ନୂଆଦିଲ୍ଲୀ: ବିମାନ ଯାତ୍ରୀ ଧ୍ୟାନ ଦିଅନ୍ତୁ । ଅକ୍ଟୋବର ପହିଲା ଅର୍ଥାତ୍ ଆଜିଠାରୁ ଏମିରେଟ୍ସ ବିମାନ ନୂଆ ନିୟମ ଲାଗୁ କରିଛି । ଏଣିକି ଏମିରେଟ୍ସ ବିମାନରେ ଯାତ୍ରା କଲେ ଆପଣ ନିର୍ଦ୍ଦିଷ୍ଟ ପାୱାର ବ୍ୟାଙ୍କ ନେବା ଲାଗି ଅନୁମିତ ମିଳିବ ନାହିଁ । ଖାଲି ପାୱାର ବ୍ଯାଙ୍କ ନୁହେଁ ଏପରିକି ଫୋନ୍ ଓ ଲାପଟପ୍‌କୁ ଚାର୍ଜ କରିପାରିବେ ନାହିଁ ।

ବିମାନ ଯାତ୍ରା ବେଳେ ଆପଣ ଏମିରେଟ୍ସରରେ ପାୱାର ବ୍ୟାଙ୍କ ଚାର୍ଜିଂ କରିପାରିବେ ନାହିଁ । ନୂଆ ଏମିରେଟ୍ସ, ନିୟମ ଅନୁସାରେ, ଜଣେ ଯାତ୍ରୀ ବିମାନ ଯାତ୍ରା ବେଳେ କେବଳ ଗୋଟିଏ ମାତ୍ର ପାୱାର ବ୍ଯାଙ୍କ ସାଥୀରେ ନେଇ କରି ଯିବାକୁ ଅନୁମତି ମିଳିବ ।

ତେବେ ବିମାନ ଯାତ୍ରା ସମୟରେ ଆପଣ କୌଣସି ପ୍ରକାରର ପାୱାର ବ୍ୟବହାର କରିପାରିବେ ନାହିଁ । ଏହି ନିୟମ ୨୦୨୫ ଅକ୍ଟୋବର ୧ ତାରିଖ ଅର୍ଥାତ୍ ଆଜିଠାରୁ ଲାଗୁ ହୋଇଛି । ଏନେଇ ଅଗଷ୍ଟ ମାସରେ ଏମିରେଟ୍ସ ପକ୍ଷରୁ ସୂଚନା ଦିଆଯାଇଥିଲା ।

ଏଥିସହ ପଢ଼ନ୍ତୁ: ଭାରତର ଧନୀ ନମ୍ବର ୧ ମୁକେଶ ଅମ୍ବାନୀ, ଶାହରୁଖଙ୍କ ନୂଆ ରେକର୍ଡ

ଏମିରେଟ୍ସ ଅନୁସାରେ, "ବିମାନ ଯାତ୍ରୀ କେବଳ ଗୋଟିଏ ପାୱାର ବ୍ୟାଙ୍କ ସାଥୀରେ ନେଇ ପାରିବେ । ଏଥିପାଇଁ କେତକ ସର୍ତ୍ତ ମାନିବାକୁ ପଡ଼ିବ । ଏୟାରକ୍ରାଫ୍ଟ କ୍ୟାବିନ୍ ଭିତରେ ପାୱାର ବ୍ୟାଙ୍କ ବ୍ୟବହାର କରିବେ ନାହିଁ । ନା ପାୱାର ବ୍ୟାଙ୍କ ଚାର୍ଜ କରିପାରିବେ ନା ତା' ସହାୟତାରେ ଅନ୍ୟ କିଛି ଉପକରଣକୁ ଚାର୍ଜିଂ କରି ହେବ ।"

ପାୱାର ବ୍ୟାଙ୍କକୁ କାହିଁକି ନା ?

