। ଅଷ୍ଟ୍ରେଲିଆ, ଦକ୍ଷିଣ ଆଫ୍ରିକା, ଇଂଲଣ୍ଡ ଏବଂ ଭାରତ ଚଳିତ ବିଶ୍ୱକପ୍ ସେମିଫାଇନାଲ ପାଇଁ ଯୋଗ୍ୟତା ଅର୍ଜନ କରିଛନ୍ତି । ଅକ୍ଟୋବର ୨୫, ଶନିବାର ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ମଧ୍ୟରେ ଖେଳାଯାଇଥିବା ମ୍ୟାଚ୍ ସେମିଫାଇନାଲ ଚିତ୍ରକୁ ଆହୁରି ସ୍ପଷ୍ଟ କରିଛି । ଏହି ମ୍ୟାଚ୍ ପରେ ICC ସେମିଫାଇନାଲ ସୂଚୀ ପ୍ରକାଶ କରିଛି । ଯାହା ନିଶ୍ଚିତ କରିଛି ଯେ ଭାରତ ମହିଳା ବିଶ୍ୱକପ୍ ସେମିଫାଇନାଲରେ ଅଷ୍ଟ୍ରେଲିଆ ସହ ଖେଳିବ ।

ବିଶ୍ୱକପ୍ ସେମିଫାଇନାଲ ସୂଚୀ?

ମହିଳା ବିଶ୍ୱକପ୍ ସେମିଫାଇନାଲର ପ୍ରଥମ ମ୍ୟାଚ୍ ଅକ୍ଟୋବର ୨୯ରେ ଖେଳାଯିବ । ଏହି ମ୍ୟାଚ୍‌ ଇଂଲଣ୍ଡ ଓ ଦକ୍ଷିଣ ଆଫ୍ରିକା ମଧ୍ୟରେ ଖେଳାଯିବ । ଏହି ମ୍ୟାଚ୍ ଗୌହାଟିର ବାରସାପାରା କ୍ରିକେଟ୍ ଷ୍ଟାଡିୟମରେ ଅନୁଷ୍ଠିତ ହେବ । ସେହିପରି ଦ୍ୱିତୀୟ ସେମିଫାଇନାଲ ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଅକ୍ଟୋବର ୩୦ ତାରିଖରେ ଡିୱାଇ ପାଟିଲ ସ୍ପୋର୍ଟ୍ସ ଏକାଡେମୀରେ ଖେଳାଯିବ । ଉଭୟ ମ୍ୟାଚ୍ ଭାରତୀୟ ସମୟ ଅପରାହ୍ନ ୩ଟାରେ ଆରମ୍ଭ ହେବ।

ପ୍ରଥମ ସେମିଫାଇନାଲ - ବୁଧବାର, ଅକ୍ଟୋବର ୨୯; ଇଂଲଣ୍ଡ ବନାମ ଦକ୍ଷିଣ ଆଫ୍ରିକା
ଦ୍ୱିତୀୟ ସେମିଫାଇନାଲ - ଗୁରୁବାର, ଅକ୍ଟୋବର ୩୦; ଭାରତ ବନାମ ଅଷ୍ଟ୍ରେଲିଆ

ଅଧିକ ପଢ଼ନ୍ତୁ: ଅବସରକୁ ନେଇ ବଡ଼ ଘୋଷଣା କଲେ ରୋହିତ-କୋହଲି; କହିଲେ, ଧନ୍ୟବାଦ ଅଷ୍ଟ୍ରେଲିଆ...

ଅଷ୍ଟ୍ରେଲିଆ ମହିଳା ବିଶ୍ୱକପ୍ ୨୦୨୫ ପଏଣ୍ଟ ଟେବୁଲରେ ୧୩ ପଏଣ୍ଟ ସହିତ ଶୀର୍ଷରେ ରହିଛି । ଆଇସିସି ନିୟମ ଅନୁଯାୟୀ, ପଏଣ୍ଟ ଟେବୁଲରେ ନମ୍ବର ୱାନ୍‌ ଦଳ ସେମିଫାଇନାଲରେ ପଏଣ୍ଟ ଟେବୁଲର ଚତୁର୍ଥ ସ୍ଥାନରେ ଥିବା ଦଳ ସହିତ ମୁକାବିଲା କରିବ । ଏହି ସମୟରେ ଭାରତ ପଏଣ୍ଟ ଟେବୁଲରେ ଚତୁର୍ଥ ସ୍ଥାନରେ ଅଛି । ତେଣୁ ସେମିଫାଇନାଲରେ ଭାରତ ଅଷ୍ଟ୍ରେଲିଆକୁ ଭେଟିବ ।

The #CWC25 semi-final matchups are now set 🥵#ENGvSA #AUSvIND pic.twitter.com/RQ2ZjW10Df

— ICC (@ICC) October 25, 2025

ସେହିପରି ନ୍ୟୁଜିଲ୍ୟାଣ୍ଡ ବିପକ୍ଷରେ ବିଶ୍ୱକପ୍ ଲିଗ୍ ପର୍ଯ୍ୟାୟରେ ଇଂଲଣ୍ଡର ମଧ୍ୟ ଗୋଟିଏ ମ୍ୟାଚ୍ ବାକି ଅଛି । କିନ୍ତୁ ଯଦି ସେମାନେ ଏହି ମ୍ୟାଚ୍ ଜିତିଯାଆନ୍ତି, ତେବେ ସେମାନଙ୍କର ୧୧ ପଏଣ୍ଟ ହେବ । ଯାହା ସେମାନଙ୍କୁ ପଏଣ୍ଟ ଟେବୁଲରେ ଦ୍ୱିତୀୟ ସ୍ଥାନକୁ ନେଇଯିବ । ICC ନିୟମ ଅନୁଯାୟୀ, ପଏଣ୍ଟ ଟେବୁଲରେ ଦ୍ୱିତୀୟ ସ୍ଥାନ ଅଧିକାର କରିଥିବା ଦଳ ଏବଂ ତୃତୀୟ ସ୍ଥାନ ଅଧିକାର କରିଥିବା ଦଳ ମଧ୍ୟରେ ଆଉ ଏକ ସେମିଫାଇନାଲ ମ୍ୟାଚ୍ ଖେଳାଯିବ । ତେଣୁ, ପ୍ରଥମ ସେମିଫାଇନାଲ ଦକ୍ଷିଣ ଆଫ୍ରିକା ଏବଂ ଇଂଲଣ୍ଡ ମଧ୍ୟରେ ଏବଂ ଦ୍ୱିତୀୟ ସେମିଫାଇନାଲ ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଖେଳାଯିବ ।