ହ୍ୱାଟସଆପରେ ଚାଟ୍ କରିବା ପାଇଁ ଆପଣଙ୍କର ବ୍ୟକ୍ତିଗତ ମୋବାଇଲ୍ ନମ୍ବରକୁ ବାଧ୍ୟତାମୂଳକ ଭାବେ ସେୟାର କରିବାର ଦିନ ଏବେ ଶେଷ ହେବାକୁ ଯାଉଛି । ମାର୍କ ଜୁକରବର୍ଗଙ୍କ କମ୍ପାନୀ ଏକ ଦମଦାର ଗୋପନୀୟତା ଫିଚର ଆଣିଛି ଯାହା ଚାଟ୍ କରିବାର ଶୈଳୀକୁ ସମ୍ପୂର୍ଣ୍ଣ ପରିବର୍ତ୍ତନ କରିବ । ଅନେକ ସମୟରେ ଫୋନ୍ ନମ୍ବର ଲିକ୍ ହେବାର ଭୟରେ ୟୁଜର କୌଣସି ଅଜଣା ବ୍ୟକ୍ତିଙ୍କ ସହ କଥା ହେବା ପୂର୍ବରୁ ସଂକୋଚ ଅନୁଭବ କରନ୍ତି । କିନ୍ତୁ ଏବେ ଏହି ଚିନ୍ତାକୁ ୟୁଜର ଭୁଲିଯାଆନ୍ତୁ ।

ମେଟାର ଏହି ଲୋକପ୍ରିୟ ଇନଷ୍ଟାଣ୍ଟ ମେସେଜିଂ ପ୍ଲାଟଫର୍ମ WhatsApp ୟୁଜରଙ୍କ ଗୋପନୀୟତାକୁ ଏକ ନୂତନ ସ୍ତରକୁ ନେଇ ନିଜ ଉପଭୋକ୍ତାଙ୍କୁ ଭିନ୍ନ ଅଭିଜ୍ଞତା ପ୍ରଦାନ କରିବ । ଭବିଷ୍ୟତରେ ହ୍ଵାଟସଆପ ୟୁଜରଙ୍କୁ କାହା ସହିତ ଚାଟ୍ କରିବା ପାଇଁ ନିଜର ୧୦ ଅଙ୍କ ବିଶିଷ୍ଟ ମୋବାଇଲ୍ ନମ୍ବର ଦେବାକୁ ପଡ଼ିବ ନାହିଁ।
ଏବେ ୟୁଜର କେବଳ ଏକ ୟୁଜରନେମ୍ ସାହାଯ୍ୟରେ ସୁରକ୍ଷିତ ଭାବରେ କାହା ସହିତ ସଂଯୋଗ କରିପାରିବେ। ଏହି ଫିଚର୍ ଠିକ୍ ସେହିପରି କାମ କରିବ ଯେପରି ଆପଣ Instagram କିମ୍ବା Telegramରେ ନମ୍ବର ବିନା ଅନ୍ୟମାନଙ୍କ ସହିତ କଥା ହୁଅନ୍ତି ।

• କଣ ଏହି ନୂଆ ଫିଚର ?

ଏହି ନୂତନ ଅପଡେଟର ସବୁଠାରୁ ବଡ଼ ଲାଭ ହେବ ଯେ ୟୁଜରମାନେ ସେମାନଙ୍କର ଗୋପନୀୟତାକୁ ସମ୍ପୂର୍ଣ୍ଣ ନିୟନ୍ତ୍ରଣ କରିପାରିବେ । ଏପର୍ଯ୍ୟନ୍ତ ଏକ WhatsApp ଆକାଉଣ୍ଟ ତିଆରି କରିବା ଏବଂ କାହା ସହିତ ଯୋଗାଯୋଗ କରିବା ପାଇଁ ୟୁଜରଙ୍କୁ ନିଜ ଫୋନ୍ ନମ୍ବର ସେୟାର କରିବାକୁ ପଡୁଥିଲା, ଯାହା ଏକ ଗୋପନୀୟତା ବିପଦ ସୃଷ୍ଟି କରିଥିଲା । ନୂଆ ଫିଚର ସହିତ ୟୁଜର ନିଜ ମନ ପସନ୍ଦର ଏକ ସ୍ଵତନ୍ତ୍ର ୟୁଜରନେମ୍ ସେଟ୍ କରିପାରିବେ । ଯଦି ଆପଣ କୌଣସି ଅଜଣା ବ୍ୟକ୍ତି କିମ୍ବା ବ୍ୟବସାୟ ଆକାଉଣ୍ଟ ସହିତ ଯୋଗାଯୋଗ କରିବାକୁ ଚାହାଁନ୍ତି, ତେବେ ଆପଣ କେବଳ ଆପଣଙ୍କର ୟୁଜରନେମ୍ ପ୍ରଦାନ କରିବେ।

