ଆୟରଲ୍ୟାଣ୍ଡ ଗସ୍ତ ପୂର୍ବରୁ ଶ୍ରୀଲଙ୍କାରେ ଖେଳୁଥିବା ୧୫ ବର୍ଷୀୟ ବୈଭବ ସୂର୍ଯ୍ୟବଂଶୀ ଏବେ ଚର୍ଚ୍ଚାରେ ଆସିଛନ୍ତି । ଆଇପିଏଲ ୨୦୨୬ରେ ପ୍ରଭାବଶାଳୀ ପ୍ରଦର୍ଶନ କରି ଯଥେଷ୍ଟ ଦୃଷ୍ଟି ଆକର୍ଷଣ କରିଥିବା ବୈଭବ ଏବେ ତାଙ୍କ ବ୍ୟାଟିଂ ପାଇଁ ନୁହେଁ, ବରଂ ପଡ଼ିଆରେ ତାଙ୍କ ଆଚରଣ ପାଇଁ ଚର୍ଚ୍ଚାରେ ଅଛନ୍ତି। ଶ୍ରୀଲଙ୍କା 'ଏ' ବିପକ୍ଷରେ ଏକ ରୋମାଞ୍ଚକର ମ୍ୟାଚ୍ ପରେ ଯୁକ୍ତିତର୍କକୁ ନେଇ ଭାରତ 'ଏ' ବ୍ୟାଟ୍ସମ୍ୟାନ୍ ବୈଭବ ସମସ୍ୟାରେ ପଡ଼ିଯାଇଛନ୍ତି । ମ୍ୟାଚ୍ ପରେ ଘଟିଥିବା ଏକ ଘଟଣା ତାଙ୍କୁ ସମ୍ଭାବ୍ୟ ଶୃଙ୍ଖଳାଗତ କାର୍ଯ୍ୟାନୁଷ୍ଠାନର ଆଶଙ୍କା ସୃଷ୍ଟି କରିଛି ।

୩ ଦିବସୀୟ ଦିନିକିଆ ମ୍ୟାଚ୍‌ରେ ଭାରତ 'ଏ'କୁ ସୁପର ଓଭରରେ ଜିତିବା ପାଇଁ ୧୭ ରନ୍ ଆବଶ୍ୟକ ଥିଲା । ଶ୍ରୀଲଙ୍କା 'ଏ'ର ଦ୍ରୁତ ବୋଲର କୁଘାତାସ ମାଥୁଲାନଙ୍କ ସଠିକ୍ ବୋଲିଂ ଆଗରେ ଭାରତୀୟ ଦଳ କେବଳ ୯ ରନ୍ କରିପାରିଥିଲା ​​ଏବଂ ମ୍ୟାଚ୍ ହାରିଯାଇଥିଲା । ବୈଭବ ସୂର୍ଯ୍ୟବଂଶୀ ସୁପର ଓଭରର ପ୍ରଥମ ବଲ୍‌ରେ ଷ୍ଟ୍ରାଇକ୍ ପାଇ ନଥିଲେ। ସେ ମୋଟ ୩ଟି ବଲ୍‌ର ସମ୍ମୁଖୀନ ହୋଇଥିଲେ ଏବଂ ଗୋଟିଏ ଚୌକା ସାହାଯ୍ୟରେ ୬ ରନ୍ କରିଥିଲେ। କିନ୍ତୁ ତାଙ୍କ ଇନିଂସ ଦଳର ବିଜୟ ସୁନିଶ୍ଚିତ କରିବା ପାଇଁ ଯଥେଷ୍ଟ ନଥିଲା ।

ମ୍ୟାଚ୍ ଶେଷ ହେବା ପରେ, ଶ୍ରୀଲଙ୍କା ଖେଳାଳିମାନେ ସେଲିବ୍ରେସନ କରିଥିଲେ । ଏହି ସମୟରେ, ବୈଭବ ସୂର୍ଯ୍ୟବଂଶୀ ଏବଂ ତାଙ୍କ ସାଥୀ ବ୍ୟାଟ୍ସମ୍ୟାନ୍ ସୂର୍ଯ୍ୟାଂଶ ଶେଡଗେ ପଡ଼ିଆ ଛାଡୁଥିବାବେଳେ ଶ୍ରୀଲଙ୍କା ଖେଳାଳିମାନେ ବୈଭବଙ୍କୁ କମେଣ୍ଟ କରିଥିଲେ । ଏହାପରେ ବୈଭବ ରାଗିଯାଇ ଜଣେ ଶ୍ରୀଲଙ୍କା ଖେଳାଳିଙ୍କୁ ଧକ୍କା ମାରିଥିବା କ୍ୟାମେରାରେ ଦେଖିବାକୁ ମିଳିଥିଲା । ପରିସ୍ଥିତି ହଠାତ୍ ଉତ୍ତେଜନାପୂର୍ଣ୍ଣ ହୋଇଯିବାରୁ ଉଭୟ ପକ୍ଷର ଖେଳାଳିମାନେ ସ୍ଥିତିକୁ ନିୟନ୍ତ୍ରଣ କରିଥିଲେ ।

Am I the only one who finds this very disrespectful by Vaibhav Sooryvanshi ?

