ପାଇଁ ଟିମର ସ୍କୋରରେ ଯୋଗଦାନ ଦେବା ଜରୁରୀ ଥିଲା । ମୁଁ ଏହା ଜାଣିଥିଲି ଯଦି ମୁଁ ଆଜି ଏକ ବଡ଼ ସ୍କୋର କରୁଛି, ତେବେ ଆମ ଦଳର ଜିତିବା ସମ୍ଭାବନା ବୃଦ୍ଧି ପାଇବ ।"

• 'ମୋତେ ଏହି କଥା ଭିତରୁ ଚିନ୍ତିତ କରୁଥିଲା...'

ବିରାଟ କୋହଲି KKR ମ୍ୟାଚ୍ ପୂର୍ବରୁ ଲଗାତାର ଦୁଇ ଥର ଶୂନ (୦)ରେ ଆଉଟ୍ ହୋଇଥିଲେ । କୋହଲି କହିଛନ୍ତି ଯେ ଶୂନରେ ଦୁଇ ଥର ଆଉଟ୍ ହେବା ତାଙ୍କୁ ପସନ୍ଦ ନଥିଲା, ତାଙ୍କର ତାଙ୍କ ଦଳ ଏକ ଭଲ ସ୍ଥିତିରେ ଥିଲା । ସେ କହିଛନ୍ତି, "ଗତ ଦୁଇଟି ମ୍ୟାଚରେ ମୁଁ ରନ୍ କରିପାରିନଥିଲି ଏବଂ ଏହି କଥା ମୋତେ ବେଶ ଚିନ୍ତିତ କରୁଥିଲା । ମୋତେ ଜଣା ମୁଁ ଭଲ ଖେଳିପାରିବି ଓ ବଲକୁ ଭଲ ଭାବେ ଟାଇମ୍ କରି ଭଲ ସଟ୍ ଖେଳିପାରିବି । କିନ୍ତୁ ଯେତେବେଳେ ଏହା ସମ୍ଭବ ହେଉନଥିଲା, ମୁଁ ବହୁ ଚିନ୍ତିତ ହୋଇପଡ଼ିଥିଲି ।"

ପଢନ୍ତୁ ଏହି ଖବର: ହାର୍ଦ୍ଦିକଙ୍କ ପାରା ହାଇ ! MI ପରେ ଏବେ ରୋହିତ-ସୂର୍ଯ୍ୟଙ୍କୁ କଲେ ଅନଫଲୋ

କୋହଲି ଆହୁରି କହିଛନ୍ତି, "ମୋ ଲକ୍ଷ୍ୟ ଥିଲା ପୂର୍ବାପେକ୍ଷା ଉନ୍ନତ ଖେଳିବା, ଯାହା ଦ୍ୱାରା ମୁଁ ମୋ ଦଳ ପାଇଁ ଆଉ କିଛି ଭଲ ସ୍କୋର୍ କରିପାରିବି । ସେଥିପାଇଁ ମୋର ଶତକ ହେଉ କି ନାହିଁ, କିନ୍ତୁ ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା ମ୍ୟାଚକୁ ଶେଷ କରିବା । ମୁଁ ଖାଲି ଭାବୁଥିଲି ଯେ କିପରି ମୁଁ ମ୍ୟାଚ୍ ଶେଷ ପର୍ଯ୍ୟନ୍ତ ରହିବି ଏବଂ ଦଳ ପାଇଁ ଦୁଇଟି ପଏଣ୍ଟ ଆଣିବି, ଯାହା ଦ୍ଵାରା ଆମେ ପଏଣ୍ଟ ଟେବୁଲର ଶୀର୍ଷରେ ରହିପାରିବୁ ।"

• ପ୍ରଥମେ ବ୍ୟାଟିଂ କରିଥିଲା KKR

ଯେତେବେଳେ ରିଙ୍କୁ ପଡ଼ିଆକୁ ଆସିଥିଲେ, ସେ ୨୯ ବଲରୁ ୩ଟି ଚୌକା ଏବଂ ଦୁଇଟି ଛକା ସହାୟତାରେ ୪୯ ରନର ଗୁରୁତ୍ୱପୂର୍ଣ୍ଣ ଇନିଂସ ଖେଳିଥିଲେ । କ୍ୟାମେରନ ଗ୍ରୀନ୍ ମଧ୍ୟ ୩୨ ରନ୍ ଯୋଗଦାନ ଦେଇଥିଲେ, ଯାହା କୋଲକାତାକୁ ନିର୍ଦ୍ଧାରିତ ୨୦ ଓଭରରେ ମୋଟ ୧୯୨/୪ ସ୍କୋର କରିବାରେ ସାହାଯ୍ୟ କରିଥିଲା । ବୋଲିଂରେ ଭୁବନେଶ୍ୱର କୁମାର, ଜୋଶ ହାଜେଲଉଡ୍ ଏବଂ ରସିକ ସଲାମ ଦାର ଗୋଟିଏ ଲେଖାଏଁ ୱିକେଟ୍ ନେଇଥିଲେ।

• ଚମତ୍କାର ବ୍ୟାଟିଂ କରି ମ୍ୟାଚ୍ ଜିତିଲା RCB

୧୯୩ ରନର ପିଛା କରି ଚତୁର୍ଥ ଓଭରର ଦ୍ୱିତୀୟ ବଲ୍‌ରେ RCB ପ୍ରଥମ ୱିକେଟ୍ ହରାଇଲା, ଯେତେବେଳେ କାର୍ତ୍ତିକ ତ୍ୟାଗୀ ୧୫ ରନ କରି ଜାକବ୍ ବେଥେଲଙ୍କୁ କ୍ୟାଚ୍ ଆଣ୍ଡ୍ ବୋଲ୍ଡ କଲେ । ତା’ପରେ KKRର ବୋଲରମାନେ ୱିକେଟ୍ ପାଇବା ପାଇଁ ସଂଘର୍ଷ କରିଥିବା ଦେଖିବାକୁ ମିଳିଥିଲା । କୋଲକାତାର ୱିକେଟ୍ ଅନ୍ଵେଷଣ ସେତେବେଳେ ଶେଷ ହୋଇଥିଲା ଯେତେବେଳେ ୧୬ତମ ଓଭରର ଶେଷ ବଲ୍‌ରେ ୧୧ ରନ କରି ରଜତ ପଟିଦାର ଆଉଟ୍ ହୋଇଥିଲେ । ଏହାପରେ ବିରାଟ ଏକ ବଡ଼ ପାଳି ଖେଳି ଟିମକୁ ଜିତାଇଥିଲେ ।