ଅଗଷ୍ଟରେ ଏମିରେଟ୍ସ ପକ୍ଷରୁ ପାୱାର ବ୍ୟାଙ୍କ ଉପରେ କଟକଣା ଲଗାଇବାକୁ ଘୋଷଣା କରାଯାଇଥିଲା । ଯେଉଁଥିରେ କମ୍ପାନୀ ସୁରକ୍ଷା ଜନିତ କାରଣ ଦର୍ଶାଇଥିଲା । କମ୍ପାନୀ କହିଥିଲା, "ବିଗତ କିଛି ବର୍ଷ ମଧ୍ୟରେ ବିମାନରେ ପାୱାର ବ୍ୟାଙ୍କର ବ୍ୟବହାର ବେଶ୍ ବୃଦ୍ଧି ପାଇଛି । ଯାହା ଫଳରେ ବିମାନରେ ଲିଥିୟମ୍ ବ୍ୟାଟେରି ସମ୍ପର୍କିତ ଦୁର୍ଘଟଣା ବ୍ୟାପକ ଭାବେ ନଜର ଆସୁଛି ।"

ଏୟାର ଲାଇନ୍ କହିଛି, ପାୱାର ବ୍ୟାଙ୍କର ବ୍ୟବହାର ଯୋଗୁଁ ସ୍ଵୟଂ ଆକ୍ସିଲେରେଟିଂ ସ୍ଥିତି ସୃଷ୍ଟି ହୋଇପାରେ, ଯାହାକୁ ଥର୍ମାଲ୍ ରନୱେ କୁହାଯାଏ । ଯେଉଁଠି, ବ୍ୟାଟେରି ସେଲ୍ ଭିତରେ ଉତ୍ପନ୍ନ ତାପ, ତାର ଗମରକୁ ନଷ୍ଟ କରିବାର କ୍ଷମତା ଠାରୁ ଅଧିକ ହୋଇଯାଏ । ଫଳରେ ତାପମାତ୍ରା ତୀବ୍ର ହେବା ସହ ଅନିୟନ୍ତ୍ରିତ ହୋଇପଡ଼େ ।

ଏଥିସହ ପଢ଼ନ୍ତୁ: ମୋଦି ଦେଲେ ଖୁସି ଖବର: କେନ୍ଦ୍ରୀୟ କର୍ମଚାରଙ୍କ DA 3% ବୃଦ୍ଧି

ଏଭଳି ହେବା ବିପଜ୍ଜନକ ହେବା ସହ ନିଆଁ ଲାଗିବା, ବିସ୍ଫୋରଣ ଏବଂ ଟକ୍ସିସ୍ ଗ୍ୟାସ୍ ସୃଷ୍ଟି କରିବାରେ ସହାୟକ ହୋଇପାରେ । ଏ ସବୁ ସମ୍ଭାବ୍ୟ ବିପଦକୁ ଦେଖି ଏମିରେଟ୍ସ ବଡ଼ ନିଷ୍ପତ୍ତି ନେଇଛି । ଏଣିକି ଯାତ୍ରୀ କେବଳ ଗୋଟିଏ ପାୱାର ବ୍ୟାଙ୍କ ନେଇପାରିବେ ।

ଘଣ୍ଟାକୁ ୧୦୦ ୱାଟ୍ କିମ୍ବା ୨୭୦୦ mAH ପାୱାର ଦେଉଥିବା ପାୱାର ବ୍ୟାଙ୍କ ନେବାକୁ ଅନୁମତି ମିଳିବ । ନେଉଥିବା ପାୱାର ବ୍ୟାଙ୍କରେ ତା'ର କ୍ଷମତା ଉଲ୍ଲେଖ ଥିବା ଜରୁରୀ । ମୁଣ୍ଡ ଉପରେ ଥିବା କ୍ୟାବିନରେ ପାୱାର ବ୍ୟାଙ୍କ ରଖିବା ପରିବର୍ତ୍ତେ ସିଟ୍ ପକେଟ୍ କିମ୍ବା ନିଜ ସିଟ୍‌ ଆଗରେ ଏକ ବ୍ୟାଗରେ ପାୱାର ବ୍ୟାଗ ରଖି ପାରିବେ ।

Argus News | argus news | Odisha Latest News, Breaking News, Trending News, Live TV