People say, he is just 15 but the way he pushed his captain as if he has backing of BCCI that he can do anything.#INDvsSL #VaibhavSooryavanshi #ODI #T20I #Test #ShubmanGill #ViratKohli pic.twitter.com/f5xYBOwfck

— Aman (@dharma_watch) June 15, 2026

• ଗୋଟିଏ ମ୍ୟାଚରେ ୨ଥର ବିବାଦରେ ବୈଭବ

ପୂର୍ବରୁ ସୁପର ଓଭରରେ ଶ୍ରୀଲଙ୍କା ଇନିଂସର ଶେଷ ବଲରେ ତୃତୀୟ ଅମ୍ପାୟାର ନୋ-ବଲ୍ ଘୋଷଣା କରିଥିଲେ । ଭାରତୀୟ ଅଧିନାୟକ ତିଲକ ବର୍ମା ସେହି ସମୟରେ ଅମ୍ପାୟାରଙ୍କ ସହ ଆଲୋଚନା କରୁଥିଲେ । ଏହି ସମୟରେ ଡଗ୍ ଆଉଟରେ ଥିବା ବୈଭବ ପଡ଼ିଆକୁ ଆସିଥିଲେ ଏବଂ ଅମ୍ପାୟାରଙ୍କ ସହ ଯୁକ୍ତିତର୍କ କରିବାକୁ ଆରମ୍ଭ କରିଥିଲେ । ପରିସ୍ଥିତି ଏପରି ବିଗିଡ଼ି ଯାଇଥିଲା ଯେ ମୁଖ୍ୟ ପ୍ରଶିକ୍ଷକ ଋଷିକେଶ କାନିତକରଙ୍କୁ ହସ୍ତକ୍ଷେପ କରି ତାଙ୍କୁ ନିଷେଧ କରିବାକୁ ପଡିଥିଲା । ଏହାପରେ ସୁପର ଓଭର ହାରିବା ପରେ ଶ୍ରୀଲଙ୍କା ଖେଳାଳିଙ୍କ କମେଣ୍ଟକୁ ନେଇ ରାଗିଥିଲେ ବୈଭବ ।

• ବୈଭବଙ୍କ ଉପରେ କାର୍ଯ୍ୟାନୁଷ୍ଠାନ ଆଶଙ୍କା

ବର୍ତ୍ତମାନ ମ୍ୟାଚ୍ ରେଫରି ପ୍ରଦୀପ ଜୟପ୍ରକାଶଙ୍କ ଦ୍ୱାରା କୌଣସି ଦଣ୍ଡ ଘୋଷଣା କରାଯାଇ ନାହିଁ। ତଥାପି କ୍ରିକେଟ୍ ନିୟମର ବିଶେଷଜ୍ଞଙ୍କ ଅନୁଯାୟୀ, ଘଟଣାର ସମୀକ୍ଷା କରିବା ପରେ ବୈଭବଙ୍କୁ ଜରିମାନା, ଡିମେରିଟ୍ ପଏଣ୍ଟ କିମ୍ବା ନିଲମ୍ବନର ସମ୍ମୁଖୀନ ହେବାକୁ ପଡ଼ିପାରେ । କ୍ରିକେଟରେ ଖେଳାଳିମାନଙ୍କ ମଧ୍ୟରେ ଝଗଡ଼ାକୁ ଗମ୍ଭୀରତାର ସହ ନିଆଯାଇଥାଏ । ୨୦୨୪ ବର୍ଡର-ଗାଭାସ୍କର ଟ୍ରଫି ସମୟରେ ସମାନ ଘଟଣାରେ ବିରାଟ କୋହଲି ଜଣେ ପ୍ରତିପକ୍ଷଙ୍କ ସହ ମାଡ଼ ମାରିବା ଏବଂ ଯୁକ୍ତିତର୍କ କରିବା ପାଇଁ ସ୍ତର ୧ ଉଲ୍ଲଂଘନର ଦୋଷୀ ସାବ୍ୟସ୍ତ ହୋଇଥିଲେ । ତାଙ୍କୁ ତାଙ୍କ ମ୍ୟାଚ୍ ଫିର ୨୦ ପ୍ରତିଶତ ଜୋରିମାନା ଭାବେ ଦେବାକୁ ପଡ଼ିଥିଲା । ଏଠି ବୈଭବଙ୍କ ମାମଲାରେ ଭାଇରାଲ ଭିଡିଓରେ ଠେଲାପେଲା ଦେଖାଯାଉଛି । ଏଣୁ ସମ୍ଭାବ୍ୟ ଦଣ୍ଡ ଅଧିକ କଠୋର ହୋଇପାରେ ।

• ICCର ଧାରା ୨.୧୨ କ'ଣ କୁହେ?

