ମୁମ୍ବାଇ ଇଣ୍ଡିଆନ୍ସ ଟିମ ଭିତରେ ଅନ୍ତଃକନ୍ଦଳ ଏବେ ଦାଣ୍ଡରେ ପଡ଼ି ହାଟରେ ଗଡ଼ିଛି । ହାର୍ଦ୍ଦିକ ପାଣ୍ଡ୍ୟାଙ୍କ କାର୍ଯ୍ୟକଳାପରୁ ଲାଗୁଛି ଦଳରେ ସବୁ କିଛି ଠିକ୍ ନାହିଁ । ଲଗାତାର ଦୁଇଟି ମ୍ୟାଚରେ ବାହାରେ ବସିଥିବା ହାର୍ଦ୍ଦିକ ଏବେ ଚର୍ଚ୍ଚାରେ ଅଛନ୍ତି । ହାର୍ଦ୍ଦିକ ପୂର୍ବରୁ ମୁମ୍ବାଇ ଇଣ୍ଡିଆନ୍ସ ଟିମକୁ ଇନଷ୍ଟାଗ୍ରାମରେ ଅନଫଲୋ କରିଥିଲେ, ଏହାପରେ ସେ ଆହୁରି ଚର୍ଚ୍ଚାକୁ ଆସିଥିଲେ । ଏବେ ପୁଣି ଥରେ ମୁମ୍ବାଇ ଇଣ୍ଡିଆନ୍ସର ପୂର୍ବତନ କ୍ୟାପ୍ଟେନ ରୋହିତ ଶର୍ମା ଏବଂ ସୂର୍ଯ୍ୟକୁମାର ଯାଦବଙ୍କୁ ଅନଫଲୋ କରିଛନ୍ତି ।

• ପ୍ରଥମେ MI, ଏବେ ରୋହିତ-ସୂର୍ଯ୍ୟ

ଏହି ଘଟଣା ସେତେବେଳେ ସାମ୍ନାକୁ ଆସିଥିଲା ଯେତେବେଳେ ଅନେକ ୟୁଜର ଦାବି କରିଥିଲେ ଯେ ହାର୍ଦ୍ଦିକ ପାଣ୍ଡ୍ୟା ମୁମ୍ବାଇ ଇଣ୍ଡିଆନ୍ସକୁ ଅନଫଲୋ କରିଛି । ଏହି ଖବର ଚର୍ଚ୍ଚାକୁ ଆସିବା ପରେ ହାର୍ଦ୍ଦିକ ପୁଣି ଥରେ MIକୁ ଫଲୋ କରିବା ଆରମ୍ଭ କରିଥିଲେ । ଏବେ ମୁମ୍ବାଇ ଇଣ୍ଡିଆନ୍ସ ଟିମ ମଧ୍ୟରେ ଅସନ୍ତୋଷ ଥିବା ଚର୍ଚ୍ଚା ଭିତରେ ହାର୍ଦ୍ଦିକ ଦଳକୁ ଅନଫଲୋ କରିବା ଅନେକଙ୍କୁ ହଜମ ହୋଇନଥିଲା । ଏବେ ଦେଖିଲେ, ହାର୍ଦ୍ଦିକ ମୋଟ ୧୫୧ଟି ଆକାଉଣ୍ଟକୁ ଫଲୋ କରୁଛନ୍ତି, ଯେଉଁଥିରେ ମୁମ୍ବାଇ ଇଣ୍ଡିଆନ୍ସ ସାମିଲ । ଅନ୍ୟପଟେ ହାର୍ଦ୍ଦିକ ନିଜ ଇନଷ୍ଟାଗ୍ରାମ ଆକାଉଣ୍ଟରୁ ମୁମ୍ବାଇ ଇଣ୍ଡିଆନ୍ସର କିଛିଟା ପୋଷ୍ଟକୁ ମଧ୍ୟ ଡିଲିଟ୍ କରିଦେଇଛନ୍ତି । 

• ଫଲୋଇଙ୍ଗ ତାଲିକାରେ ନାହାନ୍ତି ରୋହିତ

ଏହି ବିବାଦ ଏବେ ଅଧିକ ଘନେଇବା ପରି ମନେ ହେଉଛି । କାରଣ ଏବେ ହାର୍ଦ୍ଦିକ ମୁମ୍ବାଇ ଇଣ୍ଡିଆନ୍ସର ଷ୍ଟାର ପ୍ଲେୟାର ରୋହିତ ଶର୍ମା ଏବଂ ସୂର୍ଯ୍ୟ କୁମାର ଯାଦବଙ୍କୁ ସୋସିଆଲ ମିଡିଆ ପ୍ଲାଟଫର୍ମ ଇନଷ୍ଟାଗ୍ରାମରେ ଅନଫଲୋ କରିଦେଇଛନ୍ତି । ଏବେ ଲୋକେ ଏହାକୁ ଆପୋଷ ମତଭେଦ ବୋଲି କହିବା ଆରମ୍ଭ କରିଛନ୍ତି । ଏହା ଦଳ ନା ଖେଳାଳି ନା ମ୍ୟାନେଜମେଣ୍ଟ କାହା ଭିତରେ ବିବାଦ ସେ ନେଇ ବି ଚର୍ଚ୍ଚା ହେଉଛି ।

ପଢନ୍ତୁ ଏହି ଖବର: ମୁମ୍ବାଇ ଇଣ୍ଡିଆନ୍ସକୁ ଅନଫଲୋ କଲେ କି ହାର୍ଦ୍ଦିକ ପାଣ୍ଡ୍ୟା ? ଜଣାପଡ଼ିଲା ସତ

Hardik Pandya और MI का Power-packed bond अब टूटने की कगार पर है 💔

रिपोर्ट्स की मानें तो Hardik ने सोशल मीडिया पर MI को unfollow कर अपनी पुरानी यादें (posts) भी delete कर दी हैं

खराब फॉर्म और bench होने के बाद, अब हवाओं में CSK के साथ उनके नए सफर की चर्चा गरम है

क्या 'Kung-fu… pic.twitter.com/NRSwDknFWZ

— Ｄｉｌｓｈａｄ (@Dilshad826) May 11, 2026

• IPL ସିଜିନରୁ ଆଉଟ୍ MI

ଚଳିତ ଆଇପିଏଲ ଟୁର୍ଣ୍ଣାମେଣ୍ଟରେ ମୁମ୍ବାଇ ଇଣ୍ଡିଆନ୍ସର ପ୍ରଦର୍ଶନ ବିଷୟରେ କହିଲେ, ଦଳ ପ୍ଲେଅଫ୍ ଦୌଡ଼ରୁ ବାହାରେ ଅଛି । ରୟାଲ ଚ୍ୟାଲେଞ୍ଜର୍ସ ବାଙ୍ଗଲୋର (RCB) ବିରୋଧରେ ୨ ୱିକେଟରେ ହାରିବା ପରେ ମୁମ୍ବାଇ ଟିମ ଆଇପିଏଲ ୨୦୨୬ ଟ୍ରଫି ଦୌଡ଼ରୁ ଏବେ ସମ୍ପୂର୍ଣ୍ଣ ବାହାରେ । ଏବେ ଦଳ କେବଳ ଲିଗ୍ ଷ୍ଟେଜରେ ୩ଟି ମ୍ୟାଚ୍ ଖେଳିବ ।

ଅଧିକ କ୍ରୀଡା ସମ୍ବନ୍ଧୀୟ ଖବର ପଢନ୍ତୁ...