ପଢନ୍ତୁ ଏହି ଖବର: ଅପେକ୍ଷାର ଅନ୍ତ; ଏବେ WhatsAppରେ ପଠାନ୍ତୁ ସିକ୍ରେଟ୍ ମେସେଜ୍..

• କେମିତି କାମ କରିବ ନୂଆ ଫିଚର ?

ମେଟା ଅନୁଯାୟୀ, ଏହି ଫିଚରଟି ହ୍ୱାଟସଆପର ପ୍ରୋଫାଇଲ୍ ସେଟିଂସ୍ ସେକ୍ସନରେ ଦେଖାଯିବ । ୟୁଜରଙ୍କ ପାଖରେ ସେମାନଙ୍କ ଆକାଉଣ୍ଟ ପାଇଁ ଏକ ସ୍ୱତନ୍ତ୍ର ନାମ ବାଛିବାର ବିକଳ୍ପ ରହିବ । ୟୁଜରନେମ୍ ସେଟ୍ କରିବା ପରେ, ଅନ୍ୟ ୟୁଜରମାନେ ଆପଣଙ୍କୁ ସର୍ଚ୍ଚ ବାରରେ ସେହି ନାମରେ ଖୋଜିପାରିବେ । ଗୁରୁତ୍ୱପୂର୍ଣ୍ଣ କଥା ହେଉଛି ଏହି ପ୍ରକ୍ରିୟା ସମୟରେ ହ୍ୱାଟସଆପର ଏଣ୍ଡ-ଟୁ-ଏଣ୍ଡ ଏନକ୍ରିପସନ୍ ଅକ୍ଷୁର୍ଣ୍ଣ ରହିବ ଅର୍ଥାତ ଆପଣଙ୍କର କଥାବାର୍ତ୍ତା ପୂର୍ବ ପରି ସମ୍ପୂର୍ଣ୍ଣ ସୁରକ୍ଷିତ ଏବଂ ବ୍ୟକ୍ତିଗତ ରହିବ ।

ପଢନ୍ତୁ ଏହି ଖବର: WhatsApp ୟୁଜରଙ୍କ ଲାଗି ବଡ଼ ଚେତାବନୀ; ଧ୍ୟାନ ଦିଅନ୍ତୁ, ନଚେତ ଫୋନ ସିଧା ହ୍ୟାକ୍

• କାହାକୁ ମିଳିବ ନୂଆ ଫିଚରର ଫାଇଦା?

WhatsApp ବର୍ତ୍ତମାନ ଏହି ୟୁଜରନେମ୍ ଫିଚର ଉପରେ ଦ୍ରୁତ ଗତିରେ କାମ କରୁଛି । ଏହାକୁ ପ୍ରାରମ୍ଭିକ ଭାବରେ Android ଏବଂ iOS ଉଭୟ ପାଇଁ ହ୍ଵାଟସଆପର ବିଟା ସଂସ୍କରଣରେ ପରୀକ୍ଷଣ କରାଯାଉଛି । ପରୀକ୍ଷଣ ସମାପ୍ତ ହେବା ପରେ ଏବଂ ଯେକୌଣସି ତ୍ରୁଟି ସମାଧାନ ହେବା ପରେ ଏହାକୁ ଶୀଘ୍ର ବିଶ୍ୱବ୍ୟାପୀ ସମସ୍ତ ୟୁଜରଙ୍କ ପାଇଁ ଉପଲବ୍ଧ କରାଯିବ । ଗୋପନୀୟତା ଦୃଷ୍ଟିରୁ WhatsApp ଇତିହାସରେ ଏହା ସବୁଠାରୁ ବଡ଼ ଏବଂ ଗୁରୁତ୍ୱପୂର୍ଣ୍ଣ ଅପଡେଟ୍ ଭାବରେ ବିବେଚନା କରାଯାଉଛି ।