ଆଇସିସି ଆଚରଣ ସଂହିତାର ଧାରା ୨.୧୨ ଅନୁଯାୟୀ ଖେଳାଳି, ସହାୟକ କର୍ମଚାରୀ, ଅମ୍ପାୟାର କିମ୍ବା ମ୍ୟାଚ୍ ଅଧିକାରୀମାନଙ୍କ ସହିତ ଦୁର୍ବ୍ୟବହାର ବା ଠେଲାପେଲା ଜଡ଼ିତ । ଏହି ନିୟମ ଅନୁଯାୟୀ, ଜାଣିଶୁଣି କେଉଁ ଖେଳାଳିଙ୍କୁ ଧକ୍କା ଦେବା ବା ଶାରୀରିକ ଆଘାତ ଦେବା ବରଦାସ୍ତ କରାଯାଏନାହିଁ । ଏପରି ଘଟଣାରେ କେଉଁ ଖେଳାଳିଙ୍କୁ ଦୋଷୀ କରିବା ପୂର୍ବରୁ ଦେଖାଯାଏ ଯେ, ସେ ଜାଣିଶୁଣି ଆଘାତ କରିଛନ୍ତି କି ନାହିଁ ଏବଂ ଏହା ଅନ୍ୟ ପକ୍ଷକୁ କ୍ଷତି ପହଞ୍ଚାଇଛି କି ନାହିଁ । ଏହି କାରଣଗୁଡ଼ିକ ଉପରେ ଆଧାର କରି ମ୍ୟାଚ୍ ରେଫରି ଘଟଣାର ଗମ୍ଭୀରତା ନିର୍ଣ୍ଣୟ କରନ୍ତି ଏବଂ ତା'ପରେ ଦଣ୍ଡ ଘୋଷଣା କରନ୍ତି।ପଢନ୍ତୁ ଏହି ଖବର: 'ଲୋକେ କଣ କହୁଛନ୍ତି, ଆଦୌ ଶୁଣ ନାହିଁ'; ଏମିତି କାହିଁକି କହିଲେ ବୈଭବ ସୂର୍ଯ୍ୟବଂଶୀ ?

You can clearly see that one of the Sri Lankan players started the fight by saying "this is not IPL"

Vaibhav Sooryavanshi was walking quietly and then responded to a loudmouth Sri Lanka player

Suggestion - Sri Lanka players should not act like Pakistanipic.twitter.com/28vodHGWw1

— Ajay Jadeja (@AjayJadeja171) June 15, 2026

• ଘଟଣା ଉପରେ ସମସ୍ତଙ୍କ ନଜର

ଆୟରଲ୍ୟାଣ୍ଡ ଗସ୍ତ ପୂର୍ବରୁ ଘଟିଥିବା ଏହି ଘଟଣା ଭାରତୀୟ କ୍ରିକେଟ୍ ପାଇଁ ମଧ୍ୟ ଚିନ୍ତାର କାରଣ ହୋଇପାରେ । ଯୁବ ଖେଳାଳିମାନେ ପଡ଼ିଆରେ ଶୃଙ୍ଖଳା ଏବଂ ସଂଯମତା ପ୍ରଦର୍ଶନ କରିବେ ବୋଲି ଆଶା କରାଯାଏ, ବିଶେଷକରି ଯେତେବେଳେ ସେମାନେ ଜାତୀୟ ଦଳେ ଅଛନ୍ତି । ବୈଭବ ସୂର୍ଯ୍ୟବଂଶୀଙ୍କ ଆଚରଣ ଭାରତୀୟ କ୍ରିକେଟ୍ ନିୟନ୍ତ୍ରଣ ବୋର୍ଡ ଏବଂ ଚୟନକର୍ତ୍ତାଙ୍କ ପାଇଁ ମଧ୍ୟ ଚିନ୍ତାର ବିଷୟ ହୋଇପାରେ। ସମସ୍ତଙ୍କ ନଜର ଏବେ ମ୍ୟାଚ୍ ରେଫରିଙ୍କ ନିଷ୍ପତ୍ତି ଏବଂ ଯୁବ ବ୍ୟାଟସମ୍ୟାନ୍ କୌଣସି ସରକାରୀ ଦଣ୍ଡର ସମ୍ମୁଖୀନ ହେଉଛନ୍ତି କି ନାହିଁ ତାହା ଉପରେ ରହିବ ।